Atus 24 - Portuguese Creole Bible, Guinea-Bissau

Paulu dianti di Féliŝ

1Dipus di sinku dia, ŝef diKap 23.2; 25.2 saserdotis, Ananias, bai ku utru garandis, ku un advogadu comadu Tertulu. E bai pui se keŝas kontra Paulu dianti di gubernadur.

2Oca ku Paulu comadu, Tertulu kumsa na akusal, i fala:

3“No garandi gubernadur Féliŝ, pabia di Ñu no na goza pas; pabia tambi di jiresa di Ñu i na fasidu sempri na tudu parti manga di minjoriamentu pa ben di pobu. No rapara tudu e kusas, no misti fala Ñu obrigadu.

4Ma pa ka roba manga di tempu, N na pidi pa Ñu ten bondadi pa sukutanu un bokadu.

5“No oja kuma e omi i mau, i ta lantandaKap 16.20-21; Luk 23.2; 1 Ped 2.12 baruju na metadi di tudu judeus na tudu mundu. I un ŝef di grupu ku ta comadu Nazarenu.

6Tambi i mistiba mancaKap 21.28 kasa di Deus. E ku manda no prindil. Ñu pudi puntal, i ta obi na si boka bardadi de kusas ku no na akusal.”

9Judeus tambi e konkorda ku akusason, e fala kuma tudu i bardadi.

10Oca ku gubernadur fasi Paulu sinal pa i papia, i fala: “Suma N sibi kuma Ñu sedu juis ne tera li manga di anu, i ta dan mas koraẑen pa N fasi ña difesa.

11Ñu pudi punta utru jinti pa sibi si kontra i bardadi ku N na fala, kuma i ka mas di ki dozi dia ku N ciga Jerusalen pa adora Deus.

12E ka ojan na kasa di Deus N na diskuti ku algin, nin e ka ojanKap 25.8 N na fasi juntamentu di pobu na kasas di juntamentu o na prasa.

13E ka pudi proba kusas ke na akusan del gosi.

14Ma i ten un kusa ku N na konfesa Ñu, kuma N ta adora Deus di no papes na ki kamiñu ke ta coma ‘seita’, ma N ta fia na tudu ku sta skritu na librus di leiKap 26.22; 28.23; Luk 24.27,44; Rom 3.21 ku anunsiaduris.

15N ten speransa na Deus, suma ku esis tambi e na pera, kuma i ten ku ten un resureisonKap 23.6; Dan 12.2; Mat 22.31-32 di mortu di bons ku maus.

16E ku manda N ta buska sempri tene un konsiensiaKap 23.1 limpu dianti di Deus ku dianti di jinti.

17“Dipus ku N ten anus fora di Jerusalen, N bin pa tisi simolasRom 15.25-26; 2 Kor 8; 9; Gal 2.10 pa ña pobu, tambi pa da oferta pa Deus.

18Es ki kusa ku utru judeus di AsiaKap 21.26-27 ojan N na fasi. N purifikaba ja, N ka staba na nin juntamentu nin baruju.

19I elis ku dibi di staba dianti di Ñu pa akusan na kualker kusa ke oja kontra mi.

20O e jinti li e pudi konta si e oja un kusa mau na mi oca N sta dianti di se Konseliu,

21si i ka sedu son e un palabra ku N fala ku vos altu na se metadi: ‘I pabia di resureison di mortuKap 23.6 ku bo na julgan aos.’ ”

22Féliŝ, ku tenba ja kuñisimentu di kamiñu di Deus, i maina justisa, i fala: “Ora ku kumandanti Lísias bin N ta rezolvi bu kasu.”

23I manda kapiton pa i guarda Paulu prezu, ma ku un bokadu diKap 27.3; 28.16 liberdadi, tambi pa ka i tuji si amigus bai la pa dal ajuda.

Paulu papia ku Féliŝ ku Drusila

24Dias pasa; Féliŝ bin ku si minjer Drusila ku seduba judeu. I manda coma Paulu, i sukutal oca i na papia di fe na Kristu Jesus.

25Oca i kumsa na fala kusa di yanda diritu, ku guberna no vontadi, ku juisu ku na bin, Féliŝ fika ku medu, i falal: “Gosi i justa; bu pudi bai. Ora ku N ten tempu N ta torna comau.”

26Na mesmu tempu i na peraba si Paulu na dal diñeruSai 23.8 pa i largal. E ku manda sempri sempri i ta mandaba comal pa kombersa ku el.

27Dus anu pasa. Pórsiu Festu bin fika na konta di Féliŝ. Suma ku Féliŝ mistiba pa judeus kontentiKap 12.3; 25.9; Sai 23.2,6; Mar 15.15; Gal 1.10 ku el, i disa Paulu prezu.