Ezekiel 30 - Portuguese Creole Bible, Guinea-Bissau

Utru anunsiu kontra Ejitu

1SIÑOR bin papia ku mi, i falan:

2“Fiju di omi, anunsia, bu fala kuma SIÑOR Deus fala:

‘Bo jimi bo fala: “Ai! Ki diaIs 13.6; Joe 2.1 ku na bin!”

3Ki dia pertu;

sin, dia di SIÑOR i sta ja pertu,

dia di nuvens,

tempu di kansera pa nasons.

4Un spada na bin pa Ejitu;

i na ten garandi dur na Etiopia.

Ora ku mortus kai na Ejitu,

manga diKap 29.19; 32.11-12 si jinti na lebadu;

si alisersus na kebradu.

5“‘Jinti di Etiopia ku Libia, Lidia ku tudu Arabia, Kub, ku omis di tera di kontratu, e na matadu ku spada juntu ku jinti di Ejitu.’ ”

6Asin ku SIÑOR fala: “Kilis ku ta apoia Ejitu e na kai tambi; orgulyu di puder di Ejitu na baŝadu. Desdi MigdolKap 29.10 te na Sevené e na matadu ku spada.” Asin ku SIÑOR Deus fala.

7“Ki tera mas na danadu di ki utru teras ku danaduba. Si prasas e na mas parsi lala di ki utru prasas.

8E na sibi kuma N sedu SIÑOR ora ku N sindi fugu na Ejitu, N kaba ku kilis ku ta da elis ajuda.

9“Na ki dia N na manda jinti ku ña rekadu na barku pa disperta Etiopia ku diskudaba. Jinti di la na ten garandi foronta, suma na dia di Ejitu, pabia ki dia na bin.”

10Asin ku SIÑOR Deus fala: “N na usa Nabukodonosor, rei di Babilonia, pa kaba ku manga di jinti na Ejitu.

11El ku si tropas, ku sedu mas mauKap 28.7 di tudu nasons, e na lebadu la pa dana tera; e na tira spadas kontra Ejitu, e na inci tera ku difuntus.

12N na sekusiIs 19.4-6 rius, N na bindi se tera, N na ntregal na mon di jinti mau. N na pui stranjerus pa e dana tera ku tudu ku sta nel. Asin ku ami, SIÑOR, N fala.”

13Asin ku SIÑOR Deus fala: “N na dana seIs 19.1 idulus, N na kaba ku imaẑens na Memfis. I ka na bin ten ŝef na tera di Ejitu. N na pui medu na tudu ki tera.

14N na danaKap 29.14 Patros, N na pui fugu na Zoan, N na julga jinti di NoJer 46.25; Naun 3.8 ku kastigu.

15N na darma ña raiba riba di Sin, ki kau forti di Ejitu. N na kaba ku jinti di No.

16N na sindi fugu na Ejitu; Sin na tene garandi dur. Mura di No na kebradu; Memfis na foronta tudu ora.

17Jovens di Aven ku Pi-Beset na matadu ku spada; jinti di ki prasas na bai katibu.

18NaJer 2.16 Tafnes, di dia na bida sukuru, ora ku N kebra puder di Ejitu, N kaba ku ki forsa ki ta sinti orgulyu del. Un nuven na kubril; jinti di si tabankas na roda na lebadu pa katiberasku.

19Asin N na julga Ejitu ku kastigu; e na sibi kuma ami N sedu SIÑOR”

20Na dia 7 di purmeru mis di anu 11, SIÑOR bin papia ku mi, i falan:

21“Fiju di omi, N kebra mon di Faraó, rei di Ejitu. Ningin ka na maral mon, nin e ka na tratal pa i pudi ten forsa pa pega spada.

22Asin ku ami, SIÑOR Deus, N fala: Ami N sta kontra Faraó, rei di Ejitu. N na kebra forsa2 Re 24.7 di si dus mon, ki forti ku kil ku kebradu ja. N na pui spada pa i kai na si mon.

23N na pajigaKap 30.26; 29.12 ejipsius na metadi di nasons, na manga di tera.

24N na pui forsa na mon di rei di Babilonia, N na pui ña spada na si mon, ma N na kebra forsa di mon di Faraó; i na jimi dianti di rei di Babilonia suma ku algin ta jimi ora ki na matadu.

25N na arnoba forsa di mon di rei di Babilonia, ma mon di Faraó na kai. E na sibi kuma N sedu SIÑOR ora ku N pui ña spada na mon di rei di Babilonia, ora ku el i distindil kontra tera di Ejitu.

26N na pajigaKap 30.23 ejipsius na metadi di nasons, na manga di tera. Asin e na sibi kuma N sedu SIÑOR.”