Jeremias 51 - Portuguese Creole Bible, Guinea-Bissau

1Asin ku SIÑOR fala: “N na lantanda spiritu di un danadur pa i bin kontra Babilonia ku jinti di Kaldeia.

2N na manda stranjerus pa Babilonia pa

pa imaẑens ke kumpu,

pabia e sedu mintida;

i ka ten folgu nelis.

18Elis e ka bali;

e dibi di njutidu.

Ora ku se julgamentu ciga,

e na kabadu ku el.

19Deus di Jakó i ka sta suma elis,

pabia el i KumpudurKap 10.16 di tudu kusa.

Israel sedu jorson di si yardansa.

Si nomi i SIÑOR ku ten tudu puder.

Martel di SIÑOR

20SIÑOR fala: “Abo Babilonia,

bu sedu ña martelKap 50.23; Is 10.5 ku ña material di gera.

Ku bo, N kebra nasons, N kaba ku renus.

21Ku bo, N kebra kabalu ku si montadur;

N kebra karu ku si kondutor,

22omi ku minjer,

beju2 Kron 36.17 ku nobu,

rapas ku bajuda,

23bakiadur ku si koral,

labradur ku si dus baka,

gubernaduris ku ŝefis.”

Kastigu di Babilonia

24SIÑOR fala: “Na bo dianti N na paga Babilonia, ku tudu moraduris di Kaldeia, tudu se maldadi ke fasi na Sion.

25Ami, SIÑOR, N sta kontra bo, o monti danadur, ku ta dana tudu mundu. N na distindi ña mon kontra bo, N na rolau na pedra altu tok bu kai bas. N na fasiu un monti di ŝamaApok 8.8 di fugu.

26Jinti ka na tira pedra di bo pa skina, ku fadi pa alisersu, pabia bu na bida lalaKap 50.12-13 pa sempri.” Asin ku SIÑOR fala.

27“Bo yalsa bandera na tera, bo toka kornetas na metadi di nasons. Bo purpara nasons pa e bai kontra el; bo coma renus di Arará, Mini ku Askenaz, pa e bai kontra el. Bo kuji un kapiton pa i bai kontra el; bo manda kabalus ciu suma gamfañotis.

28Bo purpara nasons pa e geria kontra el — reis diKap 51.11 Media, se gubernaduris ku tudu se ŝefis, ku tudu teras ke na manda riba delis.

29Con na tirmi, i na tursi ku dur, pabia kada un di planus di SIÑOR kontra Babilonia i sta firmi, pa fasi Babilonia un lala ku ka na teneKap 50.39-40 kin ku na mora nel.

30Omis forti di Babilonia para geria, e fika na kuartel; se forsa kaba, e bida sumaKap 48.41 minjeris. Se moradas na kema; trinkusMis 2.9; Naun 3.13 di porton kebra.

31Jinti na sai e na kuri ku rekadu, e na kontra ku ŋutru, pa bai konta rei di Babilonia kuma prasa tomadu na tudu ladu,

32kambansas di riu tomadu, toris di difesa kemadu ku fugu; medu toma konta di tropas.”

33Asin ku SIÑOR ku ten tudu puder, Deus di Israel, fala: “Babilonia i suma kau di masa arus na tempu ki na masadu. Tempu di kebur na ciga, i ka na tarda.”

34Nabukodonosor, rei di Babilonia,

i nguliKap 50.17; Is 21.10 Jerusalen,

i masal, i fasil suma jaru vaziu;

i ngulil suma iran segu.

I inci si stomagu ku si karni sabi;

dipus i bin ramasal.

35Moradur di Sion pudi fala:

“Violensia ku fasidu na mi ku ña fijus

pa i kai riba di Babilonia!”

Moradur di Jerusalen pudi fala:

“Ña sangi pa i kai riba di moraduris di Kaldeia!”

36Asin ku SIÑOR fala: “N na difindiKap 50.34; Mis 3.58 pa bo, N na torna bu inimigus kil ke fasiu. N na seka se mar, N na pui se fonti pa i seku.

37Babilonia na bida montu di liŝu, morada di kacurKap 50.39 brabu, sin ningin ku na mora nel. Kin ku ojal i na pantaKap 19.8 tok i subia.

38Jinti di Babilonia na pupa suma fiju di lion, e na ameasa suma lion pikininu.

39Ora ke sta ben dispostu, N na fasi festa, N na camintiKap 51.57 elis pa e kontenti, e jukuta; dipus e na durmi un sonu fundu; nunka mas e ka na korda. I ami, SIÑOR, ku fala.

