Jeremias 49 - Portuguese Creole Bible, Guinea-Bissau

Anunsiu aserka di Amon

1Asin ku SIÑOR fala aserka di fijus di yarda Gad, si jinti bai sinta na se prasas?

2Ami, SIÑOR, N fala kuma, tempu na bin ku N na pui jinti di Rabá, kapital di Amon, pa e obi baruju di gera; prasa na bida monti di pedra; si tabankas na kemadu ku fugu. Israel na yarda kilis ku yardaba elis. Asin ku ami, SIÑOR, N fala.

3Abos, pobu di Esbon, bo pupa, pabia prasa di Ai i kabadu ku el. Jinti di Rabá, bo grita, bo mara saku, bo cora, bo kuri, bo da volta dentru di muras, pabia Milkon na bai

“Nta jiresa kaba ja na Teman? Jinti ntindidu e pirdi ja se jitu di da konsiju? O se jiresa dana ja?

8Abos ku mora naKap 25.23 Dedan, bo da kosta bo kuri, bo bai sukundi na kobas di pedra, pabia N na tisi mal riba di jorson di Esaú, na tempu di se kastigu.

9Nta, si jinti bin pa bo pa korta uvas na se pe, e ka ta fika utru kacus? Si ladrons bin di noti, e ka ta leba son kil ke misti?

10Ma ami N leba tudu ku Esaú tene, N diskubri si kaus di sukundi; i ka na pudi sukundi ja. Si fijus kabadu ku el, suma tambi si ermons ku si visiñus. El i ka izisti ja.

11Disa bu orfans; ami N na guarda elis ku vida. Bu viuvas e na fia na mi.

12“Ami, SIÑOR, N fala: Kilis ku ka kondenaduba pa bibi di kopuKap 25.29 di kastigu, e ten ku bibil. Nta abo, bu na kapli? Nau, bu ka na kapli di kastigu, ma bu na bibi di ki kopu.

13Ami, SIÑOR, N jurmenta pa ña nomi kuma BozraIs 34.6; Am 1.12 na sedu suma lala; jinti na panti pa jubil, e na njutil, e fala mal del. Tudu si prasas na bida suma lala pa sempri.”

14SIÑOR falan e palabra: “Un algin i mandadu pa nasons pa fala elis: ‘Bo junta, bo bin kontra el; bo lanta pa gera.’

15“N fasiu pikininu na metadi di nasons, njutidu na metadi di omis.

16Ki medu ku bu ta pui na jinti, ku orgulyu di bu korson, i nganau. Abo ku mora na kobas di pedra garandi, ku ta mora riba di montis, nin si bu pui bu niñuJo 39.27 la riba suma agia, di la N na batiu. I ami, SIÑOR, ku fala.

17“Asin Edon na sedu un kusa di spantu. Tudu algin ku pasa laKap 18.16; 50.13 i na panta, i subia, pabia di tudu si cagas.

18I na danadu suma ku SodomaKap 50.40; Kum 19.25; Lei 29.23; Am 4.11 ku Gomora ku se prasas visiñu danadu; asin ningin ka na torna sinta la mas. Asin ku ami, SIÑOR, N fala.

19“Suma ku lion ta sai na matu ficaduKap 12.5; 50.44 di Jordon, i bai kontra karnel na kau di paja bonitu, asin ku N na serka Edon di repenti. Kin ku N na kuji pa pui suma rei riba del? Kin ku parsiSai 15.11 ku mi? Kin ku na disafian? Kin ki bakiadur ku pudi firma ña dianti?

20Asin, bo obi planusKap 50.45-46 ku SIÑOR fasi kontra Edon ku kusa ki pui sintidu pa fasi moraduris di Teman. Na bardadi ki mas pikininus di koral e na rastadu; se moradas na danadu tudu.

21Ora ku Edon kai, tera na tirmi ku baruju di si kaida. Se gritus na obidu te na Mar Burmeju.

22Inimigu na bin kontra Bozra suma agiaKap 48.40-41 ku ta subi, i ria, i distindi si asas riba del. Na ki dia korson di omis forti na sedu suma korson di minjer ku sta na dur di partu.”

Anunsiu aserka di Damasku

23Aserka diIs 17.1; 37.13; Am 1.3-5; Zak 9.1-2 Damasku:

“Jinti di Amat ku Arpad e fika ku borgoña pabia e obi nobas ku ka sabi; e pirdi animu, e foronta suma mar ku na bulbuli, i ka pudi keta.

24Damasku bida fraku, i da kosta pa kuri. Medu toma konta del, foronta ku dur pañal suma minjerKap 48.41 na partu.

25Ki prasa di fama ku ta danba kontentamentu, jubi kuma ki bandonadu;

26si jovensKap 50.30 na kai na ruas; tudu omis di gera na kalantadu na ki dia. Asin ku ami, SIÑOR ku ten tudu puder, N fala.

27N na pui fugu na mura di Damasku ku na kaba ku palasius di rei2 Re 13.3 Ben-Adad.”

Anunsiu aserka di Arabia

28Asin ku SIÑOR fala aserka di KedarIs 21.13-17 ku renus di Azor, ku Nabukodonosor, rei di Babilonia, ataka: “Bo lanta, bo bai kontra Kedar, bo kaba ku jinti di saida di sol.

29E na toma se tendas, se limarias, lona di se tendas ku tudu se rikesas; e na leba se kamelus. Jinti na grita elis, e fala: ‘MeduKap 20.3-4 na tudu ladu!’

30“Ami, SIÑOR, N fala ku bos ku mora na Azor: Bo kuri, bo bai lunju! Bo bai mora na fundu di kobas di pedra garandi, pabia Nabukodonosor, rei di Babilonia, i pui sintidu, i fasi si planus kontra bos.

31“Ami, SIÑOR, N fala: Abos di Babilonia, bo lanta bo bai kontra un nason ku sinta kuŜef 18.7; Ez 38.11 pas, fiansadu, ku ka tene portons nin feŝus; e sinta elisNum 23.9; Mik 7.14 son.

32Se kamelus na robadu ku multidon di se limarias. Ami N na pajiga pa tudu bentu kilisKap 9.26; Ez 5.10 ku ta korta se kabelu na ladu. N na tisi mal riba delis di tudu ladu.” Asin ku SIÑOR fala.

33“Azor na bida morada di kacurKap 9.11; Mal 1.3 brabu, i na danadu pa sempri. Ningin ka na torna sinta la mas.”

Anunsiu aserka di Elan

34Es i palabra ku SIÑOR papia ku anunsiadur Jeremias kontraKap 25.25; Kum 10.22; 14.1; Ez 32.24-25 Elan, na kumsada di renansa di Zedekias, rei di Judá.

35Asin ku SIÑOR ku ten tudu puder fala: “Ami N na kebra mansasaIs 22.6 di Elan, ku sedu fonti di si forsa.

36N na tisi kontra Elan kuatru bentu di kuatru kantu di seu; N na pajigal na tudu ladu di ki bentus. I ka na ten tera nunde ku refuẑiadus di Elan ka na bai.

37N na pui jinti di Elan pa e sinti medu dianti di se inimigus ku na buska elis pa mata. N na tisi mal riba di elamitas na forsa di ña raiba. I ami, SIÑOR, ku fala. N na manda spadaKap 48.2 tras delis tok N kaba ku elis.

38Ami, SIÑOR, N na pui ña tronu na Elan, N na kaba ku se rei ku se ŝefis.

39“Mas tardi N na ribantaKap 49.6 jinti di Elan di katiberasku.” Asin ku SIÑOR fala.