2 Kronikas 5 - Portuguese Creole Bible, Guinea-Bissau

1Oca ku tudu tarbaju ku Salomon fasi pa kasa di SIÑOR bin kaba, rei tisi ki prata ku uru ku tudu kusas ku si pape Davi dedikaba pa SIÑOR, i pui elis na armazens di kasa di Deus.

Arka lebadu pa templu(1 Re 8.1-11)

2Salomon coma garandis di Israel, tudu kabesas di jorsons ku ŝefis di familia di Israel, pa e bin pa Jerusalen, pa Sion, prasa2 Sam 5.7 di Davi, pa leba arkaKap 1.4 di kontratu di SIÑOR.

3Tudu omis di Israel bin junta nunde rei na tempu di festivalSir 23.34-36 na setimu mis.

4Oca ku tudu garandis di Israel ciga, levitas lambu arka di SIÑOR,

5e lebal pa templu. Saserdotis ku levitas leba tambi ki tendaKap 1.3 di juntamentu, ku tudu kusas sagradu ku staba nel.

6Rei Salomon, ku tudu juntamentu di Israel ku staba ku el dianti di arka, e sakrifika2 Sam 6.13 manga di turu ku karnel macu, ku ciu ba tok e ka pudi kontadu.

7Dipus, saserdotis leba arka di kontratu di SIÑOR pa si lugar na kau mas sagradu di tudu, e pul bas di asas di kirubins.

8Ki kirubins ta distindiba se asas riba di kau di arka, e ta kubri arka, tudu ku ki varas ki ta lebadu ku el.

9Ki varas kumpridu ba tok se pontas ta ciga na kau sagradu, ma algin ku sta fora ka pudiba oja elis. E sta la te aos.

10Nada ka staba dentru di arka si i ka son ki dus tagua di pedra ku Moisés pui la oca ku SIÑOR fasi kontratu ku fijus di Israel na Oreb, kontra e na binba di Ejitu.

11Saserdotis sai na kau sagradu. Tudu saserdotis ku staba la, di kualker grupu, e fasiba ja sirmoniaKap 29.5,15,34 di purifikason.

12Levitas, kantaduris1 Kron 6.31-39 di familias di Asaf, Eman ku Jedutun, ku se fijus ku ermons, bistidu di liñu finu, ku simbalus, violas ku arpas, e staba di pe na ladu di altar pa saida di sol, ku sentu i vinti saserdoti ku na toka kornetas.

13Asin e toka kornetas, e kanta juntu ku armonia pirfitu, pa gardisi Deus, pa ngabal. E yalsa vos, kumpañadu ku kornetas, simbalus ku utru instrumentus di musika, e ngaba Deus, e kanta:

“El i bon;

si bondadi1 Kron 16.34 i pa sempri.”

Nuven bin inci kasa di SIÑOR.

14Saserdotis ka pudiba ja firma pa fasi se sirvis pabia di ki nuven, pabia gloriaSai 40.34-35 di SIÑOR inci kasa di Deus.