Filipensis 3 - Portuguese Creole Bible, Guinea-Bissau

Justisa di bardadi

1Pa kabanta, ña ermons, bo kontentiKap 4.4; 2 Kor 13.11; 1 Tes 5.16; 1 Ped 4.13 na Siñor. Pa ripiti kil ku N skirbiba ja i ka kansadu pa mi; tambi i suguransa pa bos.

2Bo toma sintidu ku ki jinti ku ta fasi kusa mau, ki kacuris, ki omis ku ta kuda son na sirmoniaRom 2.28-29; Gal 5.2; Apok 22.15 di korta kurpu.

3I anos ku risibiLei 10.16 sirkunsison di bardadi, pabia no ta adoraJon 4.23-24; Rom 7.6 Deus na Spiritu. No njatamentu i na Kristu Jesus; no ka fiansa na kusas di kurpu.

4Na bardadi ami N pudiba fiansa na tudu e kusas. Si algin kuda kuma i pudi fiansa ne kusas di kurpu, ami inda mas di ki el.

5N padidu; dia di oituKum 17.12; At 23.6; 2 Kor 11.22 N sirkunsidadu. Ami i di rasa di Israel, di jorson di Benjamin, ebreu di sangi puru. Na ladu di lei di judeu, ami N seduba fariseu.

6N sigi lei ku tudu mpeñu tok N pirsigiAt 8.3 igreẑa. Si algin pudi sedu justu na lei, N ka tenba kulpa la,

7ma kil ku seduba ngañu pa mi, gosi N tenel suma perda pabia di Kristu.

8I ka son es, ma N tene tudu utru kusas suma perda kompletu pa amor di kil ku ten muitu mas balur, ku sedu kuñisimentuIs 53.11; Jer 9.23-24; Jon 17.3 di Kristu Jesus ña Siñor. Pabia del ku N bota tudu e kusa, N fasi di konta kuma i muntudu, pa N pudi ngaña Kristu,

9pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justuRom 1.17 pabia di fe na Kristu. Deus fasin justu pabia di ña fe.

10N misti son kunsi Kristu, ku puder di siRom 6.3-5; 2 Tim 2.11-12; 1 Ped 4.13 resureison, pa N toma parti na si sufrimentu, pa N parsi ku el na si mortu,

11pa N jubi si N ta yangasaLuk 20.35 resureison di mortu.

Kuri pa yangasa

12N ka na fala kuma N yangasa ja, o N sedu ja1 Tim 6.12; Eb 12.23 pirfitu, ma N na fasi forsa pa N bai dianti, pa N pudi toma ki kusa ku Kristu Jesus toman pa el.

13Ermons, ami N ka kuda kuma N yangasal ja, ma un kusa ku N na fasi, N na diskisi tudu kusa ku fika tras, pa N fasi forsaLuk 10.42; Eb 6.1 pa paña kil ku sta ña dianti.

14N na kuri diritu1 Kor 9.24-26 pa fin di kurida, pa N pudi ngaña premiu ku Deus coman pa el na seu, na Kristu Jesus.

15Anos tudu ku seduRom 12.16 maduru, no dibi di tene un mesmu manera di pensa. Si bo ka tene un mesmu pensamentu na kualker kusa, Deus ta mostra bos el.

16Konformi lugar ku no yangasa na vida spiritual, no bai pa dianti.

17Ermons, bo ba ta1 Kor 4.16 remendan. Bo jubi pa kilis ku na yanda na manera ku no mostra bos.

18N konta bos manga di bias; gosi N na ripitil ku larmas, kuma i ten manga delis ku se vida fasi elis inimigu di krus di Kristu,

19ku na fin e na pirdi, pabia se deusRom 16.18 i se bariga; e ta njata ku kusa di borgoña; e ta kuda son na kusa de mundu.

20Ma anos, no prasa i naEf 2.6; Kol 3.1-4; 1 Tes 1.10; Titu 2.13 seu; di la ku no na pera Salbadur, Siñor Jesus Kristu, ku na bin

21pa i muda no kurpu koitadi i frakuSal 17.15; Mat 17.2; 1 Kor 15.43,48-49; 1 Jon 3.2 pa i sedu suma si kurpu gloriosu, ku mesmu puder ki ten di pui tudu kusa fika bas del.