1I bon pa ngabau, SIÑOR,
pa kanta musika pa bu nomi, o Deus ku sta riba di tudu,
2pa anunsia bu bondadi parmaña,
di noti pa konta manera ku bu sedu fiel.
3I bon pa toka salteriu di des korda,
pa fasi musika ku arpa,
4pabia bu kontentan ku kusas ku bu fasi, SIÑOR;
N na kanta ku kontentamentu pabia di tarbaju di bu mon.
5SIÑOR, kusas ku bu fasi i garandi;
bu pensamentus i fundu dimas.
6Brutu ka ta sibi e kusa;
tuluKap 94.8 ka ta ntindil,
7kuma, mesmu ku jinti mau nasi suma paja,
nin si kusas na kuri diritu pa kilis ku ta fasi mal,
e na kabadu ku el pa sempri.
8Abo, SIÑOR, bu sedu Deus
ku sta riba di tudu, pa sempri.
9Bu inimigus, SIÑOR,
na bardadi, bu inimigus na pirdi.
Tudu jinti ku ta fasi kusas mau e na pajigadu,
10ma bu na aumenta ña forsa suma kil di turu brabu;
bu na untan ku azeiti fresku.
11Ña ujus na oja kastigu di ña inimigus;
ña orejas na obi di kaida di kilis ku ta fasi mal,
ku ta lanta kontra mi.
12Justus na lanta ku saudi suma palmera,
e na kirsi suma sedru di Líbanu.
13Suma ke parantadu na kasa di SIÑOR no Deus,
e na kirsi la ku saudi.
14Na se bejisaKap 103.5 e na padi inda frutu,
e na fika forti i fresku,
15pa anunsia: “SIÑOR i retu;
el i ña Roca; i ka ten injustisa nel.”
Who We AreWhat We EelieveWhat We Do
2025 by iamachristian.org,Inc All rights reserved.
