Ezekiel 46 - Portuguese Creole Bible, Guinea-Bissau

Dias di diskansu ku di lua nobu

1Asin ku SIÑOR Deus fala: “Porton di kintal di dentru ku ta fika na ladu di saida di sol i na fika ficadu duranti seis dia di tarbaju, ma na dia di diskansu ku di lua nobu i na yabridu.

2Rei na yentra na sala di entrada di porton, i na firma lungu di kuadru di porton. Saserdotis na pursenta si ofertas kemadu ku si ofertas di pas. La na porton rei na mborka pa adora Deus; dipus i na sai, ma porton ka na ficadu te di tardi.

3Na dias di diskansu ku di lua nobu, pobu di Israel na mborka na entrada di ki mesmu porton, dianti di SIÑOR.

4“Na dia di diskansu, reiKap 45.17 ten ku pursenta pa SIÑOR seis fiju di karnel ku un karnel macu, tudu sin difeitu, pa oferta kemadu.

5Pa kada karnel i na da 17,5 litruKap 45.24 di foriña; pa kada fiju di karnel i na da kil ki tene. I na da 3 litru di azeiti pa kada oferta di 17,5 litru di foriña.

6Na dia di lua nobu i na da un fiju di baka, seis fiju di karnel ku un karnel macu, tudu sin difeitu.

7I na da 17,5 litru di foriña suma oferta di kumida pa fiju di baka, ku mesmu pa karnel, ma pa fijus di karnel i na da kil ki tene. 3 litru di azeiti ta dadu ku kada 17,5 litru di foriña.

8Rei ten ku yentra na sala di entrada di porton, i sai na mesmu kamiñu.

9“Ora ku pobu di Israel bin dianti di SIÑOR naSai 23.14-17 festivalis, kil ku yentra na porton di norti pa adora Deus i na sai na porton di sul; kil ku yentra na porton di sul i na sai na porton di norti. Ningin ka na sai na mesmu porton ki yentra nel, ma i na sai na porton di utru ladu.

10Rei na sta juntu ku elis; i na yentra ora ke yentra, i na sai ora ke sai.

Ofertas

11“Na festivalis markadu, oferta di kumida na sedu 20 litru di foriña pa kada fiju di baka, ku 20 litru pa kada karnel macu, ma pa fijus di karnel i na sedu kil ku algin tene. 4 litru di azeiti ta dadu pa kada 20 litru di foriña.

12Si rei misti da un oferta pa SIÑOR di si libri vontadi, pa kema o suma oferta di pas, e ten ku yabri porton di ladu di saida di sol pa el. I na pursenta si oferta kemadu ku si ofertas di pas, suma ki kustuma ta fasi na dia di diskansu. Dipus di sai, porton na ficadu.

13“Kada diaSai 29.38 di parmaña bu na pursenta un fiju di karnel di un anu, sin difeitu, pa oferta kemadu pa SIÑOR.

14Juntu ku el bu na ranja, kada parmaña, un oferta di kumida di 2 kilu di foriña finu ku 1 litru di azeiti pa jagasi ku foriña. Ki oferta di kumida pa SIÑOR i na sedu un mandamentu pa sempri.

15Asin, un fiju di karnel ku foriña ku azeiti ten ku pursentadu pa SIÑOR kada parmaña pa sempri.

Rei ku terenu

16“SIÑOR Deus fala: Si un rei da un di si fijus un parti di si terenu, i na sedu di ki fiju ku si fijus suma yardansa.

17Ma si i da un parti di si terenu pa un di si tarbajaduris, i na sedu di kila te na anu diSir 25.10 liberdadi. Na ki tempu, terenu na torna pa rei, pabia i si yardansa. Son si fijus ku pudi yardal.

18Rei ka na toma nada di yardansa diKap 45.6-8 pobu; i ka na serka elis di se terenu. Kualker terenu ki disa pa si fijus i na sedu di si propi yardansa, pa ka nin un di ña pobu afastadu di si yardansa.”

19Dipus, ki omi leban pa entrada na ladu di porton pa kuartus sagradu di saserdotis, ku ta fika na ladu di norti. N oja la un kau na ladu di kaida di sol.

20I falan: “Es i lugar nunde ku saserdotis na bin kusña ofertas pa kulpa, ofertas pa pekadu ku ofertas di kumida, pa ka e bin tisidu pa kintal di fora pa santifikaKap 44.19 pobu.”

21I leban pa kintal di fora, i da volta ku mi na kuatru kantu di kintal. Na kada kantu i tenba utru kintal pikininu

22ku teneba 20 metru di kumprimentu ku 15 metru di largura. Ki kuatru kantu teneba mesmu midida.

23I tenba un mura na roda di tudu kuatru, ku kaus di kusña lungu di mura tudu na roda.

24Omi falan: “Es i fugon nunde ku tarbajaduris di templu na bin kusña ofertas di pobu.”