2 Kronikas 28 - Portuguese Creole Bible, Guinea-Bissau

Akaz, rei di Judá(2 Re 16.1-5)

1Akaz1 Kron 3.13; Is 1.1; 7.1-12; Os 1.1; Mik 1.1; Mat 1.9 teneba idadi di vinti anu oca ki yentra na renansa, i rena disaseis anu na Jerusalen. I ka yandaba diritu dianti di SIÑOR suma ku si pape Davi yandaba,

2ma i yanda na kamiñu di reis1 Re 16.31-33 di Israel, tok i kumpu imaẑensSai 34.17; Ŝef 2.11 fundidu pa Baal.

3I kema nsensu na kobon di fiju diSir 18.21; Jos 15.8 Inon, i kema si propi fijus na fugu, konformi kustumus nujenti di nasons ku SIÑOR tiraba fora oca ku fijus di Israel na yentraba na tera.

4I sakrifika, i kema nsensu na kausSir 26.30; Lei 12.2-3 altu, na montis, ku bas di tudu arvuri garandi.

5Asin, SIÑOR si Deus ntregal na mon di rei di Siria. Tropas di Siria ngañal, e toma manga di jinti prezu, e leba elis katibu pa Damasku. Akaz ntregadu tambi na mon di rei di Israel, ku mata manga di si tropas.

6Na un dia son, Peka,2 Re 15.25,27,37; Is 7.4-5,9 fiju di Remalias, i mata sentu i vinti mil di tropas mas minjor di Judá, pabia pobu di Judá disa SIÑOR, Deus di se papes.

7Zikri, un soldadu forti di Efrain, i mata Maaseias, fiju di rei, ku Azrikan, nkargadu di palasiu, ku Elkana, purmeru ministru di rei.

8Tropas di Israel leba duzentus mil di se parentis di Judá prezu — minjeris ku fijus macu ku femia. E roba tambi manga di rikesas, e lebal pa Samaria.

9I staba la un anunsiadur di SIÑOR comadu Obed. I bai kontra ku tropas ku na ribaba pa Samaria, i fala elis: “Manera ku SIÑOR Deus di bo papes ten raiba kontra Judá, i ntrega elis na bo mon, ma abos bo mata elisIs 47.6; Ob 10-16; Zak 1.15 ku raiba ku ciga na seu.

10Gosi ja, bo misti tene omis ku minjeris di Judá ku Jerusalen suma boSir 25.39-46 katibus. Nta abos tambi, bo ka kulpadu dianti di SIÑOR bo Deus?

11Gosi bo sukutan; bo torna ki bo parentis ku bo tisi katibu, pabia fugu di raibaEsd 10.14 di SIÑOR sindi ja riba di bos.”

12Utru ŝefis di Efrain, ku sedu Azarias, fiju di Joanan, Berekias, fiju di Mesilemot, Jeizkias, fiju di Salun, ku Amasa, fiju di Adlai, e lanta kontra kilis ku na ribaba di gera,

13e fala elis: “Ka bo yentra ku ki katibus li, o no na ojadu kulpadu dianti di SIÑOR. Bo na buri kulpaNum 32.14 riba di no pekadu. No ten ja kulpa garandi, tok fugu di raiba di SIÑOR sta ja riba di Israel.”

14Asin tropas ntrega katibus, ku rikesa ke tisi di Judá, na mon di ŝefis ku tudu juntamentu.

15Omis ku se nomis comadu e lanta e toma ki prezus. E tira ropa na metadi di ki kusas ku tisidu di Judá, e bisti kilis ku staba nun. E da elis ropa ku sapatus, e da elis kumida2 Re 6.22 ku kusa di bibi, e unta elis kaus ke molosta. Kilis ku staba fraku, e pui elis riba di burus, e leba elis pa Jerikó, prasaLei 34.3 di palmeras, nunde se parentis. Dipus e riba pa Samaria.

Akaz buska ajuda di rei di Asiria(2 Re 16.7-9)

16Na ki tempu rei Akaz manda pidi sakur na mon di rei di Asiria,

17pabia edomeus bai ataka Judá, e leba utrus pa katiberasku.

18Filisteus tambi e ataka prasas di montisiñus ku di sul di Judá, e toma Bet-Semes, Aijalon, Jederot, Sokó, Timna ku Ginzu, ku tudu se tabankasiñus na roda, e bai mora la.

19SIÑOR baŝa Judá pabia di rei Akaz ku disvianta pobu, i ntrega si kabesa pa peka kontra SIÑOR.

20Tiglat-Pileser,2 Re 15.29; 1 Kron 5.26 rei di Asiria, i bin pa el ma, te pa i judal, i buril nan kansera.

21Akaz tira utru rikesas na kasa di SIÑOR ku kasa di rei ku di ŝefis, i da rei di Asiria, ma kila i ka judal nada.

22Na si tempu di foronta, rei Akaz peka inda mas kontra SIÑOR.

23Suma ku tropas di Siria ngañal na gera, i sakrifika limarias pa deusisKap 25.14; 2 Re 16.10-13,17-18 di Damasku, i fala: “Manera ku deusis di reis di Siria juda elis, N na ronia elis pa e pudi judan tambi.” Pabia delis i bin kai, el ku tudu Israel.

24Akaz junta material di kasa di SIÑOR, i kebra-kebral, i fica portas di kasa di SIÑOR, i kumpu altaris na tudu kantu di Jerusalen.

25Tambi, na kada prasa di Judá, i kumpu kaus altu pa kema nsensu pa utru deusis. Asin i lantanda raiba di SIÑOR, Deus di si papes.

26Tudu utru kusas ku pasa ku el, ku tudu manera ki yanda, disna di kumsada te na kabantada, e sta skritu na libru di Storia di Reis di Judá ku di Israel.

27Akaz bin diskansa. E nteral lungu di si papes na prasa di Jerusalen, ma e ka pul na simiteriu di reis di Israel. Si fiju Ezekias rena na si konta.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help