Aẑeu 1 - Portuguese Creole Bible, Guinea-Bissau

Ordi pa kumpu templu

1Na purmeru dia di sestu mis di sugundu anu fiju di Jeozadak, ŝef di saserdotis.

2Asin ku SIÑOR ku ten tudu puder fala: “E jinti fala: ‘I ka ciga tempu ku kasa di SIÑOR dibi di kumpudu.’ ”

3SIÑOR bin papia na boka di anunsiadurEsd 5.1 Aẑeu, i punta:

4“Nta i tempu pa bo mora na bo kasas robokadu, ma e kasa fika asin danadu?

5Ami, SIÑOR ku ten tudu puder, N fala: Bo jubiMis 3.40 diritu ke ku bo na fasi.

6Bo sumiaLei 28.38; Os 4.10; Mik 6.14-15 ciu, bo kebra puku; bo ta kume ma bo ka ta farta; bo ta bibi ma bo ka ta justanda; bo ta bisti ma bo ka ta kinti; bo ta risibi bo pagamentu, bo ta pul na saku furadu.

7“Ami, SIÑOR ku ten tudu puder, N na fala: Bo jubi diritu ke ku bo na fasi.

8Bo subi na monti, bo tisi madera, bo kumpu e kasa, pa N pudi sta kontenti ku el. Asin, N ta sedu glorifikadu.” Asin ku SIÑOR fala.

9“Bo na peraba ciu, ma bo oja puku. Oca ku bo tisi ki puku pa kasa, N supral. Pabia di ke? Pabia di ña kasa ku fika danadu, nkuantu kada un di bos na kuri pa si propi kasa.” Asin ku SIÑOR ku ten tudu puder fala.

10“E ku manda seu riba di bos i tujiLei 11.17; 1 Re 8.35 ku si serenu; con i ka na da si frutus.

11N coma2 Re 8.1 sekura pa i bin riba di con, riba di montis, riba di trigu ku ortas di uva ku olivera, ku tudu ku con ta pruduzi, suma tambi riba di omis ku limarias, ku tudu tarbaju di mon di omi.”

12Asin Zorobabel, fiju di Sealtiel, ku Josué, fiju di Jeozadak, ŝef di saserdotis, ku tudu restu di pobu, e obi vosEsd 5.2; Is 55.11 di SIÑOR se Deus, ku palabras di anunsiadur Aẑeu, pabia SIÑOR se Deus mandal. Pobu sinti medu di SIÑOR.

13Aẑeu, kil ku SIÑOR manda, i da pobu ki rekadu di SIÑOR, i fala kuma SIÑOR fala i na staMat 28.20; Rom 8.31 ku elis.

14SIÑOR disperta spiritu2 Kron 36.22 di Zorobabel, fiju di Sealtiel, gubernadur di Judá, ku spiritu di Josué, fiju di Jeozadak, ŝef di saserdotis, ku spiritu di restu di pobu; e bin e pegaEsd 5.2,8; Ekl 9.10; 1 Kor 15.58 na tarbaju na kasa di SIÑOR ku ten tudu puder, se Deus,

15na dia 24 di sestu mis di sugundu anu di rei Dariu.