1Na dia 12 di desimu mis di desimu anu, SIÑOR bin papia ku mi, i falan:
2“Fiju di omi, jubi pa Faraó, rei garandi ku dita na metadi di bu rius. Bu fala kuma Riu Nilu i di bo; i abo ku kumpul pa bu kabesa.
4N na pui ansolisKap 38.4; 2 Re 19.28 na bu rostu, N pui pis di bu rius pa e pega na bu skamas. N na tirau na metadi di bu rius, ku tudu pis di bu rius pegadu na bu skamas.
5N na botau na lala, ku tudu ki pis di bu rius. Bu na kai na con; ningin ka na kujiu nin bu ka na nteradu. N na pou pa bu sedu kumidaJer 7.33 pa limarias ku kacus.
6Dipus, tudu moraduris di Ejitu na sibi kuma ami N sedu SIÑOR.
“‘Abo, bu seduba manduku di kana2 Re 18.21; Is 36.6 pa pobu di Israel.
7Oca ke pegau ku mon, bu kebra, bu molosta elis na ombra. Oca ke ngosta na bo, bu kebra; e bin paña jitu na rabada tok e ka pudi yanda.
8“‘Pabia di kila, ami, SIÑOR Deus, N fala: N na tisi spadaKap 30.6,12 riba di bo, N na mata omis ku limarias.
9Tera di Ejitu na danadu suma lala; e na sibi kuma ami N sedu SIÑOR.
“‘Suma ku bu fala kuma riu i di bo, i abo ku kumpul,
10e ku manda N sta kontra bo ku bu rius. N na dana tera di Ejitu, N fasil suma lala,Kap 29.12; 30.6-7 desdi Migdol na norti te Sevené na sul, te na frontera di Etiopia.
11Pe di omi ka na pasa nel, ku fadi pe di limaria. Ningin ka na mora la pa korenta anu.
12N na dana tera di Ejitu mas di ki utru teras ku danadu. Si prasas na mas sta suma lala di ki utru prasas, pabia jinti ka na mora nelis pa korenta anu. N na pajiga ejipsius na metadi di utru nasons, na manga di tera.
13“‘Ma asin ku ami, SIÑOR Deus, N fala: Ora ku korenta anu kaba, N na juntaJer 46.26 ejipsius na metadi di nasons nunde ke pajigaduba nel.
14N na tira elis di katiberasku, N na ribanta elis na Patros, ku sedu tera di se papes di antigu; e na sedu un renu fraku,
15mas fraku di ki utru renus. Nunka mas e ka na yalsa riba di utru nasons, pabia N na menusa elis pa ka e manda riba di utru nasons.
16Israel ka na ten konfiansa mas nelis, ma Ejitu na sedu lembransa pa elis di se pekadu, manera ke baiba si tras pa buska ajuda. Na ki tempu Israel na sibi kuma N sedu SIÑOR Deus.’ ”
17Na purmeru dia di purmeru mis di anu 27, SIÑOR bin papia ku mi, i falan:
18“Fiju di omi, Nabukodonosor, rei di Babilonia, pui si tropas pa e fasi garandi operason kontraKap 26.7 Tiru. Tudu kabesas di si tropas pirdi kabelu, tudu se ombras fola. Ku tudu ki operason ke fasi, nin rei nin si tropas ka ngaña nada na Tiru.
19Pabia di kila, ami, SIÑOR Deus, N fala: N na da tera di Ejitu pa Nabukodonosor, rei di Babilonia; i na leba manga di jinti, i na furta-furta se rikesas pa i pudi paga si tropas.
20N dal tera di Ejitu suma pagamentu di tarbaju ki fasi kontra el, pabia e tarbaja pa mi.” Asin ku SIÑOR Deus fala.
21“Na ki tempu N na buri pobu di Israel forsa. Tambi N na yabriuKap 3.27 boka pa bu papia na se metadi. E na sibi kuma ami N sedu SIÑOR.”
Who We AreWhat We EelieveWhat We Do
2025 by iamachristian.org,Inc All rights reserved.
