1 Reis 7 - Portuguese Creole Bible, Guinea-Bissau

Salomon kumpu si palasiu

1Salomon leba trezi anu pa kaba kumpu si propi kasa.

2Kasa di Floresta di Líbanu Oca ki na lantanda kil di skerda, i comal Boaz.

22Ki kapitelis ku teneba forma di lirius e staba riba di kulunas. Asin ku tarbaju di kulunas kaba.

Bañera di kobri(2 Kron 4.2-5)

23Uran kumpu bañeraSai 30.18-21 di kobri fundidu, rodondu, di 2,3 metru di altura ku diametru di 4,5 metru. Pa rodial i pirsis ba un korda di 13,5 metru.

24Bas di borda i tenba dus filera di kabas ku da volta di ki bañera tudu. Na fundison, ki kabas formadu tudu juntu ku bañera.

25Bañera firmantadu riba di dozi turu, tris ku na viraba rostu pa norti, tris pa ladu di kaida di sol, tris pa sul ku tris ku vira rostu pa ladu di saida di sol. Tudu se rabus staba pa ladu di dentru; bañera finka riba delis.

26Si grosura midiba 8 sentimetru, si borda parsiba suma borda di un kopu o suma flor di liriu; i ta lebaba korenta i kuatru mil litru.

Stantis di kobri

27Uran kumpu tambi des stanti movel di kobri; kada un teneba 1,8 metru di kumprimentu, 1,8 metru di largura ku 1,4 metru di altura.

28Asin ku stantis kumpudu: E teneba fojas ligadu ku kuadrus.

29Lions, turus ku kirubins diseñadu na fojas ku kuadrus. Riba ku bas di lions ku turus i tenba diseñus batidu di kurvas.

30Kada stanti teneba kuatru roda di kobri, ku eiŝus di kobri. I teneba tambi un basia ku finka riba di kuatru suporti, un na kada kantu. Ki suportis formaduba ku diseñus di kurvas.

31Stanti teneba un buraku rodondu, nunde ki mitidu un koroa ku midiba 50 sentimetru pa riba di stanti, ma tudu ku parti di bas ku yentraba na buraku i teneba 70 sentimetru. Diseñus labradu nel. Fojas di stanti seduba kuadradu, e ka rodondu.

32Ki kuatru roda ku staba bas di fojas, e teneba 70 sentimetru di altura. Se eiŝus fundiduba juntu ku stanti.

33Rodas kumpudu suma roda di karu; se eiŝus, se kambas, se kubus ku se raius seduba tudu di kobri fundidu.

34Kada stanti teneba kuatru kau di pega; un son na saiba na kada kantu.

35Riba di kada stanti i tenba un banda rodondu di 20 sentimetru di altura. Suportis ku fojas e fundiduba juntu ku stanti.

36Na suportis ku fojas i labra kirubins, lions ku palmeras konformi i oja lugar di pui. I labra tambi diseñus di kurvas na roda delis.

37Asin ki kumpu ki des stanti. Elis tudu e fundidu na mesmu forma, e seduba igual na midida ku forma.

38Dipus i kumpu des basia di kobri; kada un ta lebaba oitusentus i oitenta litru, i teneba diametru di 1,8 metru. Un basia staba riba di kada un di ki des stanti.

39I pui sinku stanti na ladu di sul di templu, i pui sinku na ladu di norti. I pui ki bañera na kantu di sudesti.

40I kumpu tambi basias ku pás ku tiẑelas.

Asin Uran kaba tudu tarbaju ku rei Salomon dalba pa i fasi pa kasa di SIÑOR:

41Dus kuluna;

dus kapitel ku staba riba di ki dus kuluna;

dus redi pa faja ki kapitelis ku staba riba di kulunas;

42kuatrusentus roman pa ki dus redi (dus filera di roman pa kada redi ku faja kapitelis ku staba riba di kulunas);

43des stanti ku se des basia riba delis;

44bañera ku dozi turu bas del;

45basias ku pásSai 27.3 ku tiẑelas.

Tudu ki kusas ku Uran kumpu pa rei Salomon, pa kasa di SIÑOR, e seduba di kobri pulidu.

46Rei manda forma elis na un kau ku teneba manga di lama, na metadi di Sukot kuJos 3.16; 13.27 Zaretan, pertu di riu Jordon.

47Salomon ka manda pesa tudu ki kusas, pabia e ciu dimas; asin pesu di kobri1 Kron 22.14-16; Jer 52.20 nunka i ka sibidu.

48Salomon kumpu tambi tudu mobilia ku pirsisaduba pa kasa di SIÑOR:

altar di uru;

mesa di uru ku teneba pon sagradu riba del;

49kanderus di uru puru, sinku na ladu direita ku sinku na skerda, dianti di kau mas sagradu;

floris ku kanderus ku tenaz, tudu di uru;

50kopus, apagaduris, basias, tiẑelas pa nsensu, braserus pa leba fugu nel, tudu di uru puru;

dobradisas di uru pa portas di kuartu mas pa dentru, ku sedu lugar mas sagradu, tambi pa portas di templu.

51Oca ku tudu tarbaju ku rei Salomon fasi pa kasa di SIÑOR kaba, i leba tudu kusas ku si pape Davi dedikaba2 Sam 8.7-11; 2 Kron 5.1 pa Deus, ku sedu prata ku uru ku vasus, i pui elis na kuartu di kasa di SIÑOR nunde ke ta guardaba rikesas.