1Na dia 10 di purmeru mis di anu 25 di no katiberasku, katorzi anu dipus ku JerusalenKap 33.21 kai, na ki dia mon di SIÑOR bin riba di mi, i lebanKap 3.12,14; 11.24; 37.1 pa la.
2Na un vison Deus leban pa teraKap 8.3; Apok 21.10 di Israel, i pun riba di un monti muitu altu. Na ladu di sul i tenba kasas ku parsi prasa.
3Oca ki leban la, N oja un omi ku na lamprabaDan 10.6 suma kobri, i firmaba na porton, i tene na mon un kordaKap 47.3; Zak 2.1 di liñu ku un kanaApok 11.1; 21.15 di midi.
4Ki omi falan: “Fiju di omi, jubiKap 44.5 ku bu uju, bu obi ku oreja, bu pui sintidu na tudu ku N na mostrau, pabia i pa es ku bu tisidu li. KontaKap 43.10 pobu di Israel tudu ku bu oja.”
Porton di saida di sol5N oja un muraKap 42.20 na roda di kasa di Deus. Ki kana di midi na mon di omi i teneba 3 metru di kumprimentu. I midi mura; i teneba 3 metru di grosura ku 3 metru di altura.
6I bai pa porton ku na jubi pa saida di sol; i subi na si skada, i midi entrada di porton; i teneba 3 metru di largura.
7Kada kuartu di guarda teneba 3 metru di kumprimentu ku 3 metru di largura. Paredis entri elis e teneba 2,5 metru di grosura. Kuridor ku ta bai di kuartus di guarda te na sala di entrada teneba 3 metru di kumprimentu.
8-9I midi sala di entrada ku staba mas pa dentru; i teneba 4 metru. Si firkijas teneba 1 metru di grosura.
10Dentru di porton di saida di sol i tenba tris kuartu di guarda na kada ladu, tudu di mesmu midida. Firkijas na se metadi e teneba mesmu midida.
11Dipus i midi largura di kuridor di porton; i teneba 6,5 metru; Largura di porta propi seduba 5 metru.
12I tenba un spasu na frenti di kuartus di guarda, ku tene 50 sentimetru na tudu dus ladu. Kada kuartu teneba 3 metru na kada ladu.
13Dipus i midi di paredi di tras di un kuartu di guarda te na paredi di tras di utru kuartu ku staba si dianti; i midi 12,5 metru.
14I midi kintal desdi firkijas te na firkijas na roda di porton; i da 30 metru.
15Kumprimentu desdi entrada di porton te na paredi di tras di si sala di entrada i sedu 25 metru.
16I tenba janelas ku ta fica na kuartus di guarda, na paredis na se metadi ku na roda di sala di entrada. Paredis di dentru teneba palmeras gravadu.
Kintal di fora17I leban pa kintal, ku teneba kuartus. I staba la un pavimentu ku kumpudu tudu na roda di kintal. I tenba trinta kuartu na ki pavimentu.
18Pavimentu na ladu di porton teneba mesmu kumprimentu ku portons; i seduba pavimentu mas bas.
19I midi largura desdi dianti di porton di dentru te dianti di kintal di dentru; i seduba 50 metru, na ladu di lesti suma di norti.
Porton di norti20Dipus i midi kumprimentu ku largura di porton ku ta jubi pa ladu di norti, ku ta bai pa kintal di fora.
21Si kuartus di guarda, tris di kada ladu, paredis entri elis, ku si salas di entrada, e teneba mesmu midida ku purmeru porton, ku sedu 25 metru di kumprimentu ku 12,5 metru di largura.
22Si janelas ku si salas, ku teneba diseñas di palmeras, e seduba di midida di porton di saida di sol. I tenba seti skada ku ta bai pa ki porton. Si sala di entrada staba la dianti.
23Suma na ladu di saida di sol, porton di kintal di dentru staba filadu ku porton di norti. Di un porton pa utru i midi 50 metru.
Porton di sul24I leban pa banda di sul; N oja la un porton ku ta jubi pa sul. Si kuartus ku si salas teneba mesmu midida suma ki utrus.
25I tenba janelas na roda di si salas suma ki utru janelas. I teneba 25 metru di kumprimentu ku 12,5 metru di largura.
26I tenba seti skada ku ta bai pa ki porton. Si sala di entrada staba la dianti. Palmeras gravadu na paredi di tudu dus ladu.
