1O Israel, ribaKap 12.6 pa SIÑOR bu Deus. Bu pekadus pou pa bu kai.
2Bo toma palabras, bo riba pa SIÑOR, bo falal: “Tira tudu no pekadu, bu risibinu ku bondadi. Asin no na pursenta no orasonJoe 2.17; Eb 13.15 suma turu di sakrifisiu.
3Asiria ka pudi salbanu; no ka na monta kabalus di gera; no ka na torna fala un kusa ku no kumpu ku no mon: ‘Abo i no Deus’, pabia i na bo ku orfanSal 68.5; 146.9 ta oja miserikordia.”
SIÑOR na da vida nobu pa Israel4“N na kura se kurupson,
N na ama elis di korson,
pabia N ka ten mas raiba kontra elis.
5Ami N na sedu suma serenu pa Israel;
i na da floris suma liriu,
i manda si raisis pa fundu suma sedru di Líbanu.
6I na soronda ramus nobu,
i na bonitu suma olivera,
ku purfumu suma sedru di Líbanu.
7Jinti na torna bin sinta bas di si sombra.
E na tene nobu vida suma trigu,
e tene manga di flor suma pe di uva.
Se fama na sedu suma kil di biñu di Líbanu.
8Efrain na punta: ‘Ke ku N ten mas ku idulus?’
Ami N obi si orason, N na toma konta del.
Ami i suma piñeru, sempri verdi;
si frutu ta ojadu na mi.”
9Kin ki jiru? I na sibi kuma e kusas i sertu. Kin ku ten ntindimentu? I na ntindi elis. KamiñusDit 10.29 di SIÑOR i retu; jinti justu na yanda nelis, ma kilis ku ta kebra lei e na kai na ki kamiñus.
Who We AreWhat We EelieveWhat We Do
2025 by iamachristian.org,Inc All rights reserved.
