Ditus 13 - Portuguese Creole Bible, Guinea-Bissau

1Fiju jiru ta obi si si papeKap 1.7-8 kuriẑil, ma troseru ta raprindidu, i ta nega obi.

2Omi ta kume bon kusas di frutuKap 12.14 di si boka, ma kilis ku ka sedu fiel e ta mistiKap 4.17; 12.6 son violensia.

3Kil ku ta guarda si bokaKap 10.8,19 i ta guarda si vida, ma kil ku yabri si boka ciu i na tene kasabi.

4PrigisosuKap 6.6 ta misti, ma nada i ka ta yangasa; tarbajaduris e ta farta son.

5Justu ta nuju palabra diKap 30.8; Sal 119.163 mintida, ma omi mau ta tisi borgoña ku kunfuson.

6Bondadi ta guarda kil ku tene korsonKap 11.3-6 di bardadi. Maldadi ta pui omi mauKap 5.22 pa i kai.

7I ten omi ku ta finji sedu riku, ma nada i ka tene; utru ta finji koitadi, ma i tene manga di rikesa.

8Omi riku i ten ku usa si diñeru pa salba si vida, ma ningin ka ta ameasa koitadi.

9Algin justu i suma lusKap 4.18 ku na sindi klaru; algin mau i suma lus ku mistiJo 18.5-6 paga.

10Orgulyosu ta tisiKap 10.12; 21.24 son jus; jiresa ta ojadu na kil ku setaKap 1.5 konsiju.

11Rikesa ku algin ngaña na tarpasaKap 10.2; 21.6; 28.8; Jer 17.11 i ta mingua, ma kil ku junta si rikesa ku forsa di si tarbaju i ta buril.

12Speransa ku diadu i ta pui korson duensi, ma vontadi yangasaduKap 13.19; 3.18 i arvuri di vida.

13Kil ku njuti palabra di konsijuKap 1.7,25; 9.8-9; 12.1; 15.5,31-32; 19.16; 2 Kron 36.16 i na bin pirdi, ma kil ku rispita ordi i na bin ngaña.

14Nsinamentu di jiru i fonti di vida,Kap 10.11; 14.27; 15.24; 16.6,17; 2 Sam 22.6; Sal 36.9 pa algin pudi disinvita armadilia di mortu.

15Bon ntindimentu ta ngaña fabur, ma kamiñuKap 4.19; 22.5 di kilis ku ka sedu fiel i kansadu yanda.

16Algin jiru ta pensa antis di fasi un kusa, ma tulu ta mostra si tulesa.

17Si un algin ku ta leba rekadu i mau, i ta kai na mal,Kap 25.13,25; 26.6; 2 Kor 5.20 ma mbaŝadur fiel i ta tisi pas.

18Kil kuKap 13.13 kuriẑidu, i nega, koitadesa ku borgoña na bin pa el, ma algin ku raprindidu, i seta, i na rispitadu.

19Vontadi yangasadu i ta pui algin kontenti. Tulus ka ta misti disa se mal.

20Si bu yanda ku jiru bu na sedu jiru, ma kumpañerKap 4.14; Sai 23.2 di tulus i na sufri danu.

21Mufunesa na sta tras di kilis ku ta fasi mal, ma justus na bin tene bon pagamentu.

22Un bon omi ta disa yardansa pa fijus di si fijus, ma rikesaKap 28.8; Jo 27.16-17; Ekl 2.26 di algin mau i ta guardadu pa justu.

23Lugar di koitadi pudi padi ciu, ma falta di justisa ta robal el.

24Kil ku ka ta usa mantampaKap 3.12; 19.18; 22.15; 23.13-14; 29.15,17; Eb 12.6-11 i ka gosta di si fiju, ma kil ku ama si fiju i ta kastigal na ora ki mersi.

25Justu ta kume tok i farta, ma jinti mau e ta pasa fomi.