Salmus 90 - Portuguese Creole Bible, Guinea-Bissau

KUARTU LIBRU(Salmus 90—106)Orason di Moisés, omi di Deus.

1SIÑOR, bu sedu no kau suguru

disna di kumsada di mundu te gosi.

2Antis di montisDit 8.24-26 bin lanta,

antis di bu kumpu tera ku mundu, abo, bu sedu Deus,

antis di kumsada te dipus di kabantada.

3Bu ta pui omi pa i torna seduKum 3.19; Ekl 12.7 reia,

bu fala: “Abos omis, bo riba pa kil ku bo seduba.”

4Mil anu2 Ped 3.8 pa bo i suma dia di aonti ku pasa,

i suma ki tris ora di sirvis di di noti.

5Bu ta leba omis suma korenti di yagu.

E ta sedu suma suñu,

o suma paja ku ta nasi mandrugada,

6i ta kirsi ki parmaña;

di tardiJo 14.2; Is 40.6-7 i ta lati, i seku.

7Bu raiba na pantandanu dimas,

i na kaba ku nos.

8Bu pui no pekaduKap 50.21; Jer 16.17 dianti di bo;

no pekadu sukundidu, bu tiral na bu lus.

9Tudu no dias ta pasa na sombra di bu raiba;

no ta kabanta no anus ku jimi.

10No vida ta bai te setenta anu;

si no ten forsa, no pudi ciga na oitenta,

ma ki anus na tisinu son kansera ku tristesa;

e ta pasa dipresa; no ta bua.

11Kin ku kunsi forsa di bu raiba?

Kin ku kunsi ki medu ku bu raiba pudi tisi?

12Nsinanu pa no fasi kontaKap 39.4 di no dias,

pa no pudi ngaña korson jiru.

13SIÑOR, te kal tempu?

Disa, bu ten pena di bu servus.

14Fartandanu ku bu bondadi kada dia ku sol na mansi,

pa no pudi kanta ku alegria, no kontenti tudu no vida.

15Danu kontentamentu na konta di ki dias ku bu kastiganu,

di ki anus ku no oja mal.

16MostraAb 3.2 bu servus kusas ku bu fasi;

mostra se fijus bu gloria.

17Fabur di SIÑOR no Deus pa i sta riba di nos!

Deus ta konfirma pa nos tarbaju di no mon;

sin, i ta konfirma tarbaju di no mon.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help