Numerus 10 - Portuguese Creole Bible, Guinea-Bissau

Dus korneta di prata

1SIÑOR fala Moisés:

2“Fasi dus kornetaKap 10.10; Sai 19.16,19; Sir 23.24; Jos 6.4; Sal 81.3; Joe 2.15 di prata batidu ku na sedu pa coma jinti pa juntamentu o pa konta elis di saida.

3Ora ke toka elis tudu dus, tudu jinti na juntaJer 4.5 bu dianti na porta di tenda di juntamentu,

4ma si i un ku tokadu, ŝefisKap 7.2 ku sedu kabesas di familias di Israel e na junta bu dianti.

5Si bo tokal di kumpridu, jinti ku kampa na saida di solKap 2.3 e na lanta pa pega kamiñu pa bai.

6Ora ku bo tokal sugundu bias di kumpridu, jinti ku kampa na sulKap 2.10 e na lanta pa pega kamiñu pa bai. E na ba ta toka sempri di kumpridu pa jinti ba ta bai.

7Pa pudi junta jinti bo na toka elis, ma i ka di kumpridu.

8“Fijus di Aron, ku sedu saserdotis, elis ku na tokaKap 31.6; Jos 6.4-16; 1 Kron 15.24; 16.6; 2 Kron 13.12-15 korneta; es i na sedu un lei pa bos ku bo jorson pa sempri.

9Ora ku inimigu ataka bos na bo tera, bo na sai pa bai geria ku el, bo na toka kornetas di kumpridu; asin SIÑOR bo Deus na lembraSai 28.29; 30.16; Jos 4.7; At 10.4; 1 Kor 11.24-26 di bos, i na kaplinti bos di bo inimigus.

10Tambi na dia di bo kontentamentu, suma tambi na bo festivalisSai 23.14-17 markadu, o na lua nobu, bo na toka kornetas riba di bo ofertas kemadu ku ofertas di pas. E na pui bo Deus pa i lembra di bos. Ami i SIÑOR bo Deus.”

Israelitas sai di Sinai

11Na dia 20 di sugundu mis di sugundu anu, nuvenKap 9.15-23; Sai 13.21 ku staba riba di tenda di juntamentu i lanta.

12Fijus di Israel sai na lala di Sinai, e pega kamiñu pa lala di ParanKap 12.16; 13.3,26; 1 Sam 25.1 nunde ku nuven bai para nel.

13Asin ke pega ki purmeru kamiñu konformi ordiKap 2.34; 9.23 ku SIÑOR da Moisés.

14Tropas di kampamentu di JudáKap 1.7-9; 2.3-9 bai purmeru, ku se bandera. Se ŝef i Naason, fiju di Aminadab.

15Ŝef di tropas di jorson di Isakar i Netanel, fiju di Zuar.

16Eliab, fiju di Elon, i sedu ŝef di tropas di jorson di Zebulon.

17Tenda dismontadu;Kap 1.51; 3.25-26,36-37; 4.24-33; 7.6-8 fijus di Jerson ku fijus di Merari e lambul e leba.

18Dipus tropas di kampamentu di RubenKap 1.5,6,14; 2.10-16 e bai, ku se bandera. Se ŝef i Elizur, fiju di Sedeur.

19Ŝef di tropas di jorson di Simeon i Selumiel, fiju di Zurisadai.

20Ŝef di tropas di jorson di Gad i Eliasaf, fiju di Deuel.

21Dipus koatitasKap 2.17; 4.4-16; 7.9 bai e lambu kusas di kau sagradu, e leba. Antis de ciga, kilis ku lebaba tenda e ta montalba ja.

22Dipus tropas di kampamentu di EfrainKap 1.10-11; 2.18-24 e bai, ku se bandera. Se ŝef i Elisama, fiju di Amijud.

23Ŝef di tropas di jorson di Manasés i Gamaliel, fiju di Pedazur.

24Ŝef di tropas di jorson di Benjamin i Abidan, fiju di Jideoni.

25Na kabantada, tropas di kampamentu di DanKap 1.12,13,15; 2.25-31 e bai ku se bandera suma guarda di tras. Se ŝef i Aiezer, fiju di Amisadai.

26Ŝef di tropas di jorson di Aser i Pajiel, fiju di Okran.

27Ŝef di tropas di jorson di Naftali i Aira, fiju di Enan.

28Es i ordi di marŝa di tropas di fijus di Israel oca ke na sai.

Moisés pidi Obab pa i bai ku elis

29Moisés fala Obab, si kuñadu, fiju diSai 2.18; 3.1 Reuel, ki midianita: “No na sai pa bai pa ki lugar ku SIÑOR falaKum 12.7; 15.18; Sai 3.8; 6.8 i na danu. Bin ku nos; no na tratau diritu, pabia SIÑOR fala i na da bon kusas pa Israel.”

30Obab falal: “N ka na bai. N na riba pa ña teraRut 1.15-17; Sal 45.10; Luk 14.26; Eb 11.8 ku ña parentis.”

31Moisés falal: “Ten pasensa, ka bu disanu, pabia bu sibi nunde ku no pudi bai mora nel na lala. Bu ta sedu no ujus.

32Si bu bai ku nos, tudu benson ku SIÑOR danu no na rapatilŜef 1.16; 4.11 ku bo.”

33Asin e sai di monti di SIÑOR, e yanda tris dia. Tudu ki tempu arka di kontratu di SIÑOR staba se dianti pa buska elis lugar di diskansu.Sal 23.2-3; 132.8

34NuvenSai 13.21-22 di SIÑOR ta staba riba delis di dia ora ke sai di kampamentu.

35Si arka na sai, Moisés ta fala:

“SIÑOR, lanta!

PajigaSal 68.1 bu inimigus,

bu pui kilis ku ka gosta di bo

pa e kuri bu dianti.”

36Si arka finkandadu, Moisés ta fala:

“SIÑOR, riba pa e manga di milyaris di Israel.”