1Kuatrusentus i oitenta anu dipus di fijus di Israel sai na Ejitu, na kuartu anu ku Salomon na rena riba di Israel, na mis di Ziv (ku sedu sugundu mis di anu), i kumsa kumpu kasa di SIÑOR.
2Kasa ku rei Salomon kumpu pa SIÑOR i teneba 27 metruEsd 6.3; Ez 40; 41 di kumprimentu, 9 metru di largura ku 13,5 metru di altura.
3Sala di entrada teneba 9 metru di kumprimentu suma largura di kasa; i teneba 4,5 metru di largura dianti di kasa.
4I pui na paredis di kasa janelas mas largu na ladu di dentru di ki na ladu di fora.
5I kumpu tris andar ku kuartus,1 Kron 28.11 tudu na roda di paredis di ladus ku di tras di kasa.
6Andar di bas teneba largura di 2,3 metru; purmeru andar teneba largura di 2,7 metru; kil di riba teneba largura di 3,1 metru, pabia paredi di un andar i seduba mas gros di ki paredi di andar ku staba riba del. Asin andar di riba pudi sinta na un parti di paredi di andar ku staba bas del. I ka pirsis ba pa taguas di con mitidu dentru di paredi.
7Pedras ku kasa kumpuduba ku elKap 5.17-18; Lei 27.5-6 e bin tudu purparadu; pabia di kila ningin ka obi baruju di martel na kasa, nin di mancadu, nin di un kualker feramentu di feru, oca ke na kumpul.
8Porta di entrada pa ki kuartus staba na ladu di sul. Skada ta bai pa purmeru andar; di la utru skada ta bai pa andar di riba.
9Asin Salomon kumpu kasa, i kabantal, i kubril ku prancons ku taguas di sedru.
10Ki kuartus rodiaba tudu kasa; kada andar teneba 2,2 metru di altura. Taguas di sedru liga kuartus ku kasa.
11SIÑOR bin papia ku Salomon, i falal:
12“Si bu yanda konformi ña ordis, bu sigi ña leis, bu obdisi tudu ña mandamentus, ami N na fasiu konformi ña palabra ku N fala bu pape2 Sam 7.13 Davi;
13N ta mora na metadi di fijus di IsraelKap 8.27; Sir 26.11-12 ne kasa ku bu na kumpu. N ka na bandonaLei 31.6,8; 1 Sam 12.22; Sal 94.14; Eb 13.5 ña pobu Israel.”
14Asin Salomon kumpu ki kasa, i kabantal.
15I fora paredis di dentru ku taguas di sedru, di tetu pa con; i kubri con ku taguas di piñeru.
16I kumpu paredi ku taguas di sedru di tetu pa con, pa forma un kuartu la tras di 9 metru, ku na seduba kau mas sagraduSai 26.33; Sir 16.2; Eb 9.3-4 di tudu.
17Ki utru parti mas garandi teneba 18 metru di kumprimentu.
18Sedru dentru di kasa i labradu na forma di kabas ku di floris abertu. Tudu paredi seduba di sedru; nin un pedra ka na ojaduba.
19La mas pa dentru di kasa, Salomon purpara ki kuartu sagradu, pa i pudi pui arka di kontratuSai 40.20-21 di SIÑOR la.
20Ki kuartu sagradu la dentru teneba 9 metru di kumprimentu, 9 metru di largura ku 9 metru di altura. Salomon kubril tudu ku uru puru; i kumpu altarSai 30.1-3 di sedru.
21I fora paredi di dentru di kasa ku uruSai 26.29,32-33; 36.34 puru. I kumpu korentis di uru pa kurtina ku pudu na entrada di kuartu sagradu, ku kubriduba tambi ku uru.
22Asin i fora tudu kasa ku uru tok i kaba. Tambi ki altar ku staba dianti di kuartu sagradu, i kubril ku uru.
23Na ki lugar mas sagradu i kumpu dus kirubinSai 25.18-22 di madera di olivera; kada un teneba altura di 4,5 metru.
24Un asa di kirubin seduba di 2,25 metru; utru asa tambi i seduba di 2,25 metru. Asin i midi 4,5 metru di ponta di un asa pa utru ponta.
25Ki utru kirubin tambi i midiba 4,5 metru; tudu dus seduba di mesmu midida ku mesmu forma.
26Altura di kada kirubin seduba di 4,5 metru.
27I pui kirubins na metadi di ki kuartu di dentru, ku se asas distindidu. Asa di un tokaba na paredi; asa di ki utru tokaba na utru paredi. Tambi na metadi di kuartu, se asas tokaba ŋutru.
28I kubri kirubins ku uru.
29I faja paredis di kasa tudu na roda ku kusas labradu na forma di kirubins, palmeras ku floris abertu, na kuartu di dentru tudu ku ki utru.
30Tambi i kubri conApok 21.18-21 ku uru, na tudu dus kuartu.
31Na entrada di lugar mas sagradu i pui portas di madera di olivera, ku aru di sinku ladu.
32Na ki dus porta di madera di olivera i labra kirubins, palmeras ku floris abertu; i kubri elis ku uru. I distindi uru batidu riba di kirubins ku palmeras.
33Pa entrada di kuartu garandi, i kumpu aru di kuatru ladu, di madera di olivera,
34ku dus porta di madera di piñeru. Kada foja di porta teneba dus dobradisa ku ta disa porta bai pa tudu dus ladu, dentru ku fora.
35I labra portas ku kirubins, palmeras ku floris abertu, i kubri elis ku uru distindidu i batidu riba di ki figuras.
36I kumpu tambi kintal di dentru ku paredis di tris renku di ladu, di pedras labradu, ku un renku di vigas di sedru.
37Na kuartu anu, na mis di Ziv, alisersu di kasa di SIÑOR pudu.
38Na anu 11, na mis di Bul, ku sedu oitavu mis, kasa kaba, ku tudu kusas ku pertensil, konformi Salomon mistiba. I leba seti anuJon 2.20 pa kumpul.
Who We AreWhat We EelieveWhat We Do
2025 by iamachristian.org,Inc All rights reserved.
