2 Kronikas 7 - Portuguese Creole Bible, Guinea-Bissau

Dedikason di templu(1 Re 8.62-66)

1Oca ku Salomon kaba si orason, fuguSir 9.24 kai di seu, i peganda ki oferta ku na kemaduba, ku utru sakrifisius. GloriaKap 5.14 di SIÑOR bin inci kasa.

2Saserdotis ka pudiba yentra na kasa di SIÑOR, pabia gloria di SIÑOR incilba.

3Oca ku tudu fijus di Israel oja fugu i na kai, ku gloria di SIÑOR riba di kasa, e mpina ku rostu na con la na kintal pavimentadu, e adora SIÑOR, e ngabal, e fala:

“El i bon;

si bondadi1 Kron 16.34 i pa sempri.”

4Dipus, rei ku tudu pobu sakrifika limarias dianti di SIÑOR.

5Rei Salomon pursenta sakrifisius di vinti i dus mil turu ku sentu i vinti mil karnel. Asin rei ku tudu pobu e dedikaEsd 6.16 kasa di Deus.

6Saserdotis firma na se lugar, konformi se grupus, ku levitas tambi, ku instrumentus di musika di SIÑOR ku rei Davi kumpuba. E ngaba SIÑOR, e kanta: “Si bondadi i pa sempri,” suma ku Davi ta fasiba juntu ku elis. Saserdotis toka kornetas; tudu Israel fika di pe.

7Salomon santifika un parti na metadi di kintal dianti di kasa di SIÑOR. La ki pursenta ofertas kemadu ku gurdura di ofertas di pas, pabia altar di kobri ku Salomon kumpuba i perta dimas, tok ki ofertas kemadu, ofertas di kumida ku gurdura, ka pudiba kibi nel.

8Salomon ku tudu Israel, un garandi juntamentu di jinti ku bin, desdi entrada di Amat te na riu di Ejitu, e guarda festival di barakasSir 23.34-43 pa seti dia.

9E pasaba ja seti dia na dedikason di altar, dipus e pasa ki seti dia di festival. Na ultimu dia e junta pa fasi nseramentu.

10Na dia 23 di setimu mis Salomon dispidi jinti. E riba pa se kau ku kontentamentu, ku bon animu, pabia di bon kusas ku SIÑOR fasiba pa Davi ku Salomon ku si pobu Israel.

Deus torna bin pa Salomon(1 Re 9.1-9)

11Asin Salomon kaba kumpu kasa di SIÑOR ku kasa di renansa, i kompleta tudu kusa ki teneba na sintidu pa fasi na tudu dus kau.

12SIÑOR bin pa el di noti, i falal: “N obi bu orason, N kuji e lugarLei 12.5-6,11 pa mi, pa i sedu kasa di sakrifisiu.

13Si N fica seu, cubaKap 6.26-28 ka cubi, o si N manda gamfañotisJoe 1.4-7; 2.25 pa e kume tudu kusas ku labradu, o N manda duensa meduñuNum 14.12; 16.47-49 na metadi di Israel,

14si ña pobu, ku ta comadu pa ña nomi, e baŝa,Kap 6.37-39; Lei 30.1-3; Tia 4.9-10 e ora, e buskan, e konverti di se mau maneraDit 28.13; Is 55.6-7 di yanda, la na seu N ta obi elis, N ta purda se pekadus, N kuraJer 33.6 se tera.

15Disna di aos, ña ujuKap 6.20,40 na sta abertu, ña oreja na sta pruntu pa obi orason ku na fasidu ne kau li.

16N kuji e kasa, N fasil sagradu, pa ña nomi2 Re 21.7 pudi sta nel pa sempri. Ña uju ku ña korson na sta fiksadu nel pa sempri.

17“Abo, Salomon, si bu yanda ña dianti suma ku bu pape Davi yanda, si bu fasi tudu ku N mandau, bu obdisi ña leisLei 28.1-2; 1 Re 2.3-4; 3.14 ku regras,

18ami N na konfirma tronu2 Sam 7.16; Jer 33.20-21 di bu renu, konformi kontratu ku N fasi ku bu pape Davi, oca ku N falal: ‘I ka na falta omi di bu jorson pa guberna riba di Israel.’

19Ma si abo ku bu familia disvia, bo para obdisiSir 26.14,33; Lei 28.14,36-37 ña leis ku mandamentus ku N da bos, bo bai sirbi utru deusis, bo mpina se dianti,

20ami N na rinka Israel na tera ku N da elis, N na nega e kasa ku N fasi sagradu pa ña nomi, tok jinti di tudu nasons e na usal na se ditus, e fasi trosa del.

21E kasa i garandi aos, ma na ki tempu, kualker algin ku pasalJer 19.8; 22.8-9 i na fika spantadu, i na punta: ‘Ke ku manda SIÑOR fasi asin ku e tera ku e kasa?’

22Jinti na ruspundi: ‘I pabia e disa SIÑOR Deus di se papes ku tira elis di tera di Ejitu, e ntrega se vida pa utru deusis, e mpina se dianti; e sirbi elis. E ku manda SIÑOR manda tudu e mal riba delis.’ ”