40N na leba elis suma fijus di karnel ku na baiKap 50.27; Is 34.6; Ez 39.18 matadu, suma karnel macu ku kabra macu.

41“Jubi kuma ku Babilonia tomadu! Prasa ku tudu mundu ta ngaba i pañadu di repenti! Jubi kuma ku Babilonia torna un spantu pa nasons!

42Mar bin riba di Babilonia, i kubril ku turmenta di maron.

43Si prasas danadu; tera bida seku suma lala; ningin ka na sinta nel, ku fadi pa algin pasa la.

44N na kastiga Bel, deus di Babilonia, N na pul pa i ramasa kil ki nguli. Nunka mas jinti ka na kuri di tudu nasons pa bai nunde el. Mura di Babilonia kai.

45“Ña pobu, bo sai nel; kada kin pa i kuriKap 51.6 pa salba si vida, pabia di forsa di ña raiba.

46Ka bo disanima nin ka bo medi pabia di nobas ku ta obidu na tera. I ta bin nobas na un anu, utru anu i ta bin utru nobas, di violensia na tera, di un reiMat 24.6-7 kontra utru.

47Asin, tempu na bin ku N na kastiga idulus di Babilonia; tudu ki tera na pasa borgoña; tudu jinti na prasa na matadu.

48Seu ku teraIs 44.23; Apok 18.20 ku tudu ku sta nel na grita ku kontentamentu riba di Babilonia, pabia tropas na bin di nortiKap 50.3,41 pa kaba ku el. I ami, SIÑOR, ku fala.

49Babilonia ten ku kai pabia di jinti di Israel ku matadu, suma ku jinti di tudu mundu ku matadu e kai pabia di Babilonia.”

Palabra di Deus pa israelitas na Babilonia

50“Abos ku kapliKap 44.28 di spada, bo bai, ka bo tarda! Mesmu ku bo sta lunju, bo lembra di SIÑOR, bo pensa na Jerusalen.

51Bo na fala: ‘No sta na borgoña pabia e njutinu; no sta na kunfuson pabia stranjerus toma konta di kaus sagradu na kasa di SIÑOR’

52Ma ami, SIÑOR, N fala kuma tempu na ciga ku N na kastiga idulus di Babilonia. Na tudu si tera jinti ku molostadu e na jimi.

53Mesmu ku Babilonia pudi subi na seu, i kumpu kau fortiKap 49.16; Am 9.2; Ob 4 la riba, ami, SIÑOR, N na manda jinti pa e bai danal.

Deus fala mas di Babilonia

54“Na Babilonia i obidu gritus,

ku barujuKap 50.22 di garandi danu na tera di kaldeus.

55Ami, SIÑOR, N na kaba ku Babilonia,

N na kalanta baruju di si vos.

Si inimigu na turmenta

suma maron di manga di yagu;

i na somna pa bin.

56Algin na bin pa dana Babilonia;

si omis forti na prindidu,

se mansasas kebradu.

Ami, SIÑOR, N sedu Deus ku taKap 50.29; Lei 32.35; Sal 94.1 paga;

N na da elis ke ke mersi.

57N na camintiKap 51.39 se ŝefis,

se omis jiru, se kapitons,

se gubernaduris ku se omis forti.

E na durmi un sonu fundu,

e ka na korda mas.”

Asin ku Rei ku tene nomi

di SIÑOR ku ten tudu puder fala.

58“Muras forti di Babilonia na batidu te na con.

si portons altu na kemadu ku fugu.

Nasons na kansa se kabesa amonton;

se tarbaju na sedu leña pa fugu.”

Jeremias manda rekadu pa Babilonia

59Na kuartu anu di renansa di Zedekias, rei di Judá, i na baiba Babilonia ku si judadur ofisial, Seraias, fiju di Nerias, fiju di Maseias. Jeremias da Seraias un rekadu,

60pabia i skirbiba ja na un libru tudu mal ku na binba riba di Babilonia, ku tudu utru palabras ku skirbidu aserka di Babilonia.

61Jeremias fala Seraias: “Ora ku bu ciga na Babilonia, pui sintidu pa lei tudu e palabras ku vos altu,

62bu fala: ‘SIÑOR, bu fala aserka de kau kuma bu na kaba ku el, pa ka nada fika nel, nin omi nin limaria, pa i bida un lalaKap 51.29; 50.3,39 pa sempri.’

63Ora ku bu kaba lei e libru, bu ta mara pedra nel, bu botalApok 18.21 na riu Eufrates,

64bu fala: ‘Asin ku Babilonia na bai pa fundu, i ka na lanta, pabia di mal ku N na tisi riba del. Si moraduris na kai.’ ”

Asin ku palabras di Jeremias kaba.