Ezekiel 36 - Portuguese Creole Bible, Guinea-Bissau

Anunsiu pa montis di Israel

1“Abo, fiju di omi, anunsia pa montisKap 6.2-3 di Israel, bu fala: ‘O montis di Israel, bo obi palabra di SIÑOR.

2Asin ku SIÑOR Deus fala: Inimigu papia aserka di bos, i fala: “Yoo! Ki montis antigu na seduKap 35.10 no yardansa.” ’

3Pabia di kila, anunsia, bu fala elis: ‘Asin ku SIÑOR Deus fala: Jinti na bo roda dana bos, e buska nguli bos, pa bo bin sedu yardansa di utru nasons. Jinti na papia ciu kontra bos.

4Pabia di kila, ami, SIÑOR Deus, N fala: Montis di Israel, bo obi palabra di SIÑOR. Abos, montis garandi ku pikininu, ku korentis ku kobons, lugaris danadu ku fika dingidu, ku prasas bandonadu, ku bida trosaSal 79.4 ku kau di furta pa restu di nasons visiñu,

5ami, SIÑOR Deus, N fala bos: Manera ku fugu di ña siumiLei 4.24 na yardi, N papia kontra restu di nasons, tambi kontra tudu Edon, kilis ku bin toma ña tera e furtal tuduKap 35.10,12,15 kontenti, ku puku rispitu.’

6“Pabia di kila, anunsia aserka di tera di Israel, bu fala montis garandi ku pikininu, ku korentis ku kobons: ‘Asin ku SIÑOR Deus fala: N papia ku siumi ku raiba, pabia bo sufri trosaKap 36.15; Sal 123.4 di nasons.

7Ami, SIÑOR Deus, N yalsa mon, N jurmenta kuma nasons ku sta na bo roda e na leba se trosa na se kabesa.

8“‘Ma abos, montis di Israel, bo ramus na kirsi, bo na padi frutaOs 2.21-23 pa ña pobu Israel, pabia e sta pa bin.

9N sta na bo ladu, N na bin pa bos; bo na labradu, bo sumiadu.

10N na buri jinti riba di bos ku sedu tudu pobu di Israel. Prasas na moradu nel; kaus ku danaduKap 36.33,36; Is 58.12; 61.4; Am 9.14 na kumpudu.

11N na buri omis ku limarias riba di bos; e na padi tok e ciu. N na pui jinti moraJer 31.27 na bos, suma na kumsada. Kusas na mas kuri bos diritu di ki na kumsada; bo na sibi kuma ami i SIÑOR.

12N na pui jinti, ku sedu ña pobu Israel, pa e yanda riba di bos; e na tene bos, bo na sedu se yardansa. Nunka mas bo ka na roba elis se fijus.

13“‘Asin ku ami, SIÑOR Deus, N fala: Jinti ta fala: “Abo i tera ku ta nguliNum 13.32 jinti, bu ta roba fijus di si pobu.”

14Pabia di kila ami, SIÑOR Deus, N fala kuma bu ka na nguli mas ningin, nin bu ka na furta fijus di bu pobu.

15Nunka mas N ka na pirmiti dentru di bo pa jinti di utru nasons papia palabra di puku rispitu. Bu ka na sufri mas trosaKap 36.6; 34.29 di jinti, nin bu ka na torna furta fijus di bu pobu. Asin ku ami, SIÑOR Deus, N fala.’ ”

Nobu vida pa Israel

16SIÑOR bin papia ku mi, i falan:

17“Fiju di omi, oca ku fijus di Israel sintaba na se tera, e kontaminalSir 18.25-28; Jer 2.7 ku se manera di yanda, ku kusas ke fasi. Suma impuresa di minjerSir 15.19 kada mis, asin ku se manera di yanda sedu ña dianti.

18Asin N darma ña raiba riba delis pabia di sangi ke darma na tera, tambi pabia di se idulus ke kontamina tera ku el.

