Romanus 3 - Portuguese Creole Bible, Guinea-Bissau

Sorti di judeu

1Kal purbitu ku judeu ten? O kal ki balur di sirkunsison?

2Manga del, na tudu sintidu. Purmeru, pabia Deus fia nelis, i ntrega elis siKap 9.4 palabra.

3Si utrus i ka fiel, i ke gora? I ta pui Deus2 Tim 2.13 ka sedu fiel?

4Nunka! Deus ten ku sedu diNum 23.19-20; Sal 51.4 bardadi, nin ku tudu omi sedu munturus, suma ki sta skritu:

“Pa bu sedu justifikadu na bu palabras;

ora ku bu sedu julgadu, pa bu ngaña.”

5Si manera ku no ta fasi mal i ta mas pui bondadi di Deus raparadu, ke ku no pudi fala? O Deus i injustuKum 18.25 nan, ora ki na kastiganu ku raiba? (N na fala sumaKap 6.19 omi.)

6Nunka! Si i asin, kuma ku Deus pudi julga mundu?

7Si pabia di ña mintida, bardadi di Deus pudi mas parsi, pa si gloria, ke ku manda ami inda N na julgadu pa ña pekadu?

8Ke ku manda no ka na fala pa no fasi malKap 5.20; 6.1,15 pa i pudi bida bon? Bardadi, utrus akusanu kuma asin ku no ta fala, ma i mintida. Kondenason de jinti i justa elis!

Tudu jinti sta bas di pekadu

9Nta i ke? Anos judeus no sedu minjor di ki utru jinti? Nau! No mostra ja kuma, judeus ku jintius, tudu sta bas di puderKap 11.32; Gal 3.22 di pekadu,

10suma ki sta skritu:

“I ka tenSal 14.1-3 nin un justu, nin un son.

11I ka ten kil ku ta ntindi;

i ka ten kil ku na buska Deus.

12Tudu jinti sai na kamiñu di Deus, e pirdi balur.

I ka ten kil ku na fasi ben;

i ka ten nin un son.

13Se bokaSal 5.9; 10.7; 140.3 podri suma koba di difuntu ku yabridu.

Se lingua ta fala son nganu;

venenu di kobra sta na se boka.

14Se boka inci di palabra fiu i malgos.

15Se pesDit 1.16; Is 59.7-8 ta lestu pa bai darma sangi.

16Se kamiñu son stragu ku koitadesa.

17E ka kunsi kamiñu di pas.

18E ka ta rispitaSal 36.1; Dit 8.13; Luk 23.40; Apok 19.5 Deus, nin e ka ta mporta ku el.”

19No sibi kuma tudu ku lei fala, i ta fala pa kilis ku sta bas di lei, pa tudu bokaKap 2.1-2; Jo 9.2-3; Ez 16.63 pudi kala; tudu mundu ten ku fika bas di julgamentu di Deus.

20Nin un algin ka na ojadu justu pabia di guardaKap 7.7; At 13.39; Gal 2.16; 3.11 lei, ma lei ta mostranu pekadu.

Manera ku Deus ta fasinu justu

21Gosi Deus mostra manera ki ta fasi jinti justu; i ka pabia di lei, ma librus di leiLuk 24.45-47; Eb 11.4 ku di anunsiaduris e ta konta kusa del.

22Deus ta fasi jinti ku fiaKap 4; Fil 3.9 na Jesus Kristu pa e sedu justu. El i ka ta fasiKol 3.11 skuju; i pa tudu kil ku ten fe.

23Tudu jintiKap 11.32; Ekl 7.20; Gal 3.22-23 peka; e ka yangasa naturesa gloriosu di Deus.

24E ta ojadu justu sin paga nada, pabia di fabur di Deus, manera ku Kristu Jesus kaplintiMat 20.28; Ef 1.7; Kol 1.14; 1 Tim 2.6; 2 Tim 1.9; Titu 3.5,7; Eb 9.12; 1 Ped 1.18-19 elis.

25Deus dal pa i sedu sakrifisiu,Kap 8.3; Sir 16.15; 1 Jon 4.10 pa jinti pudi fia, pa e purdadu se pekadu, pabia di si sangi. Asin Deus mostra manera ki sedu justu. Na tempu kuAt 17.30; Eb 9.15 pasa, na si pasensa, i purda elis pekadu ke fasi,

26pa i pudi mostra si bondadi ne tempu, kuma el i justu, i ta pui kil ku fia na Jesus sedu justu.

27Nunde ku njata1 Kor 1.29-31; Ef 2.8-9 sta nel gora? I ka ten! Pa kal roson? Pabia di kumpri lei? Nau, ma i pabia di fe.

28No rapara na bardadi kuma jinti ta ojadu justu son pabia diGal 2.16 fe. I ka pabia di kumpri lei.

29Nta Deus i son diKap 10.12-13; Gal 3.8,28-29 judeus? I ka Deus di jintius tambi? Sertu i delis tambi,

30suma Deus i un son, ku ta fasi judeu justu pabia di fe; i ta fasi tambi jintiu ku ten fe nel justu.

31Nta no na pirdinti lei pabia di fe? Nunka, ma no na firmanta lei.