Atus 8 - Portuguese Creole Bible, Guinea-Bissau

1Saulu kontenti ku si mortu.

Pirsigison na igreẑa

Na ki dia i lanta garandi pirsigison kontra igreẑa na Jerusalen. Tudu krentis, menus apostolus, e pajigaduKap 11.19 na partis di Judeia ku Samaria.

2Utru omis di Deus bai ntera Stevon, e coral ciu.

3SauluKap 7.58; 9.1,13,21; 22.4 mistiba kaba ku igreẑa. I ta yentraba na kasas, i rasta omis ku minjeris pa fica elis na kalabus.

Filip na Samaria

4Kilis ku pajigadu e baibaMat 10.23 pa tudu parti, e na konta palabra.

5FilipKap 6.5 bai pa prasa di Samaria, i na kontaba elis di Kristu.

6Oca ku multidon di jinti obi Filip, e oja milagris ki na fasi, elis tudu e para atenson na kil ki na fala,

7pabia spiritu mau sai na manga di jinti ku garandi gritu; i kuraduMar 16.17; Eb 2.4 manga di jinti ku teneba duensa di molisimentu, tudu ku mankus.

8I tenba garandi alegria na ki prasa.

Simon jambakus

9I staba la un omi comadu Simon ku tarda ta fasi arti diKap 13.6; Sai 7.11 jambakus, i na nganaba jinti di Samaria, i ta fala kuma el i alginKap 5.36 garandi.

10Tudu jinti ta sukutal diritu, jinti altu ku koitadis; e ta fala kuma es algin i puder di Deus ku ta comadu Puder Garandi.

11E ta sukutal pabia i tarda ki na ngana elis ku arti di jambakus.

12Oca ke seta palabra di Filip ku konta elis Bon Noba di renu di Deus, ku nomi di Jesus Kristu, omis ku minjeris tudu batisa.

13Simon propi seta Jesus tambi, i batisadu. I fika juntu ku Filip. Ora ki oja milagris ku kusas garandi ki fasi, i ta dimira dimas.

14Apostolus ku staba na Jerusalen obi kuma jinti di Samaria seta palabra di Deus. E manda elis Pedru ku Jon.

15Oca e ciga, e ora pa elis pa e pudi risibi SpirituKap 2.38 Santu.

16Spiritu ka riaba inda riba di nin un son delis; e batisaduba son na nomiKap 10.48; 19.2-5; Mat 28.19 di Siñor Jesus.

17Asin apostolus pui monKap 6.6 riba delis; e risibi Spiritu Santu.

18Simon oja kuma, si apostolus pui mon riba di algin, i ta risibi Spiritu Santu. I mostra elis diñeru,

19i fala: “Dan tambi e puder, pa ora ku N pui mon riba di algin, si dunu ta risibi Spiritu Santu.”

20Pedru falal: “Bai ku bu diñeruMat 10.8 pa kondenason, pabia bu kuda kuma puder di Deus ta kumpradu ku diñeru.

21Bu ka ten diritu di toma parti na no tarbaju, pabia bu korson ka sta limpu dianti di Deus.

22RipindiKap 2.38; Is 55.7; Dan 4.27; 2 Tim 2.25 de mal ku bu fasi, bu pidi Deus pa i purdau e pensamentu ku sta na bo,

23pabia N oja kuma bu korson inci ku kusasEb 12.15 malgos; bu sta prezu na pekadu.”

24Simon ruspundi i fala elis: “Bo pidi SiñorKum 20.7; Sai 8.8; Num 21.7; Jo 42.8; Jon 16.26-27; Tia 5.16 pa mi, pa ka nada di kil ku bo fala bin riba di mi.”

25Pedru ku Jon kaba testifika, e konta palabra di Siñor, e riba pa Jerusalen. Na kamiñu e konta Bon Noba na manga di tabanka di jinti di Samaria.

Filip ku omi di Etiopia

26Un dia un anju di Siñor fala Filip: “Lanta, bu bai pa ladu di sul, pa kamiñu ku ta bai di Jerusalen pa Gaza, ki kamiñu di lala.”

27Filip lanta, i bai. I bin oja un omi di Etiopia, ku seduba eunuku, funsionariu altu, nkargadu di tudu rikesa di Kandasi, raiña di Etiopia. I baiba Jerusalen pa adora Deus.

28Filip ojal oca ki na riba, sintadu na si karu; i na lei libru di anunsiadur Isaias.

29Spiritu fala Filip: “Ciga, bu bai pertu ki karu.”

30Filip kuri, i obil i na lei libru di anunsiadur Isaias; i puntal si i ntindi ke ki na lei.

31I ruspundi: “Kuma ku N pudi ntindi si algin ka splikan?” Asin i pidi Filip pa i subi, i sinta juntu ku el.

32Parti di Skritura ki na leiba i es:

“I lebaduIs 53.7-8 suma karnel pa matadur.

Manera ku karnelsiñu ta mudu

dianti di kil ku na tiskial,

asin tambi ki fika kaladu.

33I lebsidu, i ka fasidu justisa.

Ningin ka na pudi konta di si futuru jorson,

pabia si vida tiradu na tera.”

34Funsionariu fala Filip: “Kontan di fabur, kin ku anunsiadur na fala del. I na fala di si kabesa o di utru algin?”

35Filip toma palabra, i kumsa na ki kauKap 18.28; Luk 24.27 ki lei, i kontal Bon Noba di Jesus.

36Oca ke na pasa pertu di un lugar ku teneba yagu, funsionariu fala: “Ali yagu. Ke ku na tujinKap 10.47 pa N batisadu?”

38I manda para karu, e ria na yagu, elis dus, Filip ku funsionariu; Filip batisal.

39Oca ke sai na yagu, Spiritu di Siñor rabata1 Re 18.12; 2 Re 2.11,16; Ez 3.12,14 Filip. Funsionariu ka ojal mas. I kontinua si kamiñu, kontenti.

40Filip parsi na Azotu, i pasa dianti. Suma ki na bai, i na konta Bon Noba na tudu tabanka tok i ciga na Sesareia.