1 Kronikas 29 - Portuguese Creole Bible, Guinea-Bissau

Ofertas pa kumpu templu

1Rei Davi fala tudu juntamentu: “Ña fiju Salomon i kil ku Deus kuji, ma i nobu

Tudu ku sta na seu ku tera i di bo.

Renu i di bo, SIÑOR; abo i kabesa ku sta riba di tudu.

12RikesaLei 8.18; Jo 42.10; Rom 11.35-36 ku gloria bin di bo;

i abo ku ta manda riba di tudu.

Forsa ku puderMat 28.18; Apok 11.17 sta na bu mon;

bu pudi da garandesa ku forsaSal 18.32; 68.35; 144.1-2; Is 40.29; Fil 4.13; Kol 1.11 pa tudu jinti.

13Aos, no Deus, no falau obrigadu,

no ngaba bu nomi gloriosu.

14“Anos i kin, ami ku ña pobu, pa no pudi dau tudu e kusas di bon vontadi? Tudu bin di bo; no dau son kil ku bin di bu mon.

15Anos i stranjerus bu dianti, osprisEb 11.13-16; 1 Ped 2.11 suma ku tudu no papes seduba. No vida ne mundu i ta pasaTia 4.14 suma sombra; no ka ten speransa di fika li.

16O SIÑOR no Deus, tudu e rikesa ku no junta pa kumpu kasa pa bu nomi sagradu, i bin di bo, i di bo tudu.

17Ña Deus, N sibi sertu kuma bu ta proba korsonKap 28.9; Apok 2.23 di jinti, bu ta kontentiDit 11.20 si bu oja bardadi nel. Ami tambi, N dau tudu e kusas ku sinseridadi di ña korson, ku tudu ña vontadi. Gosi N sta kontenti pa oja manera ku bu pobu ku sta li e dau ku tudu vontadi.

18SIÑOR Deus di no papes Abraon, Isak ku Israel, guarda e bon diseẑu na korson di bu pobu pa sempri, bu gia se korson son pa bo.

19Pui ña fiju Salomon pa i dija ku tudu si korson obdisi tudu bu mandamentus, leis ku ordis, pa i pui sintidu pa kumpu e templu ku N purpara ja kusas pa el.”

20Dipus Davi fala tudu juntamentu: “Bo ngaba SIÑOR bo Deus!” Asin tudu pobu mborka dianti di SIÑOR, tambi dianti di rei, e ngaba SIÑORKap 16.36; 2 Kron 20.21 Deus di se papes.

21Sol mansi; e sakrifika limarias pa SIÑOR, e pursental ofertas kemadu: mil turu, mil karnel macu ku mil karnelsiñu, tudu ku se oferta di bibida. E sakrifika manga di limaria pa tudu Israel.

22Ki dia e kume e bibi dianti di SIÑOR ku garandi kontentamentu.

E rikuñisi Salomon, fiju di Davi, pa sugundu biasKap 23.1 suma rei, e unjil dianti di SIÑOR suma se ŝef. E unji tambi Zadok pa i sedu saserdoti.

23Asin Salomon sinta na tronuKap 17.11-12; 28.5; Sal 132.11; Is 9.6-7 di SIÑOR na lugar di si pape Davi. Kusas kurilKap 22.11 diritu; tudu Israel obdisil.

24Tudu administraduris ku tropas, ku tudu fijus di rei Davi, e jurmenta kuma e na fika bas di rei Salomon.

25SIÑOR garandisi Salomon na uju di tudu Israel, i dal gloria2 Kron 1.12 na si renansa, ku nin utru rei na Israel ka teneba antis del.

Mortu di Davi

26Davi, fiju di Jesé, i rena riba di tudu Israel

27pa korenta anu — seti anu na Ebron ku trinta i tris na Jerusalen.

28I muri na bon bejisa, oca ki kompletaKum 25.8; 35.29 si dias; i goza rikesa ku rispitu. Si fiju Salomon bin rena na si lugar.

29Tudu ku pasa na vida di rei Davi, disna di kumsada te na kabantada, i sta skritu na librus di Storia di anunsiaduris Samuel, Natan ku Gad.

30Ki librus ta konta di si renansa ku si puder, ku tudu kusas ku pasa ku el, ku Israel ku tudu renus na si roda.