Josué 18 - Portuguese Creole Bible, Guinea-Bissau

Tenda di juntamentu lantandadu na Siló

1Tudu fijus di Israel junta na Siló,Kap 19.51; 21.2; 22.9; Ŝef 18.31; 1 Sam 1.3,24; 4.3-4; 1 Re 2.27; 14.2,4; Sal 78.60; Jer 7.12-14; 26.6 e yarma tenda di juntamentu la, dipus de toma konta di tera.

2Na metadi di fijus di Israel i sobraba seti jorson ku ka risibiba se yardansa inda.

3Josué punta fijus di Israel: “Te kal tempu ku bo na diskuda sin bo ka toma tera ku SIÑOR, Deus di bo papes, da bos?

4Bo na kuji tris omi di kada jorson, pa N manda elis pa e bai jubi tera, pa e fasi un mapa konformi manera ki pudi rapatidu pa yardansas; dipus e ta riba pa mi.

5Bo na rapatil na seti parti. Tera di Judá na fika na sul, di jorson di José na fika na norti.

6Dipus ku bo pui na mapa kuma ku ki seti parti sta divididu, bo na tisin el li, pa N juga sorti dianti di SIÑOR no Deus.

7LevitasKap 13.14 ka na tene parti na bo metadi, pabia se parti i pa sedu saserdotis di SIÑOR. Gad, Ruben ku metadi di jorson di Manasés toma ja se yardansaKap 13.8-31; Num 32.29-41 ku Moisés, servu di SIÑOR, da elis na ladu di saida di sol, na utru banda di Jordon.”

8Oca ki omis na bai jubi tera, Josué da elis ordi, i fala elis: “Bo bai, bo yanda na tudu ki tera, bo fasi un mapa; dipus, bo riba pa mi; N ta juga sorti pa bos li na Siló, dianti di SIÑOR.”

9Ki omis bai e pasa na tudu ki tera, e fasi mapa na un libru konformi prasas; e rapatil na seti parti. E riba pa Josué na kampamentu na Siló.

10Josué juga sorti pa elis na Siló, dianti di SIÑOR. La i rapati tera pa fijus di Israel, konformi se jorsons ta divididu.

Yardansa di Benjamin

11Sorti kai riba di jorson di fijus di Benjamin, konformi se familias. Tera ke dadu fika na metadi di jorson di Judá ku jorson di José.

12Se frontera na banda di norti i kumsa na Jordon, i subi pa ladu di Jerikó na norti, i pasa na montañas pa kaida di sol, i sai na lala di Bet-Aven.Kap 7.2; 1 Sam 13.5; Os 4.15; 5.8; 10.5

13Di la, frontera pasa na parti di sul di Luz (ku sedu BetelKum 12.8 ), i ria te Atarot-Adar, lungu di monti ku sta na banda di sul di Bet-OronKap 16.3 di bas.

14Na banda di kaida di sol, frontera vira pa sul, desdi monti ku sta dianti di Bet-Oron tok i sai na Kiriat-BaalKap 15.60 (ku sedu Kiriat-Jearin), prasa di fijus di Judá. Es i se frontera pa kaida di sol.

15Se frontera di sul bai desdi ponta di Kiriat-Jearin na kaida di sol, i sai na fonti di yagu di Neftoa,

16i ria te na ponta di montaña ku sta dianti di kobon di fiju di Inon, ku sta na kobon di Refain, pa norti; i ria na kobon diKap 15.8 Inon pa sul di tera diKap 11.3 jebuseus; i ria mas te na fonti diKap 15.7 Rojel;

17i vira pa norti, i sai na En-Semes, i pasa pa Jelilot ku sta dianti di subida di Adumin; i ria te na pedraKap 15.6 di Boan, fiju di Ruben,

18i kontinua pa ladu di norti di monti ku ta oja pa Arabá; i ria te Arabá.

19I pasa na ladu di norti di Bet-Oglá, i kaba na purtu pikininu na norti di Mar Salgadu, nunde ku riu Jordon yentra na mar. Es i frontera di sul.

20Jordon forma frontera na banda di saida di sol. Es i frontera na roda ku marka yardansa di jorson di Benjamin, konformi se familias.

21Prasas di jorson di Benjamin, konformi se familias, sedu: Jerikó, Bet-Oglá, Emek-Keziz,

22Bet-Arabá, Zemarain, Betel,

23Avin, Pará, Ofra,1 Sam 13.17

24Kefar-Amonai, Ofni ku GabaNe 7.30 — dozi prasa ku se tabankas.

25Jibeon,Kap 9.3 Ramá,Ŝef 4.5; 1 Sam 7.17; 15.34; 1 Re 15.17; Esd 2.26; Is 10.29; Jer 31.15; Os 5.8; Mat 2.18 Beerot,Kap 9.17; 2 Sam 4.2; 20.14

26Mizpá,Kap 11.3 Kefira,Kap 9.17; Esd 2.25 Moza,

27Reken, Irpeel, Tarala,

28Zela,2 Sam 21.14 Elef, Jebus (ku sedu Jerusalen), JibeáŜef 19.13-15; 20.4-5; 1 Sam 10.26; 11.4; 13.2; 15.34; 2 Sam 21.6; Is 10.29; Os 5.8; 10.9 ku Kiriat — katorzi prasa ku se tabankas. Es i yardansa di fijus di Benjamin, konformi se familias.