Josué 3 - Portuguese Creole Bible, Guinea-Bissau

Pobu kamba Jordon

1Josué lanta mandrugada; el ku tudu fijus di Israel e sai di Sitin, e bai te na riu Jordon, e para la, antis de kamba.

2Dipus di tris dia, ŝefis pasa na metadi di kampamentu,

3e da pobu ordi, e fala: “Ora ku bo oja arka di kontratuNum 10.33 di SIÑOR bo Deus ku saserdotis, ku sedu levitas, na leba, bo sai tambi na bo lugar, bo bai si tras,

4pa bo pudi kunsi kamiñu ku bo dibi di bai, pabia nunka bo ka ciga di yanda ne kamiñu. Ma bo na disa spasu di kuas mil metru na metadi di bos ku arka; ka bo ciga pertu del.”

5Josué fala pobu tambi: “Bo purifikaKap 7.13; Sai 19.10-15; 1 Sam 16.5 bo kurpu, pabia amaña SIÑOR na fasi kusas garandi na bo metadi.”

6Josué fala saserdotis: “Bo lambuNum 4.15 arka di kontratu, bo pasa dianti di pobu.” E lambul, e pasa dianti.

7SIÑOR fala Josué: “Aos N na kumsa fasiu garandi na uju di tudu Israel,Kap 4.14; 1 Kron 29.25 pa e pudi sibi kuma N sta ku bo suma ku N staba ku Moisés.

8Da ordi pa saserdotis ku na karga arka di kontratu; ora ke ciga lungu di yagu di Jordon, e ta yentra e firma na metadi di riu.”

9Josué fala fijus di Israel: “Bo ciga li, bo sukuta palabras di SIÑOR bo Deus.

10-11Ora ku bo oja arka di kontratu di SIÑOR di tudu munduMik 4.13; Zak 4.14; 6.5; 14.9 yentra na Jordon bo dianti, bo na sibi kuma Deus bibu sta na bo metadi; kuma, sin duvida, i na tiraKap 11.3; Kum 15.20-21 kananeus bo dianti, ku eteus, eveus, perizeus, jirgaseus, amoreus ku jebuseus.

12Gosi, bo kuji dozi omi di jorsons di Israel, un di kada jorson.

13Logu ku saserdotis ku na karga arka di SIÑOR, SIÑOR di tudu mundu, pui pe na yagu di Jordon, ki yagu ku na bin di riba i na para, i forma un monton.”

14Oca pobu disa ki lugar di kampamentu pa kamba Jordon, saserdotis ku na karga arka di kontratu e pasa dianti di pobu.

15Na tempu di kebur, Jordon ta inciKap 4.18; 1 Kron 12.15; Jer 12.5 tok yagu ta pasa pa tera, ma logu ku saserdotis ku na karga arka ciga na Jordon, e moja se pe,

16ki yagu ku na bin di riba i para kuri, i forma un garandi montonSai 15.8; Sal 33.7; 78.13; 114.3,5 la lunju, pertu di prasa di Adan, ku sta na ladu di Zaretan.1 Re 4.12; 7.46 Ki yagu ku na kuri pa Mar di Arabá, ku sedu Mar Salgadu, i kortadu. Asin pobu kamba dianti di Jerikó.

17Saserdotis ku na karga arka di kontratu di SIÑOR e para firmi na tera sekuSai 14.22,29; 2 Re 2.8; Sal 66.6; Apok 16.12 na metadi di Jordon, nkuantu tudu Israel kamba na tera seku, tok tudu pobu kaba kamba Jordon.