Salmus 62 - Portuguese Creole Bible, Guinea-Bissau

Salmu di Davi pa ŝef di musika. Pa Jedutun.

1N na pera ku pasensa pa Deus;

son el ku pudi salban.

2El son ku sedu ña roca, ñaIs 12.2 salbason;

i sedu ña kau forti; nunka N ka na bulbulidu.

3Te kal tempu ku abos tudu bo na ataka un omi pa batil,

ku sedu suma parediIs 30.13 ku jingi,

o suma tapada ku sta pruntu pa kai?

4E na fasi planu son pa batil na si kau di rispitu.

E ta kontenti ku mintida, e ta bensua ku boka,

ma dentru delis e ta maldisua.

Sela

5Ña alma, pera ku pasensa pa Deus;

i son nelMik 7.7 ku ña speransa sta.

6El son ku sedu ña roca, ña salbason;

i sedu ña kau forti; N ka na bulbulidu.

7Ña salbason ku onra dipindi di Deus;

el i ña roca forti, ña kau suguru.

8Ña pobu, bo fiansa nel sempri,

bo kontal tudu ku sta na bo korson.

Deus i no kau di suguransa.

Sela.

9Omis di katigoria bas e ka sedu nada;

kilis di altu katigoria e fufu.

Elis tudu juntu, si e pesadu na balansu,

e ta ojadu mas lebi di ki bentu.

10Ka bo fiansa na splorason,

nin ka bo njata na kusas ku furtadu.

Si bo rikesas aumenta, ka bo pui sintidu nel.

11Deus papia un bias;

ami N obi dus kusa:

kuma puder pertensi Deus;

12tambi, bondadi pertensil.

Abo, SIÑOR, bu na bin pagaJo 34.11; Mat 16.27; Kol 3.25; 1 Ped 1.17 kada kin

konformi kil ki fasi.