Salmus 143 - Portuguese Creole Bible, Guinea-Bissau

Salmu di Davi.

1O SIÑOR, obi ña orason,

bu para oreja pa ña pididu.

Kudin, suma ku bu sedu justu i fiel.

2Ka bu leba bu servu pa julgamentu,

pabia na bu uju i ka ten kin ki justuJo 9.2-3; Rom 3.10; Gal 2.16 na metadi di bibus.

3Inimigu pirsigin, i batin na con;

i fasin mora na sukuru suma kilis ku muri disna.

4Asin ña spiritu na dismaja dentru di mi,

ña korsonKap 61.2 sta tarpajadu.

5N ta lembra di diasKap 77.5,11 ku pasa,

N ta pensa na bu tarbaju,

tudu kusas ku bu mon fasi.

6N ta distindi ña mon pa bo,

ña alma ta faima pa bo

suma ku tera seku ta misti cuba.

Sela

7O SIÑOR, kudin kinti-kinti;

ña spiritu na dismaja.

Ka bu sukundin bu rostu,

pa N ka bin torna suma kilis ku na ria na koba.

8Fasin pa N obi bu palabra di bondadi parmaña,

pabia N fiansa na bo.

Mostran kamiñu ku N dibi di yanda,

pabia N na jubi pa bo.

9O SIÑOR, libran di ña inimigus,

pabia N na buska suguransa na bo.

10NsinanKap 25.4-5; Ne 9.20; Jon 14.26 fasi bu vontadi,

pabia abo i ña Deus.

Pui bu bon Spiritu pa i gian na con filadu.

11O SIÑOR, arnoba ña vida pa amor di bu nomi;

pabia di bu retidon, tiran na sufrimentu.

12Na bu bondadi, mata ña inimigus;

kaba ku tudu kilis ku na kansan,

pabia ami i bu servu.