Sirmonias 4 - Portuguese Creole Bible, Guinea-Bissau

Sirmonia pa erus di saserdoti

1SIÑOR fala Moisés

2pa i konta fijus di Israel regras pa algin ku peka kontra kualker mandamentu di SIÑOR sin i kaKap 5.15-17; Num 15.22-29; 1 Sam 14.27; Sal 19.12; 1 Tim 1.13; Eb 5.2; 9.7 spera, i fasi kusa ku mandamentu fala pa ka no fasi.

3Si un saserdoti unjidu peka, i tisi kulpa riba di pobu, pa ki pekadu ki fasi i ten ku tisi pa SIÑOR un fiju di baka, macu, sin difeitu, suma oferta pa pekadu.

4I na tisi ki turu pikininu na entrada di tenda di juntamentu dianti di SIÑOR. I na pui si mon riba di kabesa di ki turu, i na matal dianti di SIÑOR.

5Dipus, ki saserdoti unjidu na toma un bokadu di ki sangi di turu, i lebal pa tenda di juntamentu.

6I na mojaKap 8.15; 9.9; 16.14 si dedu na sangi, i na waga un parti del seti biasKap 4.17; 14.16,27; 25.8; 26.18,24,28; Num 19.4; Jos 6.4,8 dianti di SIÑOR, dianti di kurtina di kau sagradu.

7Saserdoti na pui un parti di sangi na pontas di altar diSai 30.1 nsensu ku ta cera sabi, ku sta na tenda di juntamentu, dianti di SIÑOR. Ki restu di sangi, i na darmalKap 4.18,25,30,34; Kap 5.9 na pe di altar di oferta kemadu ku sta na entrada di tenda di juntamentu.

8I na tira tudu gurduraKap 3.3-5 di turu di oferta pa pekadu, suma gurdura ku na kubri partis di dentru o ku sta ligadu ku elis,

9tudu dus rin, ku gurdura ku sta nelis, pertu di lumbu, ku parti ku kubri figadu, ki na tira juntu ku rins.

10I na tira gurdura suma ki ta fasi ku baka di sakrifisiu di pas. Dipus, saserdoti na kema ki partis riba di altar di oferta kemadu.

11Kuru di ki turu pikininu, ku tudu si karni, si kabesa ku si pernas, si partis di dentru ku tripa,

12tudu ki restu di turu, i na lebal fora di kampamentuKap 6.11; 8.17; 9.11; 16.27; Sai 29.14; Num 19.3,5; Eb 13.11-13 pa un lugar limpu nunde ku sinsa ta botadu, i na kemal na fugu di leña riba di sinsa.

Sakrifisiu pa erus di pobu

13Si tudu juntamentu di Israel yara, e fasi un kusa ku mandamentu di SIÑOR fala pa ka fasi, nin si e ka sibiKap 4.2; 5.2-5,15-17; Esd 10.19 kuma e na fasi mal, e sta kulpadu.

14Ora ke bin rapara ki pekadu ke fasi, juntamentu di pobu na leba fiju di baka macu suma oferta pa pekadu; e na pursental dianti di tenda di juntamentu.

15Garandis di juntamentu na pui se mon riba di kabesa di turu dianti di SIÑOR, e na matal na si pursensa.

16Saserdoti unjidu na leba un bokadu di sangi di ki turu pa tenda di juntamentu.

17I na moja si deduKap 4.6 na ki sangi, i wagal seti bias dianti di SIÑOR, dianti di kurtina.

18I na pui utru parti di ki sangi na pontas di altar ku sta dianti di SIÑOR na tenda di juntamentu. Tudu restu di sangi, i na darmalKap 4.7 na pe di altar di oferta kemadu ku sta na entrada di tenda di juntamentu.

19I na tira tudu gurduraKap 3.3 nel, i na kemal riba di altar.

20I na fasi ku ki turusiñu suma ki fasiKap 4.3-10; Kap 1.4; Eb 2.17 ku turusiñu di oferta pa pekadu. Asin saserdoti na fasi sakrifisiu pa pekadu di pobu; e na purdadu.

21Dipus i na leba turusiñu foraKap 4.12 di kampamentu, i na kemal suma ki kema ki purmeru turusiñu. Es i oferta pa pekadu di juntamentu di pobu.

Sakrifisiu pa erus di un ŝef

22Si un ŝef peka sin i ka spera, i fasi kusa ku mandamentus di SIÑOR si Deus fala pa ka fasi, i sta kulpadu.

23Ora ki mostradu ki pekadu ki fasi, i ten ku leba oferta di un kabra macu sin difeitu.

24I na pui si mon riba di kabesa di ki bodi, i na matal na kau ku limaria ta matadu pa oferta kemadu, dianti di SIÑOR. Es i oferta pa pekadu.

25Dipus saserdoti, ku si dedu, i na toma un bokadu di sangi di oferta pa pekadu, i na pul na pontas di altar di oferta kemadu. Ki restu di sangi, i na darmal na pe di altar.

26I na kema tudu gurdura na altar, suma ki kema gurdura di oferta di pas. Asin saserdoti na fasi sakrifisiu pa pekadu di ki omi; i na purdadu.

Sakrifisiu pa eru di kualker algin

27Si kualker algin di pobu peka, sin i ka spera, i fasi un kusa ku mandamentu di SIÑOR fala pa ka fasi, i sta kulpadu.

28Ora ki mostradu ki pekadu ki fasi, i ten ku tisi, suma oferta pa pekadu, un kabra femia sin difeitu.

29I na pui si mon riba di kabesa di oferta pa pekadu, i na matal na kau di oferta kemadu.

30Dipus saserdoti, ku si dedu, i na toma un bokadu di ki sangi, i na pul na pontas di altar di oferta kemadu; ki restu di sangi, i na darmal na pe di altar.

31I na tira tudu gurdura, suma ku gurdura ta tiradu na oferta di pas. Saserdoti na kemal riba di altar, pa i pudi cera sabi pa SIÑOR. Asin saserdoti na fasi sakrifisiu pa pekadu di ki algin; i na purdadu.

32Si i tisi fiju di karnel suma oferta pa si pekadu, i ten ku tisi femia sin difeitu.

33I na pui mon riba di si kabesa, i matal suma oferta pa pekadu, na kau nunde ku limaria ta matadu pa oferta kemadu.

34Dipus saserdoti, ku si dedu, i na toma un bokadu di sangi di ki oferta pa pekadu, i na pul na pontas di altar di oferta kemadu. Ki restu di sangi, i na darmal na pe di altar.

35I na tira tudu si gurdura, suma ku gurdura di fiju di karnel di oferta di pas ta tiradu. Saserdoti na kemal na altar riba di ofertas ku kemadu pa SIÑOR. Asin saserdoti na fasi sakrifisiu pa pekadu ku ki algin fasi; i na purdadu.