Sirmonias Introduson - Portuguese Creole Bible, Guinea-Bissau

IntrodusonE libru tene nomi di “Levítico” na purtugis; i ta trata di sirvis di levitas, ki jorson di Israel ku Deus kuji pa tarbaja na tenda sagradu. Un familia di levitas, kil di Aron, kujidu pa e sedu saserdotis. E libru ta mostranu kuma Deus i puru, santu; anos, suma no ta fasi pekadu, no ka pudi ciga dianti di Deus di kualker manera. Sangi ten ku darmadu purmeru. Kristons fia kuma sakrifisiu di limarias ku ta splikadu ne libru i seduba figura di sakrifisiu di Kristu, Fiju di Deus, no garandi Saserdoti ku darma si sangi pa nos. Libru di Ebreus ta splika e kusas.Bu na nota kuma e palabra: “SIÑOR fala Moisés” i ripitidu manga di bias.Rusumu1.1—7.38 Sakrifisius ku ofertas8.1—10.20 Saserdotis, Aron ku si fijus11.1—15.33 Leis aserka di puresa ku impuresa16.1-34 Dia anual di sakrifisiu pa pekadu17.1—22.33 Leis pa juda pobu pa e yanda diritu23.1—27.34 Leis aserka di manera di adora Deus