19N pajiga elisKap 20.23 na metadi di nasons na manga di tera. N julgaKap 18.30 elis konformi se manera di yanda, ku kusas ke fasi.

20Kualker kau ke bai na metadi di nasons, e dana ña nomiIs 52.5; Am 2.7; Rom 2.24 sagradu, pabia jinti ta fala delis: ‘Esis e sedu pobu di SIÑOR, ma e tenba ku sai na si tera.’

21N sinti pena di ña nomi sagraduKap 20.9,14 ku pobu di Israel dana na metadi di nasons nunde ke bai nel.

22“Pabia di kila, fala pobu di Israel kuma, asin ku SIÑOR Deus fala: ‘Pobu di Israel, i ka pa amor di bosKap 36.32 ku N na fasi es, ma i pabia di ña nomi sagradu ku bo dana na metadi di nasons nunde ku bo bai nel.

23N na mostra puresaKap 28.22 di ña garandi nomi ku bo dana na metadi di nasons. Ami, SIÑOR Deus, N fala kuma elis e na sibi kuma ami N sedu SIÑOR ora ku puresa di ña nomi mostradu se dianti.

24“‘N na toma bos na metadi di nasons na tudu teras, N juntaIs 43.5 bos, N leba pa bo tera.

25N na waga yagu puruNum 19; Jer 33.8; Eb 10.22; 1 Jon 1.7 riba di bos, bo na purifikadu. N na purifika bos di tudu susidadi ku tudu bo idulus.

26N na da bos un korsonKap 11.19 nobu, N pui na bos un spiritu nobu. N na tira na bos ki korson di pedra, N da bos korson di karni.

27N na pui ña SpirituKap 37.14; Is 44.3; Rom 8.9 na bos, N pui bos pa bo yanda na ña mandamentus, pa bo pui sintidu pa obdisi ña leis.

28Bo na mora na tera ku N da boKap 28.25; Jer 24.7 papes, bo na sedu ña pobu; ami N na sedu bo Deus.

29N na libra bos di tudu bo susidadi. N na manda bo kumida pa i bin, N na buril. Bo ka na teneKap 34.29 mas fomi.

30N na buri fruta di bo arvuris, N na pui con pa i pruduzi ciu. Nunka mas bo ka na sinti borgoña di fomi na metadi di nasons.

31Bo na lembra di manera ku bo ta yandabaKap 6.9; 16.61,63 mal, ku kusas ku bo fasi ku ka sedu bon. Bo na nuju bo propi kabesa pabia di bo pekadus ku kusas nujenti ku bo ta fasiba.

32Ami, SIÑOR Deus, N fala: N misti pa bo ntindi kuma i ka pabia di bosKap 36.22; Lei 9.5 ku N na fasi es. Bo burguñu, bo sinti tristi pabia di bo manera di yanda, abos pobu di Israel.

33“‘Asin ku ami, SIÑOR Deus, N fala: Na dia ku N purifika bos di tudu bo pekadus, N na pui bos pa bo mora na prasas; kaus ku danaKap 36.10,36 na kumpudu.

34Con ku danadu na labradu; i ka na fika sin ningin na uju di tudu jinti ku pasa.

35Jinti na fala: “E tera ku staba suma lala i bida suma jardinKap 31.8; Is 51.3 di Eden; prasas ku ka teneba ningin, ku danaduba tudu, gosi se mura kumpudu; jinti mora nelis.”

36Asin, nasons ku sobra na bo roda e na sibi kuma ami, SIÑOR, N kumpu prasas ku danadu, N sumia na con ku ka teneba nada. I ami, SIÑOR, ku falaKap 17.24; 22.14; 37.14 e kusa; N na fasil.’

37“Asin ku ami, SIÑOR Deus, N fala: Mas un bias N na seta pididu di pobu di Israel. N na fasi es pa elis: N na pui jinti pa e ciu, suma karnel,

38ciu suma limarias di oferta na Jerusalen na tempu di se festivalis. Asin ki prasas ku danaduba na inci ku familias; e na sibi kuma ami i SIÑOR.”