1 Pedru 1 - Portuguese Creole Bible, Guinea-Bissau

Kumsada ku manteña

1Ami Pedru, apostolu di Jesus Kristu, N na skirbiRom 1.1; Tia 1.1; 2 Ped 1.1 pa kilis ku spajadu suma stranjerus na teras di Pontu, Galásia, Kapadósia, Asia ku Bitínia.

2Deus pui sintidu na bos desdiRom 8.29-30; Ef 1.4; 2 Tes 2.13 antigamenti, i kuji bos, i fasi bos si pobu pa meiu di si Spiritu, pa bo pudi obdisi, pa sangi di Jesus Kristu pudi limpa bos. N misti pa Deus buri riba di bos manga di faburRom 1.7 ku pas.

Speransa di salbason

3No ngaba Deus, Pape di no Siñor Jesus Kristu. Pabia di si garandi pena, i fasi pa no padiduJon 3.3 utru bias, pa no pudi ten speransa1 Tes 4.14 bibu, manera ki lantanda Jesus Kristu na metadi di mortus.

4Asin, no pudi yentra na un yardansa ku ka taKap 5.4; 2 Tim 4.8 podri, i ka ta dana, i ka ta murca, ku rakadadu na seu pa bos.

5Pabia di bo fe, bo sta guardaduJon 10.28-29 na puder di Deus pa salbason ku sta ja purparadu pa mostra na kabantada di tempu.

6Es i un roson pa bo sinti garandiRom 12.12 alegria, kontudu i pudi pirsisadu pa bo fika tristi pa un tempu pabia di manga di koldadi probason ku pudi bin.

7E probasonJo 23.10; Sal 66.10; Dit 17.3; Tia 1.3,12 i pa mostra kuma bo fe i di bardadi, pa i pudi mersi lovor ku gloria ku onra na dia ku Jesus Kristu na bin. Uru ku un dia ta kaba i ta probadu na fugu. Fe ku probadu ten garandi balur mas di ki uru.

8Bo ka ciga di ojaJon 20.20,29; 2 Kor 5.7; 1 Jon 4.20 Jesus, ma bo amal. Bo ka na ojal gosi ma bo fia nel. E ku manda bo kontenti ku garandi alegria gloriosu ku ka pudi kontadu,

9pabia bo na yangasa finRom 6.22 di bo fe, ku sedu salbason di bo almas.

10-11Anunsiaduris ku anunsiaba di fabur ku Deus staba pa da bos, e buska ku mpeñu, e mistiba sibi de salbason. Spiritu di Kristu ku staba nelis i na mostraba elis un kusa, oca i na kontaSal 22.1,6-8,16-18; Is 53; Dan 2.44; Aẑeu 2.7 di sufrimentu di Kristu ku na bin bin, ku gloria ku na bin kumpañal. Anunsiaduris buska sibi na kal tempu, i na kal manera ki na sedu.

12Deus mostra elis kuma, kusas ke na trataDan 8.13-14; 12.5-6,8-9,13; Eb 11.39-40 i ka pa elis, ma i pa bos. Kilis ku konta bos Bon Noba na puder di Spiritu Santu ku mandadu di seu, e konta bos ja e kusas — ki kusas ku anjus propi misti ntindi.

Bo yanda na vida limpu

13Asin, bo purpara bo ntindimentu pa tarbaju, bo pui tudu sintidu. Bo pui tambi tudu bo speransa na fabur ku bo na dadu ora1 Kor 1.7 ku Jesus Kristu bin.

14Suma fijus obdienti, ka bo forma bo vida konformiRom 12.2; 1 Tes 4.5 diseẑus mau ku bo tenba oca ku bo ka sibiba nada inda,

15ma, suma kil ku coma bos i2 Kor 7.1 puru, bo sedu tambi puru na tudu ku bo na fasi,

16suma ku Skritura fala: “Bo seduSir 11.44 puru pabia ami i puru.”

17Si na orason bo ta coma Pape kil ku ka ta diferensiaLei 10.17; Eb 11.13 jinti, ma i ta julga kada kin konformi kusas ki fasi, bo yanda na rispitu pa el tudu tempu ku bo sta suma ospri ne mundu.

18Bo sibi kuma i ka kusa ku ta dana, suma prata o uru, ku pagadu pa libertaKap 4.3; Ez 20.18; 1 Kor 6.20 bos di bo manera di yanda ku ka bali, ku bo yarda di bo papes di antigu,

19ma i sangi di KristuJon 1.29; At 20.28; Apok 5.9 ku ten balur, el ki suma un karnel ku ka tene manca nin difeitu.

20Na bardadi i kujidu antisGal 4.4; Ef 3.9,11; 2 Tim 1.9-10; Titu 1.2-3; Apok 13.8 di mundu kumpudu, ma i parsi ne tempu di kabantada pa amor di bos.

21I pabia del ku bo fia na Deus ku lantandalAt 2.24 na metadi di mortus, i dal gloria, pa bo fe ku bo speransa pudi sta na Deus.

22Suma ku bo obdisi bardadi, bo limpa bo alma tok bo sinti amorRom 12.9-10 di bardadi pa bo ermons, bo ten ku ama ŋutru ku tudu bo korson.

23Palabra di Deus ku tene vida, ku ta fika pa sempri, i el ku pui pa bo padiduJon 1.13 utru bias; bo ka padidu na pape ku ta muri, ma na pape ku ka ta muri.

24Suma ku SkrituraIs 40.6-8 fala:

“Tudu jinti i suma paja,

tudu si bonitasku suma flor di matu.

Paja ta seku, flor ta kai,

25ma palabraLuk 16.17; Jon 1.1,14 di Siñor na fika pa sempri.”

Es i palabra di Bon Noba ku bo kontadu.