2 Reis 3 - Portuguese Creole Bible, Guinea-Bissau

Gera di Israel ku Moab

1Na anu 18 di renansa di Jeosafá, rei di Judá, Joran, fiju di Akab, kumsa rena riba di Israel, na Samaria; i rena dozi anu.

2I fasi mal dianti di SIÑOR, ma i ka seduba suma si pape1 Re 16.30-33 ku si mame, pabia i tira ki statua di Baal ku si pape kumpuba,

3ma i pega na pekadus1 Re 15.26 ku Jeroboan, fiju di Nebat, pui israelitas pa e fasi; i ka largal.

4Mesa, rei di Moab, i ta kriaba karnel; kada anu i ta pagaba2 Sam 8.2 rei di Israel sen mil fiju di karnel, ku lan di sen mil karnel macu.

5Dipus di Akab muri, rei di Moab lanta kontra rei di Israel.

6Pabia di kila, Joran sai na Samaria na ki tempu, i junta tudu tropas di Israel.

7I manda rekadu pa Jeosafá, rei di Judá, i falal: “Rei di Moab lanta kontra mi. Bu pudi bai ku mi1 Re 22.4 pa geria kontra moabitas?” Kila fala: “N na bai. Ami N sta suma bo; ña tropas ku ña kabalus e sta suma di bo.

8Kal kamiñu ku no na bai?” Joran falal: “No na bai na kamiñu ku pasa na lala di Edon.”

9Rei di Israel bai, ku reis di Judá ku di Edon. E da garandi volta, e marŝa duranti seti dia. Yagu bin kaba ku elis; i ka tenba pa tropas bibi, nin pa limarias.

10Rei di Israel fala: “Nta SIÑOR juntanu, anos tris rei, pa bin ntreganu na mon di moabitas?”

11Jeosafá punta: “I ka ten li un anunsiadur di SIÑOR ku pudi konsulta SIÑOR1 Re 22.7 pa nos?” Un di ŝefis di rei di Israel fala: “I sta li Eliseu, fiju di Safat, ku ta wagaba yagu1 Re 19.21 riba di mon di Elias.”

12Jeosafá fala: “Palabra di SIÑOR sta ku el.” Asin rei di Israel ku Jeosafá ku rei di Edon e bai pa Eliseu.

13Eliseu punta rei di Israel: “Ke ku manda bu binEz 14.3-5 pa mi? Bai pa anunsiaduris di bu pape ku bu mame.” Rei di Israel falal: “Nau! Pabia SIÑOR comanu, anos tris rei, pa ntreganu na mon di moabitas.”

14Eliseu fala: “N jurmenta pa vida di SIÑOR ku ten tudu puder, kil ku N ta sirbi, kuma, si N ka rispitaba Jeosafá, rei di Judá, N ka na kudiuba, nin N ka na jubiu nan propi.

15Bo tisin un tokadur.”

Oca ku tokadur1 Sam 16.23 na tokaba, mon di SIÑOR bin riba1 Re 18.46; Ez 1.3; 3.14,22; 8.1; 40.1; At 11.21 di Eliseu.

16I fala: “SIÑOR fala pa bo koba manga di baleta ne kobon,

17pabia asin ku SIÑOR fala: ‘Bo ka na oja bentu nin cuba, ma e kobon na inci yagu, manga del, ku bo na bibi, ku tudu bo limarias.’

18Ma es i ka nada indaKap 20.10 pa SIÑOR. I na ntrega tambi moabitas na bo mon.

19Bo na dana tudu se prasas forti, ku se tabankas mas garandi; bo na korta tudu bon arvuris, bo tapa tudu fontis di yagu; bo toma pedras, bo dana tudu bon kaus di labra.”

20Mansi di ki dia, na ora di sakrifisiuSai 29.39-40 di parmaña, e oja yagu na lagua pa bin na kamiñu di Edon, i inci con.

21Tudu moabitas obiba kuma ki reis saiba ja pa geria kontra elis. Asin tudu omis, beju ku nobu, ku sibiba ja usa material di gera, e comadu, e pudu na fronteras.

22Oca ke mandurga, sol na saiba riba di ki yagu. Moabitas oja ki yagu se dianti; i parsiba burmeju suma sangi.

23E fala: “Kila i sangi! Sertamenti ki tris rei geria, e mata ŋutru ku spada. Moabitas, no bai tomaSai 15.9; Ŝef 5.29-30; 2 Kron 20.25 se kusas!”

24Oca ku moabitas ciga na kampamentu di Israel, israelitas lanta e ataka elis, tok e kuri se dianti. E bai se tras te na tera di Moab, e fika e na mata moabitas,

25e dana se prasas. Kada omi ta botaba pedra na tudu bon kaus di labra, tok e kubridu tudu. E tapa tudu fontis di yagu, e korta tuduIs 16.7-11 bon arvuris. Son prasa di Kir-Areset ku sobraba ku si kasas ka danaduba inda, ma omis ku teneba lamparans tajal, e atakal.

26Oca ku rei di Moab oja kuma i na pirdiba gera, i leba setsentus omi ku spadas pa yabri kamiñu pa e kapli pa rei di Siria, ma e ka bin pudi.

27Asin i toma si fiju mas beju, kil ku na bin renaba na si lugar, i sakrifikal suma oferta kemaduLei 12.31 riba di mura. Israelitas panta, e rakua, e riba pa se tera.