Jo 5 - Portuguese Creole Bible, Guinea-Bissau

Elifaz konsija Jo pa i buska Deus

1“Coma, bu jubi si algin na kudiu.

Kal anju ku bu pudi bai pa el?

2Bu ta sedu tulu si bu fika ku kudadi,

bu guarda raibaKap 18.4 dentru di bo tok i matau.

3Ami N ciga di oja un tulu largaSal 37.35-36; 73.3-5,17-19; 92.7; Jer 12.1-3 rais,

ma di repenti si kasa maldisuadu.

4Si fijus ka pudi oja suguransa;

e pasa mal na kau di julgamentu,

sin algin ku na libra elis.

5Kilis ku tene fomi e na kume si kebur;

te na metadi di fididas e na rabatal.

Bandidus na pui uju na si rikesa.

6Sufrimentu ka ta sai na reia;

i ka na con ku kansera ta nasi,

7ma omi ta padidu paKap 14.1 kansera,

suma ku faiska ta lanta i bua pa riba.

8“Si i ami, N ta buskaba Deus,

N ta pui ña kasu si dianti.

9El i ta fasi kusas garandiKap 9.10; 37.5; Sal 40.5; 86.10 ku no ka pudi ntindi,

ku milagris ciu ku no ka pudi konta.

10I ta da cubaSal 65.9-11; 147.8; Jer 5.24; 14.22; Am 4.7; At 14.17 pa con,

i manda yagu riba di lugaris.

11I ta pui jinti batidu na un kau1 Sam 2.7-8; Sal 107.41; Ez 17.24; Luk 1.52-53; 6.21 altu;

kilis ku na cora, i ta yalsa elis pa un kau suguru.

12I ta kunfundi planusNe 4.15; Is 8.10; At 12.11 di jinti jiru pa mal,

pa ka se mon pudi kabanta ke ke misti fasi.

13I ta paña jirus na se jiresa1 Kor 1.19-20; 3.19 di kabalindadi;

planus di jinti mau ta bin kai na nada.

14Sukuru ta bin riba delis di dia;

me-dia e ta palpaKap 12.25; Lei 28.29; Dit 4.19; Is 59.10; Am 8.9 suma di noti.

15Deus ta libra di spada kilis ku ten falta,

i ta tira elis na mon di jinti forti.

16Asin i ta ten speransa1 Sam 2.8-9; Sal 9.18 pa koitadi;

jinti mau ta tapadu boka.

17“Sortiadu kil ku Deus kuriẑi;

ka bu njuti disiplinaSal 94.12; Dit 3.11-12; Eb 12.5-11; Apok 3.19 di kil ku ten tudu puder.

18El i ta fasi caga, i ta maral;

i ta fidi, ma si monLei 32.39; 1 Sam 2.6; Sal 147.3; Jer 30.17; Os 6.1 ta kura.

19I na librau di seisSal 34.19; 91.5-10; Dit 24.16 foronta;

na setimu, mal ka na toka na bo.

20Na fomi i na librau di mortu;

na gera i na librau di puder di spada.

21Bu na guardadu di suti diSal 31.20; 55.21; 57.4; Dit 12.18; Is 54.17; Jer 18.18; Tia 3.5-8 lingua;

bu ka na medi violensia ora ki ciga.

22Bu na ri di violensia ku fomi;

bu ka na medi limariasDan 6.22 brabu.

23Bu na tene kontratu ku pedrasSal 91.12-13; Is 11.6-9; 65.25; Os 2.18 di lugar;

limarias di matu na sedu bu amigus.

24Bu na sibi kuma bu tenda sta suguru;

bu na jubi na kusas ku bu tene,

nada ka na falta.

25Bu na sibi kuma bu fijus na ciu,

tok bu jorson sedu suma paja na con.

26Bu na rukujidu pa koba

ora ku bu sedu inda forti na buKap 42.16-17; Dit 10.27 bejisa,

suma ku maradura di arus

ta rukujidu na si tempu.

27“No jubi e palabra diritu, no oja kuma i bardadi.

Obil, bu pensa nel, bu tomal pa bo.”