1 Samuel 3 - Portuguese Creole Bible, Guinea-Bissau

Deus papia ku Samuel

1Rapas Samuel na sirbiba dianti di SIÑOR, na mon di Eli. Na ki tempu i raru ba pa palabra di SIÑORAm 8.11-12 obidu; i ka tenba manga di vison.

2Un dia, di noti, Eli ditaba na si kuartu. Si uju kumsaba ja sukuru; i ka pudi oja diritu.

3Samuel ditaba tambi, antis di kanderuSai 27.20-21; 2 Kron 13.11 di Deus paga na kasa di SIÑOR, nunde ku arka di Deus ta staba.

4SIÑOR coma Samuel. Kila ruspundi: “AlinIs 6.8 li.”

5I kuri pa Eli, i falal: “Alin li; bu coman.” Ma Eli falal: “N ka comau; riba, bu bai dita.” I bai i bai dita.

6SIÑOR torna coma Samuel utru bias. Samuel lanta i bai pa Eli, i falal: “Alin li; bu coman.” Eli falal: “N ka comau, ña fiju; riba, bu bai dita.”

7Samuel ka kunsiba inda SIÑOR, pabia nunka SIÑOR ka papiaba ku el.

8SIÑOR torna comal terseru bias; i lanta i bai pa Eli, i falal: “Alin li, pabia bu coman.” Eli ntindi ja kuma i SIÑOR ku na comaba rapas.

9Asin Eli fala Samuel: “Riba, bu bai dita. Si i torna comau mas, bu ta fala: ‘Papia, SIÑOR, pabia bu servu na obi.’ ” Asin Samuel bai dita na si kau.

10SIÑOR bin, i firma la, i comal suma ki fasiba ja, i fala: “Samuel, Samuel.” Samuel falal: “Papia, pabia bu servu na obi.”

11SIÑOR fala Samuel: “Ali N na bin fasi un kusa na Israel; tudu kin ku obil, i na dimira tok si oreja2 Re 21.12; Jer 19.3 na pupa, tudu dus.

12Si ki dia ciga, N na kumpri kontra Eli tudu kusa ku N falaKap 2.27-36; Jos 23.15 kontra si familia, disna di kumsada te na kabantada.

13N kontal ja kuma N na julga si familia pa sempri pabia di pekadu ki sibiba del. Si fijus na fasi puku di Deus; i ka tuji elis.

14E ku manda N jurmenta pa familia di Eli kuma, nunka mas pekadu di familia di Eli ka na tiraduIs 22.14; Ez 24.13; Eb 10.26-31 ku sakrifisiu nin ku oferta di kumida.”

Samuel konta Eli si vison

15Samuel dita te parmaña, i yabri portas di kasa di SIÑOR, ma i mediba konta Eli ki vison.

16Eli comal, i falal: “Ña fiju Samuel.” I falal: “Alin li.”

17Eli puntal: “Ke ki kontau? Di fabur, ka bu sukundin el. Deus na kastigau risu si bu sukundin kualker kusa di kil ki falau.”

18Asin Samuel kontal tudu ki palabra, i ka sukundil nada. Eli fala: “El iJo 1.21; 2.10; Is 39.8 SIÑOR; pa i fasi kusa ki oja kuma i bon.”

19Samuel na kirsiba; SIÑOR staba ku el, i ka disa nin un di si palabras kaiKap 9.6 na con.

20Tudu jinti na Israel, desdi DanJos 19.47; Ŝef 18.29 te Berseba, sibiba kuma Samuel konfirmaduba pa i sedu anunsiadur di SIÑOR.

21SIÑOR kontinua na parsi na Siló, pabia SIÑOR ta manifesta pa Samuel na Siló ku si palabra.