Daniel 6 - Portuguese Creole Bible, Guinea-Bissau

Daniel na koba di lions

1Dariu oja kuma i dibi di pui sentu i vintiEst 1.1 presidenti pa e sta riba di tudu si renu.

2Riba delis i pui tris ministru ku ki presidentis tenba di da konta pa elis, pa ka rei sufri nin un danu. Daniel seduba un di ki tris ministru.

3I mostra kuma i pudi tarbaja minjor di ki utru ministrus ku presidentis, pabia i seduba omi jiruKap 5.12 dimas. Rei na pensaba pul riba di tudu renu.

4Ki ministrus ku presidentis fika e na buska roson pa pudi keŝa di Daniel na parti di si tarbaju na renu, ma e ka oja kulpa nel, pabia Daniel sedubaFil 2.15; 1 Ped 2.12 di fiansa. E ka oja nin kurupson nin falia nel.

5E fala ŋutru: “Nunka no ka na oja roson pa keŝa de algin, si no ka buskal na ladu di lei di si Deus.”

6Asin ki ministrus ku presidentis bai juntu pa rei, e falal: “Ñu Rei Dariu ta bibu pa sempri!

7Tudu ministrus di renu, ku ŝefis, presidentis, kapitons ku gubernaduris, e ruma entri elis kuma, rei dibi di da ordi ku ten ku obdisidu, ku fala kuma, na prazu di trinta dia, algin ku fasi pididu pa kualker deus o omi, ku ka sedu pa Ñu Rei, i na botadu na koba di lions.

8Agora, Ñu Rei pudi konfirma e lei, Ñu sinal, pa ka i mudadu, suma ku lei di medusEst 1.19 ku persas ka ta pudi mainadu.”

9Asin rei Dariu sina ki lei.

10Oca ku Daniel bin sibi kuma ki lei sinadu, i yentra na si kasa, nunde ki tenba un kuartu ku janelas abertu1 Re 8.44,48; Jona 2.4; Mat 10.32 na ladu di Jerusalen. Tris bias na un diaSal 55.17; 1 Tes 5.17-18 i ta finkaba juju i ora, i fala si Deus obrigadu, suma ki kustumaba ta fasi.

11Ki omis bai juntu, e oja Daniel na ora, i na pidi dianti di si Deus.

12E baiKap 3.8 pa rei, e puntal: “Nta Ñu ka sina ki lei ku fala kuma, na prazu di trinta dia, algin ku fasi pididu pa kualker deus o omi, ku ka sedu pa Ñu Rei, i na botadu na koba di lions?”

Rei ruspundi i fala elis: “Ki lei i sertu, konformi lei di medus ku persas ku ka pudi maina.”

13E ruspundi e fala rei: “Daniel, un di ki katibus ku tisidu di Judá, i ka ta mportaKap 3.12 ku Ñu Rei, nin ku ki lei ku Ñu sina. I ta fasi si orason tris bias na un dia.”

14Oca ku rei obi e kusa, i fika ku kasabiMar 6.26 garandi, i fasi tudu ki pudi pensa nel pa tenta libra Daniel, tok sol noti.

15Ki omis junta mas, e bai pa rei, e falal: “Ñu Rei sibi kuma, konformi lei di medus ku persas, nin un ordi o lei ku rei sina ka pudi mainadu.”

16Asin rei da ordi pa tisi Daniel; e botal na koba di lions. Rei fala Daniel: “Bu Deus ku bu ta sirbi sempri, i na librau.”

17Un pedra tisidu, i pudu na bokaMis 3.53; Mat 27.66 di koba. Rei karimbal ku si anel, ku anel di si fidalgus, pa ka situason di Daniel mudadu.

18Rei bai pa si palasiu, i pasa noti sin kume; i ka disa pa e tisi nin un instrumentu di musika si dianti. I ka pudi durmiEst 6.1 ki di noti.

19I lanta parmaña sedu, i bai kinti-kinti pa koba di lions.

20Oca ki ciga pertu di koba, i coma Daniel ku vos tristi, i falal: “Daniel, servu di Deus bibu! Nta bu Deus ku bu ta sirbi sempri, i seduba kapasKum 18.14; Jer 32.17; Zak 8.6; Mat 19.26 di librau di lions?”

21Daniel kudi i fala rei: “Ñu Rei ta bibu pa sempri!

22Ña Deus manda si anjuKap 3.28; Eb 11.33 ku fica boka di lions pa e ka molostan, pabia N ojadu sin kulpa si dianti. Tambi N ka fasi mal kontra Ñu Rei.”

23Rei fika kontenti dimas, i manda tira Daniel na koba. Asin Daniel tiradu na koba; nin un molostu ka ojadu na si kurpu, pabia i fiansa na si Deus.

24Rei da ordi; e tisi ki omis ku keŝaba di Daniel, e bota elis na kobaLei 19.19 di lions, elis ku se fijusLei 24.16; 2 Re 14.6; Est 9.7-10 ku se minjeris. E ka cigaba inda na fundu di koba, lions rabata elis, e kebra-kebra se os.

25Rei Dariu skirbi pa tuduKap 4.1 rasas, nasons, ku jinti di tudu linguas ku mora na tudu mundu, i fala: “N dija bos pas!

26N na da ordi pa jinti na tudu parti di ña renu pa e medi, e rispitaKap 3.29 Deus di Daniel.

“El i Deus bibu,

ku na kontinua pa sempri.

Si renu ka pudi kabaduKap 2.44 ku el;

si puder di manda ka ten kabantada.

27El i ta libra, i ta salba;

i ta fasi milagrisKap 4.3 ku maravilyas

na seu ku tera.

I libra Daniel di puder di lions.”

28Tudu kusa kuri diritu ku Daniel na renu di Dariu, ku di SiruKap 1.21; 10.1; Esd 1.1-2 di Persia.