1Dipus, ki omi riba ku mi pa entrada di templu. YaguSal 46.4; Joe 3.18; Zak 13.1; 14.8; Apok 22.1 na saiba bas di entrada, i na kuri pa saida di sol, pabia frenti di templu staba na ki ladu. Yagu na binba bas di kasa, na ladu di sul, i na pasa altar na ladu di sul.
2Omi sai ku mi na porton di norti; no da volta na kamiñu di fora te na porton di fora na ladu di saida di sol. Yagu na saiba na ladu di sul, i na kuri.
3Omi bai pa ladu di saida di sol, ku korda di midiKap 40.3 na mon. I midi 500 metru, i pun pa N pasa na yagu; yagu kubrin pe.
4I midi mas 500 metru, i pun pa N pasa na yagu; yagu pañan na juju. I midi mas 500 metru, i pun pa N pasa na yagu; i pañan na rabada.
5I midi utru 500 metru; i seduba ja riu ku N ka pudi kamba, pabia i fundu, son si N nadaba; i riu ku ningin ka pudi kamba.
6Omi falan: “Fiju di omi, bu oja?”
I torna leban lungu di riu.
7Oca ku N riba la, N oja manga di arvuriApok 22.2 na tudu dus ladu di riu.
8I falan: “E yagu ta bai pa reẑion di saida di sol, i ta ria na bulañas di Jordon, i yentra na Mar Salgadu. Ora ki ciga na mar, yagu ta bida dos.
9Tudu kriatura bibu ku bai nunde ku ki yagu na bai, i na tene vida. Pis na ciu, pabia si ki riu ciga na Mar Salgadu, yagu di mar na bida dos. Kualker kau ku ki yagu bai, i na tisi vida.
10Lungu del piskaduris na firma; desdi En-Jedi te na En-Eglain i na ten kau pa distindi ridia. Se pis na ciu koldadi suma pis di Mar Mediteraneu.
11Ma kaus di lama ku kaus nunde ku yagu ta sinta ka na bida dos; e na disadu ku sal.
12Lungu di riu, na tudu dus ladu, i na ten manga di koldadi arvuris di fruta ku ta kumedu. Se fojasJer 17.8 ka na kai, ku fadi pa e falta fruta. E na padi se fruta na kada mis, pabia se yagu sai na kau sagradu. Se fruta na sedu kumida, se foja na sedu mesiñu.”
Fronteras di tera di Israel13Asin ku SIÑOR Deus fala: “Es i fronteras di tera ku bo na rapati pa dozi jorson di Israel suma se yardansa. Jorson di JoséKap 48.2-7; Kum 48.5; 1 Kron 5.1 na toma dus parti.
14Bo na rapatil pa yardansaKum 12.7; 13.15 igual, pabia N jurmenta ku mon yalsadu kuma N na dal pa bo papes. Asin e mesmu tera na sedu yardansa pa bos.
15“Es na sedu fronteraKap 48.1; Num 34.6-9 di tera: Na ladu di norti i na bai desdi Mar Mediteraneu, pa kamiñu di Etlon te na entrada di Zedad,
16Amat, Berota, Sibrain (ku sta na frontera na metadi di Damasku ku Amat) ku Azer-Atikon ku sta lungu di frontera di Auran.
17Asin frontera di norti na bai di mar te Azar-Enon, ku fronteras di Damasku ku Amat pa ladu di norti. Es i frontera di norti.
18“Frontera di saida di sol na bai di un kau na metadi di Auran ku Damasku, i na pasa na metadi di Jilead ku tera di Israel; dipus, frontera na sedu riu Jordon, desdi norti te na Mar Salgadu.
19“Frontera di sul na sedu desdi Tamar te na yagu diKap 48.28 Meribá-Kades, lungu di riu di Ejitu te na Mar Mediteraneu. Es i na sedu frontera di sul.
20“Na ladu di kaida di sol, frontera na sedu Mar Mediteraneu, desdi frontera di sul te na entrada di Amat. Es i na sedu frontera di kaida di sol.
21“Bo na rapati e tera entri bos konformi jorsons di Israel.
22Bo na rapatil pa i sedu bo yardansa, tambi pa stranjerusRom 10.12; Ef 3.6 ku mora na bo metadi e padi fijus la. E na sedu suma fijus di tera na metadi di fijus di Israel. E na sta juntu ku bos na yardansa.
23Bo na da kada kin si yardansa na metadi di jorson nunde ki mora nel.” Asin ku SIÑOR Deus fala.
Who We AreWhat We EelieveWhat We Do
2025 by iamachristian.org,Inc All rights reserved.