27Porton di kintal di dentru staba filadu ku porton di sul. Di un porton pa utru i midi 50 metru.
Portons pa kintal di dentru28No pasa na porton di sul; i leban pa kintal di dentru. I midi porton di sul; i teneba mesmu midida suma ki utrus.
29Si kuartus di guarda ku firkijas entri elis, ku si salas di entrada, e teneba ki mesmu midida. I tenba tambi janelas na roda di si salas. I teneba 25 metru di kumprimentu ku 12,5 metru di largura.
30Salas na roda di kintal di dentru e teneba 12,5 metru di kumprimentu ku 2,5 metru di largura.
31Si salas di entrada e ta jubi pa kintal di fora. Palmeras gravadu na paredis; i tenba oitu skada pa subi.
32Dipus i leban pa kintal di dentru na ladu di saida di sol. I midi porton; i teneba mesmu midida suma ki utrus.
33Si kuartus di guarda ku firkijas entri elis, ku si salas, teneba ki mesmu midida. I tenba tambi janelas na roda di si salas. I teneba 25 metru di kumprimentu ku 12,5 metru di largura.
34Si salas di entrada e ta jubi pa kintal di fora. Palmeras gravadu na paredis na tudu dus ladu; i tenba oitu skada pa subi.
35I leban pa porton di norti, i midil. I teneba ki mesmu midida,
36suma tambi si kuartus di guarda ku firkijas entri elis, ku si salas. I tenba janelas na roda. Porton i teneba 25 metru di kumprimentu ku 12,5 metru di largura.
37Si salas ta jubi pa kintal di fora. Palmeras gravadu na paredi na tudu dus ladu. I tenba oitu skada pa subi.
Kuartus pa purpara sakrifisiu38I tenba un kuartu ku porta lungu di sala di porton, nunde ke ta laba limariasSir 1.9 ku na kemadu pa oferta.
39Na sala di porton i tenba dus mesa na kada ladu, nunde ke ta mata limarias pa oferta kemadu, pa oferta pa pekaduKap 42.13; 43.19; 45.18-19; Sir 4.14; 6.24 ku oferta pa kulpa.Sir 5.15; 6.6; 7.1
40Tambi, la fora, nunde ke ta subi pa entrada di porton di norti, i tenba dus mesa. Na utru ladu di sala di porton i tenba mas dus mesa.
41Asin i tenba kuatru mesa na un ladu ku kuatru na utru ladu, ku sedu oitu mesa, nunde ke ta mataba limarias.
42Ki kuatru mesa pa oferta kemadu e seduba di pedra labradu. Kada ladu teneba 75 sentimetru; altura seduba 50 sentimetru. Riba delis e ta guarda material ke ta usa pa mata limarias di sakrifisiu.
43Ansolis, di un palmu di kumprimentu, e fiksadu dentru, na roda. Mesas seduba pa karni di oferta.
Kuartus pa saserdotis44Na kintal di dentru, fora di porton di dentru, i tenba dus kuartu pa kantaduris,1 Kron 6.31-32; 9.33 un lungu di porton di norti ku ta jubi pa sul, utru lungu di porton di sul ku ta jubi pa norti.
45I falan: “E kuartu ku ta jubi pa sul i pa saserdotis ku ten kontaSir 8.35; Num 3.32,38 di templu.
46Kuartu ku ta jubi pa norti i pa saserdotis ku ten konta di altar. Esis e sedu fijusKap 43.19; 44.15; 48.11; Num 18.1-5; 1 Re 2.35 di Zadok, ku sedu uniku na metadi di fijus di Levi ku pudi ciga pertu di SIÑOR pa sirbi si dianti.”
47I midi kintal; i seduba kuadradu, ku 50 metru di kumprimentu ku 50 metru di largura. Altar staba dianti di templu.
Templu48I leban pa sala di entrada di templu, i midi firkijas di sala. Kada un teneba 2,5 metru na un ladu ku 2,5 metru na utru. Largura di porton seduba 7 metru; kantus seduba 1,5 metru na kada ladu.
49Sala teneba kumprimentu di 10 metru ku largura di 5,5 metru. I teneba skada di subida, ku dus1 Re 7.21 firkija, un na kada ladu di entrada.
Who We AreWhat We EelieveWhat We Do
2025 by iamachristian.org,Inc All rights reserved.
