Oseias 5 - Portuguese Creole Bible, Guinea-Bissau

1“Abos saserdotis, bo sukuta; pobu di Israel, bo para atenson! Familia di rei, bo obi! E julgamentu i kontra bos; bo seduba armadiliaKap 6.9 pa Mizpá, tambi bo seduba ridia distindidu riba di Tabor.

2Jinti rebeldi murguja na matansa, ma N na disiplina elis tudu.

3N kunsi Efrain; Israel ka pudi sukundi di mi. Efrain, bu sta jaKap 4.17 na mau vida; Israel sta kontaminadu.”

Oseias da avisu kontra idulatria

4Kusas ke na fasi tuji elis riba pa se Deus, pabia spiritu di mau vida sta na se korson; e ka ta rikuñisi SIÑOR.

5Orgulyu di IsraelKap 7.10 na testifika kontra elis. Efrain, ku sedu Israel, na kai pabia di se pekadu; Judá na kai juntu ku elis.

6E na bai ku se karnel ku se bakas pa buskaDit 1.28 SIÑOR, ma e ka na ojal. El i bai i fika elis.

7E ka sedu fiel pa SIÑOR, pabia e padi se fijus fora di kasamenti. Na tempu di festival di lua nobu e na kabadu ku el, juntu ku se tera.

Gera di Judá ku Israel

8Bo toka kornetaKap 8.1; Joe 2.1,15 naKap 9.9; 10.9; Jos 18.25,28; Ŝef 19.12-15,22-30; 20 Jibeá; bo toka cifri na Ramá; bo grita pa coma tropas na Bet-Aven.Kap 4.15 Benjamin, bai dianti, no sta bu tras!

9Na dia di kastigu Efrain na danadu. N diklara kil ki sertu na metadi di jorsons di Israel.

10SIÑOR fala: “Ŝefis di Judá sedu suma jinti ku ta mundantaLei 19.14 pedras di marka limitis di terenu. N na darma ña raiba suma yagu riba delis.

11Jinti kalka Efrain, e kebrantal na julgamentu, pabia i pui sintidu pa bai tras di idulus.

12N na sedu suma bagabaga pa Efrain; pa pobu di Judá N na sedu suma podrisa.

13“Oca ku Efrain oja si duensa, Judá oja si caga tambi. Efrain bai pa AsiriaKap 7.11; 12.1 pa pidi ajuda di rei Jareb, ma el i ka pudi kura elis, nin i ka pudi pui pa se caga san.

14N na sedu suma lionKap 13.7-8; Mis 3.10 pa Efrain, suma fiju di lion pa pobu di Judá. Ami propi N na padasa elis, N bai; ora ku N na rasta elis, i ka na ten kin ku na libra elis.

15N na riba pa ña lugar, te dia ke rikuñisi se kulpa, eSir 26.40-41; Jer 29.12-13 buskan. Na se foronta e na lanta mandrugada pa buskan.”