Sofonias 3 - Portuguese Creole Bible, Guinea-Bissau

Anunsius aserka di Jerusalen

1Ai di Jerusalen, ki prasa disobdienti, kuruptu, ku ta kalka jinti!

2I ka ta obi ningin, nin i ka ta setaJer 5.3; 22.21 disiplina. I ka ta fia na SIÑOR nin i ka ta ciga pertu di si Deus.

3Si ŝefisEz 22.25,27 sedu suma lions ku na somna; si juisis e sedu suma lubus di tardi, ku ka ta sobra nin un os pa utru dia.

4Si anunsiadurisJer 23.11; Mis 2.14; Ez 22.26,28 lebi kabesa, e sedu infiel; si saserdotis kontamina kau sagradu, e tursi lei.

5Ma SIÑOR ku sta dentru del i justu, i ka ta fasi pekadu. Kada parmaña i ta fasi si justisaLei 32.4; Jer 6.15 na lus, i ka ta maina, ma jinti tortu ka ten borgoña.

6SIÑOR fala: “N kaba ku nasons; se toris danadu; N disa se ruas suma lala tok ningin ka ta pasa la. Se prasas danadu tok i ka fika ningin; kau dingi.

7N fala prasa: ‘Sertamenti bu na rispitan, bu seta disiplina.’ Asin si morada ka na danaduba; i na kapliba di kastigu ku N markaba, ma e pegaKum 6.12; Jer 8.6 tesu, e kontinua fasi kusas kuruptu.

8“Asin ami, SIÑOR, N fala: Bo peran, pa dia ku N lanta pa akusa. N rezolvi junta nasons ku renus, pa darma tudu forsa di ña raiba riba delis. N na kaba ku tudu munduKap 1.18 ku fugu di ña siumi.

9“Na ki tempu N na purifika boka di nasons, pa elis tudu e pudi coma nomi di SIÑOR, e sirbil ku un mesmu sintidu.

10Utru jinti ku ta adoran, ña pobu ku pajigadu te na utru ladu di rius di Etiopia, e na binMal 1.11; At 8.27 di la, e tisin sakrifisiu.

11Na ki dia bu ka na burguñu di nin un di kusas ku bu fasi, manera ku bu disobdisin, pabia N na tira na bu metadi kilis ku ta kontenti na se orgulyu. Nunka mas bu ka na yalsa ombra na ña monti sagradu.

12N na disa na bo kilis ki umildi i koitadi, ku fiansa na nomi di SIÑOR.

13Kilis ku sobra di pobu di Israel e ka na fasi mal, nin e ka na konta mintida; nganu ka na ojadu na se boka. E na tene kusa di kume, e na dita; ninginEz 34.28; Mik 4.4 ka na pantanda elis.”

Kantiga di kontentamentu

14Pobu di Sion, bo kantaIs 12.6; Zak 2.10 ku alegria!

Israel, grita ku kontentamentu!

Jerusalen, fika kontenti ku tudu bu korson!

15SIÑOR i lunjusi bu kastigu,

i kaba ku bu inimigu;

SIÑOR, Rei di Israel, i staEz 48.35; Apok 21.3 ku bo;

bu ka na oja mas mal.

16Na ki dia Jerusalen na dadu e palabra:

“Sion, ka bu tenIs 35.3-4; Eb 12.12 medu;

ka bu disa bu mon pirdi forsa.

17SIÑOR bu Deus sta ku bo,

ku puder pa salbau.

I na kontentiLei 30.9; Is 62.5; 65.19; Jer 32.41 dimas ku bo,

i na kalmau pabia di si amor;

i na ten garandi kontentamentu na bo

tok i kanta.

18N na junta kilis na bo ku sta tristi

pa falta di festivalMis 2.6 markadu,

ku ta sinti pesu pabia di disprezu.

19Na ki tempu N na kastiga kilis ku ta maltrata bos;

N na salba kil ku naEz 34.16 mankusa,

N na rukuji kilis ku pajigaduba.

N na pui jinti na tudu tera

nunde ke pudu na borgoña

pa e ngaba elis ku rispitu.

20Na ki tempu N na tisi bos,

N na rukuji bosIs 11.12 pa bo tera.

N na pui tudu jinti di mundu

pa e ngaba bos ku rispitu,

ora ku N muda sorti pa bos dianti di bo uju.”

Asin ku SIÑOR fala.