1N oja un besta subi na mar, ku teneba des cifriKap 12.3 ku seti kabesa. Riba di si cifris i teneba des koroa. Na kada kabesa i tenba palabra mau kontra Deus.
2Besta ku N oja i parsi suma onsa; si pe parsi ku pe di ursu, si boka suma di lion. Dragon pasanta pa el si puder, si tronuKap 16.10 ku si garandi otridadi.
3I tene na un di si kabesas un sinal ku parsi pankada di mortu, ma ki molostu di mortu san. Tudu jintiKap 17.8; 2 Tes 2.3 di mundu fika dimiradu, e bai tras di besta.
4E adora dragon suma ki pasanta besta si puder. E adora besta tambi, e punta: “Kin ku parsi ku besta? Kin ku pudi geria ku el?”
5I disadu papia palabras di njatamentu ku palabra mauDan 7.25 kontra Deus. I dadu puder pa manda korenta i dusKap 11.2 mis.
6I yabri boka son pa mal kontra Deus, pa fala mal di si nomi, mal di si morada, ku kilis ku mora na seu.
7Tambi i disadu pa i geriaKap 11.7; Dan 7.21 kontra pobu di Deus, i ngaña elis. I dadu otridadi riba di tuduKap 5.9 rasa, pobu, lingua ku nason.
8Tudu jinti ku sta na tera adoral, menus kilis ku se nomiKap 21.27; Sai 32.32 sta skritu disna di kumsada di mundu na libru di Karnel ku matadu, ki libru ku tene nomi di jinti ku tene vida.
9Kin ku tene oreja, pa i obi.
10Kin ku markadu pa bai katiberasku, i ten ku bai. Kin ku markadu pa muri ku spada, i ten ku muri ku spada. Pa es i pirsis pa pobu di Deus ten koraẑenKap 14.12 ku fe.
Besta ku sai na con11I sai na con utru besta ku tene dus cifri ku parsi cifri di fiju di karnel, ma i ta papiaba suma dragon.
12I ta sta dianti di purmeruKap 13.3 besta; i ta usa tudu otridadi di kila. I ta obriga tera ku tudu si moraduris pa e adora purmeru besta, kil ku teneba molostu di mortu ku kuradu.
13I ta fasiKap 16.14; Sai 7.22; Mat 24.24 garandi milagris, tok i ta fasi fugu1 Re 18.38; 2 Re 1.10,12 disi di seu pa tera dianti di uju di jinti.
14Pabia di milagris ki disadu fasi dianti di besta, i ta nganaKap 19.20; 2 Tes 2.9-10 jinti ku sta na tera. I fala elis pa e fasi un imaẑen di besta ku molostadu ku spada, ma i bibu.
15I dadu puder pa pui folgu na imaẑen di besta pa kila pudi papia; i pudi manda pa mata tudu kilis ku ka adoraKap 16.2; 20.4 ki besta.
16I obriga pa tudu jinti, pikininus ku garandis, rikus ku pobris, libris ku katibus, pa e pudu un sinalKap 14.9-10; 19.20 na se mon direita o na se testa,
17pa ka ningin pudi kumpra nin bindi nada, son kilis ku tene sinal di nomi di besta, o numeru di si nomi.
18Es pirsisa di jiresa. Kil ku ten ntindimentu i pudi kalkula numeru di besta, pabia i numeru di un omi. Si numeru i 666.
Who We AreWhat We EelieveWhat We Do
2025 by iamachristian.org,Inc All rights reserved.
