Isaias 26 - Portuguese Creole Bible, Guinea-Bissau

1Dia na ciga ku e kantiga na kantadu na tera di Judá:

No tene un prasa forti

ku tene muras ku toris,

ku sedu salbason

pa nason justu pudi yentra,

nason ku sedu fiel.

3Kil ku pui sintidu firmi na bo,

ku fiansa na bo,

abo, SIÑOR, bu ta guardal ketu, ku susegu.

4Bo fiansa na SIÑOR pa sempri,

pabia SIÑOR Deus i sedu roca

ku ka ten kumsada nin kabantada.

5I ta bati kilis ku sinta na kau la riba

i ta baŝa prasa altu,

i durbal te na con.

6Koitadis ku kilis ku kalkadu

e na yanda la, e masal.

7Kamiñu di justu i filadu.

Abo ku sedu justu,

bu ta filanta

oca ku bu kuriẑi elis;

e tira tudu se orason ku vos pikininu.

17Suma minjer preñada, ora ki pertu padi,

i ta grita na si dur

pa kastiga moraduris di mundu pa se pekadus.

Con na tira sangi ku darmadu nel;

i ka na sukundi mas kilis ku matadu.