Josué 20 - Portuguese Creole Bible, Guinea-Bissau

Prasas di rogu(Num 35.9-28; Lei 4.41-43; 19.1-13)

1SIÑOR fala Josué

2pa i papia ku fijus di Israel, i fala elis: “Bo separa prasas di roguSai 21.12-14 pa bos, suma ku N da ordi pa Moisés pa i konta bos.

3Asin si algin yara, i mata si kumpañer sin i ka tenel na sintidu, i pudi kuri pa la, pa kapli di ki parenti ku misti tornal.

4“Ora ki kuri pa kualker di ki prasas, i na firma na portonRut 4.1-2; Jo 29.7 di prasa, i na splika dianti di garandis di ki prasa ke ku pasa ku el. E na disal yentra na prasa, e dal kau pa i mora ku elis.

5Si vingadur di sangi bin si tras, e ka pudi ntregal ki omi ku mata si kumpañer, pabia i ka monta planu pa matal, nin i ka pañaba raiba del purmeru.

6I na fika na ki prasa tok i julgadu dianti di juntamentu di pobu, tambi te na mortu di ŝef di saserdoti ku na sirbi na ki dias. Dipus i pudi riba pa si kasa, na prasa nunde ki kuri del.”

7Asin e separa KedesKap 12.22 na Galileia, na montaña di Naftali, Siken na montaña di Efrain, ku Kiriat-Arba,Kap 14.15 ku sedu Ebron, na montaña di Judá.

8Di Jerikó pa ladu di saida di sol, na utru banda di Jordon, e separa BezerKap 21.36; 1 Kron 6.78 na lala na planaltu di jorson di Ruben, RamotKap 21.38; Lei 4.43; 1 Re 4.13; 22.3-6; 2 Re 9.1,14; 1 Kron 6.80; 2 Kron 18.2 na Jilead di jorson di Gad, ku GolanKap 21.27 na Basan di jorson di Manasés.

9Eiss i prasas ku separadu pa tudu fijus di Israel o pa stranjerus ku sta na se metadi. Asin tudu algin ku yara i mata si kumpañer, i pudi oja abrigu la, pa i ka muri na mon di vingadur di sangi te ora ki pursentadu dianti di juntamentu.