Daniel 7 - Portuguese Creole Bible, Guinea-Bissau

Suñu aserka di kuatru limaria

1Na purmeru anu ku BelsazarKap 5.1 seduba rei di Babilonia, oca ku Daniel dita na si kama, i suña, i oja visons na si kabesa. I skirbi relatoriu di kusas ki oja.

2Asin ki skirbi: Na ña visonKap 2.28; Num 12.6 di noti N na jubiba, N oja manera ku kuatru bentu di seu na bulbuli mar garandi.

3Kuatru limaria garandi, diferenti ku ŋutru, e lanta na mar.

4Purmeru seduba suma lion, ma iLei 28.49; Jer 4.7,13 teneba asas di agia. Oca ku N na jubiba, si asas rinkadu, i lantandadu na con, i firmantadu ku dus pe suma omi, i dadu korson di omi.

5Oca ku N na jubiba inda, N oja ña dianti sugunduKap 2.39 limaria ku parsi ku ursu. I lanta di un ladu; na si boka i tene tris kostela na si dintis. I faladu: “Lanta, bu kume karni ciu.”

6Dipus di kila, N kontinua na jubi, N oja utru limaria ku parsi ku leopardu, ku teneba kuatruKap 8.8,22 asa di kacu na si kostas. E limaria teneba kuatru kabesa; i dadu puder pa manda.

7Dipus di kila, N kontinua na jubi na ki visons di noti; N oja kuartu limaria meduñu, ku ta pui algin panta, forti dimas. I teneba dintis garandi di feru, i ta kebra-kebrabaKap 2.40-41; Apok 13.1 kil ki paña, i ta ngulil, i ta masa ku pe kil ku sobra. I seduba diferenti di tudu limarias ku bin purmeru. I teneba des cifri.

8Oca ku N na jubiba pa ki cifris, la na se metadi i sai utru cifriKap 8.9 pikininu; tris di ki purmeru cifris e rinkadu dianti di ki nobu. Kila teneba ujus suma uju di omi, ku un boka ku ta papiaApok 13.5 pa ngaba si kabesa.

9Oca ku N kontinua jubi,

tronusApok 20.4 pudu na se lugar.

Kil ku staba sempri bibu ciga, i sinta.

Si ropa seduba branku fandan;

kabeluApok 1.14 di si kabesa i suma algadon.

Si tronu seduba ŝamas di fugu,

i teneba rodasEz 1.15-16 di fugu ku na yardi.

10Un riu di fuguIs 66.15 sai si dianti,

i na kuri.

Milyaris di milyaris1 Re 22.19; Eb 12.22; Jud 14; Apok 5.11 na sirbil;

milyons di milyons firma si dianti.

Jinti na tribunalApok 20.4,12 sinta;

librus yabridu.

11N kontinua na jubi, pabia di palabras di garandi orgulyu ku ki cifri na papiaba; N kontinua inda na jubi tok ki limariaApok 19.20 matadu, si kurpu danadu, i botadu na ki fugu pa i kemadu.

12Ki utru limarias tiradu se puder, ma e disadu ku vida pa un sertu tempu.

13Na ña visons di noti, N fika N na jubi, N oja un algin suma fiju di omiEz 1.26; Mat 16.27; 26.64; Apok 1.7,13; 14.14 ku na bin na nuvens di seu. I bai pa kil ku staba sempri bibu, i pursentadu si dianti.

14I dadu puderMat 11.27; 28.18 pa manda, ku gloria, ku renu, pa tudu rasas ku nasons ku jinti di tudu linguas pudi adoral. Si puder pa manda i pa sempri, i ka naKap 2.44 pasa. Si renu i uniku ku ka na kabadu ku el.

Splikason di suñu

15Ami, Daniel, ña spiritu fika tarpajadu dentru di mi; visons ku pasa na ña kabesa e pantandan.

16N bai pa un di kilis ku firmaba la, N pidil pa i splikan bardadi aserka di ki kusas tudu. El i splikan signifikadu di ki kusas.

17I falan: “Ki kuatru limaria garandi e sedu kuatru renu ku na bin lanta na mundu,

18ma jinti ku sedu di ki Deus ku sta riba di tudu e na risibi renuApok 1.6; 2.26-27; 3.21; 5.10; 20.4 ku ka ta kaba, e na tenel pa tudu sempri.”

19N mistiba kunsi bardadi aserka di ki kuartu limaria ku seduba diferenti di tudu utrus, mas meduñu, ku dintis di feru, ku si uñas di metal. I ta kebra-kebraba i nguli kil ki paña; kil ku sobra, i ta masalba ku pe.

20Tambi N mistiba sibi di ki des cifri na si kabesa, ku di ki utru ku sai, ku pui ki utru tris kai si dianti, ku teneba ujus ku un boka ku ta papia palabra di orgulyu, ku parsiba mas forti di ki si kumpañeris.

21Oca ku N na jubi, ki cifri kumsa na geria kontra pobuKap 8.12,24; Apok 11.7; 13.7 di Deus, i ngaña elis,

22tok kil ku sta sempri bibu bin ciga. Justisa fasidu na fabur di pobu di ki Deus ku sta riba di tudu; tempu ciga ku elis e bin tene renu.

23Ki algin falan: “KuartuKap 2.40 limaria na sedu kuartu renu na mundu, ku na sedu diferenti di tudu utru renus. I na nguli tudu mundu, i na masa utrus ku pe, i na sapa-sapa elis.

24Ki des cifriApok 17.12 i des rei ku na lanta na ki mesmu renu. Dipus, utru rei na bin lanta, ku na sedu diferenti di ki purmerus; i na ngaña tris di ki reis.

25I na papia palabra mau kontra DeusKap 11.36 ku sta riba di tudu, i na kansa pobu di Deus, i na tenta muda lei ku tempus sagradu. Pobu di Deus na ntregadu na si mon trisKap 12.7; Apok 12.14; 13.5-6 anu i meiu.

26“Jinti di tribunal na sinta, e na tiral si puder, pa kaba ku el pa tudu sempri.

27Renu ku puder ku garandesa di tudu renu bas di seu na dadu pa pobu di ki Deus ku sta riba di tudu. Si renu na sedu renu ku ka taKap 2.44; Apok 22.5 kaba; tudu reis na adoral, e na obdisil.”

28Asin ku ña vison kaba. Ami, Daniel, ña pensamentus pantandanba ciu, tok ña rostuKap 10.8 muda, ma N guarda e kusas tudu dentruLuk 2.19,51 di ña korson.