Jeremias 18 - Portuguese Creole Bible, Guinea-Bissau

Jeremias na kasa di kumpudur di puti

1Es i palabra ku SIÑOR bin papia ku Jeremias. I falal:

2“Lanta bu bai pa kasa di kumpudur di puti; la N na kontau kil ku N tene pa fala.”

3Asin N bai pa kasa di kumpudur di puti; la N ojal i na tarbaja ku si roda.

4Suma puti ki na kumpuba di lama i dana na si mon, i torna fasil utru puti konformi i oja mas minjor.

5SIÑOR bin papia ku mi, i falan:

6“Ami, SIÑOR, N na punta bos, pobu di Israel, si N ka pudi fasi ku bosIs 64.8; Rom 9.21 suma ku e kumpudur di puti ta fasi ku lama. Suma lama na mon di kumpudur di puti, asin ku bo sedu na ña mon, pobu di Israel.

7Si N papia aserka di un nasonKap 1.10 o renu, N fala N na rinkal, N batil, N danal,

8si ki nason ku N papiaba aserka del i konvertiKap 26.3; Ez 18.21; 33.11,19; Jona 3.8-10 di si maldadi, ami tambi N ta ripindi di mal ku N pensa fasil.

9Si N bin papia aserka di un nason o renu, N fala N na kumpul, N firmantal,

10si ki nason bin fasi malEz 18.24; 33.18 ña dianti, i ka para sintidu pa ña palabra, N ta bin maina di ki ben ku N falaba N na fasil.

11“Asin, bai papia ku omis di Judá ku moraduris di Jerusalen, bu fala elis kuma asin ku SIÑOR fala: ‘Jubi, N na purpara mal pa bos, N na forma planu kontra bos. Bo konverti, kada un di bos, di bo mau maneraKap 7.3 di yanda, bo minjoria bo manera di yanda ku kusas ku bo ta fasi.’

12Ma e na fala: ‘Jitu kaKap 2.25; 7.24 ten! No na sigi no planus; kada kin na fasi konformi duresa di si korson mau.’ ”

13Pabia di kila SIÑOR fala asin:

“Bo punta na metadi di utru rasas:

‘Kin ku ciga di obiKap 2.10; 5.30; 1 Kor 5.1 un kusa suma es?’

I un kusa meduñu ku Israel fasi.

14Nta i ta ten dia ku nevi ka ta ojadu

na montañas di pedra na Líbanu?

Si riusiñus di yagu fresku ku ta bin di lunju

e ta para kuri?

15Ma ña pobu diskisiKap 2.13,32; 3.21 di mi,

e kema nsensu na idulus

ku pui elis kai na se kamiñus;

e pirdi ki kamiñusKap 6.16 antigu,

e yanda na kamiñus ku ka kumpudu.

16Se con na fasidu unKap 19.8; Mik 6.16 spantu

ku jinti na fasi trosa del sempri.

Tudu algin ku pasa la i na fika spantadu

tok i balansa kabesa.

17Suma bentuKap 13.24; Sal 48.7 ku sai na saida di sol,

N na pajiga elis dianti di se inimigus.

N na da elis kosta;

e ka na oja ña rostu na dia di se kastigu.”

Planu kontra Jeremias

18E fala: “Bo bin no fasi no planu kontraKap 11.19; At 7.51-52 Jeremias. Saserdoti na sta li pa nsinanuSir 10.11; Mal 2.7 lei; jirus na danu konsiju; i ten anunsiaduris pa danu palabra. Bo bin no atakal ku no lingua; ka no sukuta nin un di si palabras.”

19SIÑOR, jubi pa mi, bu obi ke ku ña inimigus na fala.

20Nta ben ta pagaduSal 109.4-5 ku mal? Elis e yabri un kobaSal 35.7; 57.6 pa mi. Lembra kuma ku N firma bu dianti pa pidi pa elis, pa disvianta bu raiba delis.

21Asin, ntrega se fijus pa fomi, bu ntrega elis pa spada; se minjeris pa e robadu se fijus, pa e fika viuvas; se maridus pa e matadu, se jovens pa e matadu ku spada na gera.

22Pa gritus obidu na se kasa ora ku bu tisi tropas riba delis di repenti, pabia e yabri koba pa pañan, e pui armadilias pa ña pe.

23O SIÑOR, bu kunsi tudu se planus pa matan. Ka bu purdaKap 11.20; 15.15 se maldadi, nin ka bu tira se pekadu dianti di bu rostu. Pui elis pa e kai bu dianti; trata ku elis na tempu di bu raiba.