2 Koríntius 9 - Portuguese Creole Bible, Guinea-Bissau

1Na bardadi i ka pirsis pa N skirbi bos di ofertaKap 8.4 ku na mandadu pa krentis di Jerusalen,

2pabia N sibi kuma bo sta pruntu. E ku manda N ngabaKap 8.24; 2 Tes 1.4 bos dianti di jinti di Masedonia; N fala elis kuma jinti di Akaia sta pruntu disna di anuKap 8.10 pasadu. Bon vontadi di bos disperta korson di manga delis.

3N na manda e ermons, pa kil ku no fala di bos aserka de oferta ka i bin sedu palabra di bentu. Asin N misti pa bo sta purparadu, suma ku N fala elis.

4Si jinti di Masedonia bai ku mi, e ka oja bos purparadu, i garandi borgoña pa nos, pa fiansa ku no mostra na bos. Abos tambi bo ta burguñu.

5E ku manda N oja kuma N dibi di pidi e ermons pa e bai dianti pa bos, pa jubi ki oferta ku bo fala bo na da, pa i sta pruntu antis di N bai. Asin si i sta tudu pruntu, i ta mostra kuma bo da di bo vontadi, i ka a forsa.

6Lembra kuma kil ku sumia puku, i ta oja puku. Kil ku sumia ciuDit 11.24-25; 19.17; 22.9; 28.27; Mat 10.42; 19.21; Gal 6.7-10; 1 Tim 6.18; Eb 13.16 i ta oja tambi ciu.

7Kada un ta da konformi i sinti na siSai 25.2; Lei 15.7; Rom 8.12 korson; i ka ku tristesa, nin pa obrigason, pabia Deus ama kil ku da ku alegria.

8Deus pudi darma si bensonMal 3.10; Fil 4.18-19 ciu riba di bos, tok bo ka ta ten falta di nada na bo vida; ki ta sobra sempri pa juda utru jinti.

9Konformi i sta skritu:

“I yabri si mon ciu, i daSal 112.9 koitadis;

si bondadi ta fika pa sempri.”

10Deus ku ta da simenteraIs 55.10; Os 10.12 pa kil ku na sumia, ku pon pa kume, tambi i ta da bos kusa di sumia, i ta buril, tok bo bondadi i ta da manga di frutu ku na riba pa bos.

11Asin sempri Deus na da bos kil ku ciga pa bo pudi rapati ciu ku utru jinti, ku ta pui elis pa e gardisi DeusKap 1.11; 4.15 pa bo oferta ke risibi di no mon.

12E tarbaju i ka son pa juda na faltaKap 8.14 ku pobu di Deus ten, ma tambi i ta darma na manga di gardisimentu pa Deus.

13E tarbaju ta proba kuma, na bardadi, bo ta obdisi Bon Noba di Kristu; i ka son setal ku boka. Pabia di kila, e ta glorifikaMat 5.16 Deus; e ta glorifikal tambi pa ki garandi oferta ku bo manda pa elis ku tudu jinti.

14Elis e na ora pa bos ku garandi amor, pabia di rikesa di grasaKap 8.1-2 ku Deus pui na bos.

15Deus obrigadu pa garandi kusa ki danuTia 1.17 ku no ka pudi konta!