Salmus 75 - Portuguese Creole Bible, Guinea-Bissau

Salmu, kantiga di Asaf pa ŝef di musika. Pa sedu kantadu ku musika di “Ka bu dana”.

1O Deus, no falau obrigadu, no ngabau

pabia kusas garandi ku bu fasi e ta tisi bu nomi pertu.

2Bu fala: “N marka un tempu pa julgamentu;

N na julga ku justisa.

3Mundu ku tudu si moraduris na bulbulidu,

ma ami, N na fortifika si firkijas.

Sela

4Pa kilis ku ta ngaba se kabesa, N fala: ‘Ka bo njata.’

Pa jinti mau N fala: ‘Ka bo ronka forsa.

5Ka bo njata na bo forsa ku orgulyu,

nin ka bo papia ku kabesa yalsadu.’ ”

6Puder di garandisi algin ka ta bin di saida di sol,

nin di si kaida, ku fadi di lala,

7ma Deus ki Juis;

i ta baŝa1 Sam 2.7-8; Dan 2.21 utru, i yalsa utru.

8SIÑOR tene kopuJo 21.20; Apok 16.19 na si mon

ku inci ku biñu misturadu, ku na sukuma;

i ta da jinti pa e bibi;

jinti mau di mundu ta bibil ku tudu si bitbit.

9Ma ami, N na anunsia sempri,

N na kanta pa ngaba Deus di Jakó.

10N na kebra tudu forsa di jinti mau,

ma forsa di justus na yalsadu.