2 Timótiu Introduson - Portuguese Creole Bible, Guinea-Bissau

IntrodusonEs i ultimu karta ku Paulu skirbi. Na ki tempu Neru, imperadur muitu mau, na mataba manga di kriston. Paulu largaduba ja di Roma ma, dipus di puku anus, i prindidu mas, talves na Troas (4.13). Di kalabus, nunde ki na pera mortu, i skirbi manga di konsiju pa si fiju na fe. I falal pa i nsina, i trena omis fiel na Éfesu (2.2). Paulu ta kumpuba tendas pa el ku si kumpañeris pudi kume ma, utru ora, i ta puiba tudu si tempu pa konta palabra di Deus (At 18.3-5). Ne karta (2.3-6) i fala Timótiu pa i pui sintidu na gera spiritual; asin Deus na toma konta di si sustentu. I mistiba pa Timótiu sedu un losa di lugar di onra, separadu pa Mestre usal (2.21). I avisal di dias di kansera ku na bin (3.1), i konsijal pa i kontinua firmi na nsinamentu puru di palabra di Deus (3.14-17).Paulu na nfrentaba mortu ku fiansa ku firmesa. Siñor staba na si ladu, i dal forsa (4.17). No ka sibi si Timótiu bin ciga na Roma antis di Paulu matadu. Eb 13.23 mostra kuma Timótiu prindiduba ma i largadu. Konformi storias di ki tempu, i kontinua sedu pastor na Éfesu ma, mas tardi, i matadu.