2 Reis 21 - Portuguese Creole Bible, Guinea-Bissau

Manasés, rei di Judá(2 Kron 33.1-20)

1Manasés1 Kron 3.13; Mat 1.10 kumsa rena ku dozi anu di idadi, i rena sinkuenta i sinku anu na Jerusalen. Nomi di si mame seduba Efzibá.Is 62.4

2Manasés fasi mal dianti di SIÑOR, i yanda konformi kustumus nujentiLei 12.29-31 di ki rasas ku SIÑOR tira na se tera pa fijus di Israel pudi yentra nel e mora la.

3Na kaus altu i torna kumpu ki balobasKap 18.4; Lei 16.21; 1 Re 16.31-33 ku si pape Ezekias danaba; i lantanda altaris pa Baal, i kumpu un idulu di Aserá suma ku Akab, rei di Israel, fasiba. I mpina dianti di tudu strelasLei 4.19 di seu, i adora elis.

4I kumpu altarisKap 16.10-16; 23.12; Jer 32.34 na kasa di SIÑOR, ki kasa ku SIÑOR falaba kuma i na pui si nomi1 Re 8.29; 9.3; Sal 132.13-14 nel la na Jerusalen.

5Tambi na tudu dus ladu di kintal di kasa di SIÑORKap 23.4-6 i kumpu altaris pa tudu strelas di seu.

6I sakrifika si fiju na fugu; i ta diviñaba pa nuvens, i seduba pauteru,Kap 17.17; Sir 19.26,31 i ta konsultaba difuntus ku botaduris di sorti. I pega fasi mal dianti di SIÑOR, i lantanda si raiba.

7Tambi, ki idulu di Aserá ki fasiba, i pulLei 16.21 na templu, ku sedu ki kasa ku SIÑOR papiaba aserka del, oca ki fala Davi ku si fiju Salomon: “N na pui ña nomi pa sempri ne kasa, li na Jerusalen, kau ku N kuji na metadi di tera di tudu jorsons di Israel.

8Nunka mas N ka na tira pe di pobu di Israel ne tera2 Sam 7.10 ku N da se papes, si elis e pui sintidu pa fasi konformi tudu ku N manda elis, konformi lei ku ña servu Moisés da elis.”

9Ma e nega obi; Manasés pui elis1 Re 14.16 pa e yara, tok e fasi mas pior di ki ki nasons ku SIÑOR kababa ku el oca ku pobu di Israel na yentraba na tera.

10SIÑOR bin papia na boka di si servus anunsiaduris, i fala:

11“Manasés, rei di Judá, fasi e kusas nujenti; i fasi pior di ki kil ku amoreus fasi, ku staba antis del. I pui pobu di Judá pa e peka ku si idulus.

12E ku manda ami, SIÑOR Deus di Israel, N fala kuma N na tisi mal riba di Jerusalen ku Judá, di manera ku kualker algin ku obi1 Sam 3.11; Jer 19.3 del, i ta sinti ŝokadu.

13N na kastiga Jerusalen suma ku N kastiga Samaria, ku familia di Akab. N na tira jinti ku sta na Jerusalen tok i limpu pus, suma pratu ku limpadu i mborkadu.

14Kilis di ña pobu ku sobra, N na bandona elis, N na ntrega elis na mon di tudu se inimigus, ku na toma tudu kusas ke tene.

15Es na kontisi pabia e fasi mal ña dianti, e lantanda ña raiba, disna di dia ku se papes sai na Ejitu te aos.”

16Fora di manera ku Manasés fasi malKap 24.3-4 dianti di SIÑOR, i pui jinti di Israel pa e fasi ki pekadus ku el i na fasiba, i mata tambi manga di jinti ku ka mersiba muri, tok sangi inci Jerusalen di un ladu te na utru.

17Tudu utru kusas ku Manasés fasi, ku pekadu ki fasi, i sta skritu na libru di Storia di Reis di Judá.

18I bin diskansa, i nteradu na jardin di si kasa, ku sedu jardin di Uzá. Si fiju Amon bin rena na si lugar.

Amon, rei di Judá(2 Kron 33.21-25)

19Amon1 Kron 3.14; Mat 1.10 teneba idadi di vinti i dus anu oca ki kumsa rena; i rena dus anu na Jerusalen. Si mame seduba Mesulemet, fiju di Aruz, di Jotba.

20I fasi mal dianti di SIÑOR suma ku si pape Manasés fasiba,

21pabia i yanda na tudu kamiñus di si pape, i adora ki idulus ku si pape adoraba, i mpina se dianti.

22I disa SIÑOR, Deus di si papes, i ka yanda na kamiñu di SIÑOR.

23Ŝefis di Amon lanta kontra el, e matal na si kasa.

24Pobu di Judá mata tudu kilis ku lantabaKap 14.5 kontra rei Amon; e pui si fiju Josias pa i sedu rei na si lugar.

25Tudu utru kusas ku pasa na renansa di Amon, ku kil ki fasi, i sta skritu na libru di Storia di Reis di Judá.

26E nteral na si koba, na jardin di Uzá. Si fiju Josias rena na si lugar.