Titu 3 - Portuguese Creole Bible, Guinea-Bissau

Manera di yanda suma krenti

1Lembranta elis pa e baŝa pa gubernu ku otridadis,Rom 13.1 pa e obdisi elis, pa e sta pruntu pa fasi tudu bonKol 1.10 tarbaju,

2pa ka e fala malEf 4.31; Tia 3.9-10; 4.11 di ningin, ka e buska palabra, ma pa e mostraMat 11.29; 2 Tim 2.24-25 pasensa, e sedu mansu pa tudu jinti.

3Purmeru, asin1 Kor 6.10-11; Kol 1.21 ku no seduba: tulu, disobdienti, eradu, katibus pa tudu koldadi diseẑu mau, ku gozu di mundu. No ta yandaba na malisia ku nveẑa; no odiaduba, no ta odia utru jinti tambi,

4ma oca ku Deus no Salbadur mostraKap 2.11 si bondadi ku si amor pa jinti,

5i salbanu; i ka pabia di kualker kusa bonRom 3.20; Ef 2.8-9 ku no fasi, ma i pabia di si miserikordia ki labanu, i danu nobuJon 3.3,5 nasimentu, un vida nobu di Spiritu Santu.

6I darma si Spiritu ciu riba di nos pabia di Jesus Kristu no Salbadur,

7pa no pudi ojadu justu dianti di Deus pabia di si fabur, pa no bin tene vida ku ka ta kaba, konformi speransaRom 8.23-24 ku no ten.

8Es i palabra1 Tim 1.15 ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bonKap 2.14 tarbaju. I ka son kuma i bon, ma i di purbitu pa tudu jinti.

9Libra1 Tim 1.4; 2 Tim 2.14,23 di purfias di tulesa, ku ki listas di jinti antigu, ku jus, ku diskuti kusa di lei, pabia i ka ten purbitu; i suma nada.

10Algin ku ta tisi rapatimentu, dal avisuMat 18.17; Rom 16.17; 2 Kor 13.2 te dus bias. Dipus, bu libra del.

11Bu sibi kuma jinti di ki koldadi e tortu; e ta fasi mal, e na kondenaAt 13.46 se kabesa.

Manteña di kabantada

12Ora ku N mandau Artemas oAt 20.4 Tíkiku, fasi forsa pa bin nunde mi na Nikópolis, pabia la ku N rezolvi pasa cuba nel.

13Fasi mpeñu pa juda Zenas, pursor di lei, kuAt 18.24 Apolu, pa nada ka falta elis na bias.

14No jinti dibi di buska sibi pui sintidu na bonEf 4.28; 2 Ped 1.8 tarbaju, pa e tene tudu ki pirsis, pa ka e sedu amonton.

15Tudu jinti ku sta ku mi e mandau manteña. Fala kilis ku amanu na fe manteña.

FaburRom 16.20 di Deus ta sta ku bos tudu.