Jeremias 17 - Portuguese Creole Bible, Guinea-Bissau

Pekadu ta ngana jinti

1Deus fala: “Pekadu di Judá sta skritu ku un ponteru di feru ku ponta gudu, gravaduJo 19.24; Dit 3.3; 2 Kor 3.3 na tagua di se korson, tambi na pontas di se altaris.

2Se fijus tambi e lembra di se altaris ku se idulusKap 2.20; 2 Re 16.4; 2 Kron 24.18; 33.3,19; Is 17.8; 57.5 di Aserá, bas di arvuris verdi, riba di montis altu,

3ku montañas, tambi na matu. Bu rikesas ku tudu bu kusas di balur, N na ntregaKap 15.13 elis pa e furtadu, suma tambi bu kaus altu, pabia di pekadu ku fasidu na tudu ladu di bu tera.

4Pabia di bu kulpa bu na pirdi yardansa ku N dau. N na pou pa bu sirbi bu inimigusKap 16.13 na tera ku bu ka kunsi, pabia bu lantanda ña raiba suma fugu ku na yardi pa sempri.”

5Asin ku SIÑOR fala:

“Maldisuadu i omi ku fiansa na omi,

ku dipindi di forsaIs 31.1,3 di karni,

ku si korson lunjusi SIÑOR.

6I na sedu suma planta na lala;

i ka ta oja ora ku kusa bon na bin;

i ta mora na kau seku na lala,

na tera salgadu nunde ku ningin ka pudi mora.

7“Ma sortiadu i omi ku fiansa na SIÑOR,

ku si speransaSal 2.12; Dit 16.20; Is 30.18 sta na SIÑOR.

8I na sedu suma arvuri ku parantaduJo 8.16; Sal 1.3; Is 58.11; Ez 31.4-9 lungu di yagu,

ku ta larga si rais pa riusiñu;

i ka ta sinti medu ora ku kalur na bin,

ma si foja ta fika sempri nobu.

Na anu ku cuba ka cubi,

i ka ta fika kansadu,

nin i ka ta disa di padi fiju.”

9Korson ta ngana mas di ki tudu kusa,

i kuruptuKum 6.5 tok i ka ten kura;

kin ku pudi kunsil?

10“Ami, SIÑOR, N ta rabistaKap 11.20; 1 Kron 28.9; Sal 139.23; Dit 17.3; Rom 8.27; Apok 2.23 korson,

N ta spurmenta pensamentus;

N ta paga kada alginKap 32.19; Sal 62.12; Mat 16.27; Rom 2.6; Apok 20.12 konformi si manera di yanda,

ku kusas ki fasi.”

11Algin ku junta rikesas na tarpasa,

i suma coka ku ta mborka na ovus ki ka di sil.

Ora ku si vida sta na metadi,

i ta pirdi ki rikesas;

na kabantada i taLuk 12.20 tulu.

12No kau sagradu i suma un tronuKap 14.21 di gloria

ku sta na un lugar altu disna di kumsada.

13O SIÑOR, SperansaKap 14.8 di Israel!

Tudu kilis ku disau e na ten borgoña.

Kilis ku lunjusi di bo,

se nomis na skirbiduLuk 10.20 na reia,

pabia e bandonaKap 2.13; Sal 73.27; Is 1.28 SIÑOR

ku sedu fonti di yagu ku ta da vida.

14Kuran, SIÑOR, N ta sedu kuradu; salban, N ta sta salbu, pabia i abo ku N ta ngaba.

15Jinti ta puntan: “Nta nunde palabra di SIÑOR? Pa i kumpriduIs 5.19; 2 Ped 3.4 gosi!”

16N ka teneba vontadi di sedu bakiadur di bu pobu. Bu sibi kuma N ka mistiba dia di kastigu. Kil ku sai na ña boka i sta na bu kuñisimentu.

17Ka bu sedu spantu pa mi; abo ki ña kau di sukundiKap 16.19 na dia di mal.

18Libran di borgoña ma pui kilis ku na pirsigin pa e burguñu. Pui elis pa e panta, ma libran di spantu. Tisi dia di mal riba delis, bu kaba ku elis ku kastiguKap 11.20; 16.18; 20.11 dobru.

Guarda dia di diskansu

19SIÑOR falan: “Bai bu firma na porton di pobu ku reis di Judá ta yentra e sai nel, suma tambi tudu utru portons di Jerusalen.

20Bu fala elis: ‘Bo obi palabra di SIÑOR, abos reis di Judá, ku tudu Judá ku tudu moraduris di Jerusalen ku ta yentra ne portons.

21Asin ku SIÑOR fala: Si bo ama bo vida, ka bo karga kusas na dia diSai 20.8-11; Num 15.32-36; Ne 10.31; 13.15-22 diskansu, nin ka bo yentranda elis na portons di Jerusalen.

22Ka bo tira kargus na bo kasas, nin ka bo fasi kualker tarbaju na dia di diskansu, ma bo tenel suma dia sagradu, suma ku N manda bo papes.

23Ma elis e ka para sintidu, e nega obi; e ndurusiKap 7.24,26 se korson pa ka e obin, pa ka e kuriẑidu.

24“‘Ma si bo pui sintiduKap 22.4 pa obin, ami SIÑOR, bo ka yentranda kargus na portons di prasa na dia di diskansu, bo tenel suma dia sagradu, bo ka fasi tarbaju nel,

25nta reis ku sinta na tronu di Davi e na yentra na portons de prasa. Elis ku se ŝefis e na yanda na karus, o montadu na kabalus, kumpañadu pa omis di Judá ku moraduris di Jerusalen. E prasa na tene moraduris sempri.

26Jinti na bin di prasas di Judá ku tabankas na roda di Jerusalen, di tera di Benjamin, di montis na kaida di sol, di montañas ku di sul, e na tisi sakrifisius ku ofertas ku ta kemadu, ofertas di kumida, nsensu ku sakrifisius di gardisimentu, pa kasa di SIÑOR.

27“‘Ma si bo ka obdisin, pa tene dia di diskansu suma dia sagradu, pa ka karga kusas pa yentranda elis na portons di Jerusalen na dia di diskansu, nta N na sindi fuguKap 52.13; Mis 4.11; Os 8.14; Am 2.5 na bo portons ku na kaba ku palasius di Jerusalen; ki fugu ka na pagadu.’ ”