1 Timótiu 3 - Portuguese Creole Bible, Guinea-Bissau

Diriẑentis na igreẑa(Titu 1.5-9)

1Es i un ditu di bardadi: Si un omi ten vontadi di seduAt 14.23; 20.17,28; 1 Ped 5.1; 2 Jon 1 presbiteru, i dija bon tarbaju.

2I pirsis pa un presbiteru sedu sin kulpa, maridu di un minjer son, seriu, ku sibi guberna si kabesa, ku ten ordi, ku ta risibi ospri na si kasa, ku ten jitu2 Tim 2.24 pa nsina.

3I ka dibi di ba ta bibi biñu ciu, nin i ka dibi di sedu brabu, ma di pasensa, ku ka gosta di jus; i ka dibi di ba ta faima1 Ped 5.2 pa diñeru.

4I dibi di sibi guberna si kasaJos 24.15 diritu, pa si fijus obdisil ku tudu rispitu,

5pabia si algin ka sibi guberna si familia propi, kuma ki pudi toma konta di igreẑa di Deus?

6I dibi di sedu algin maduru na fe, pa ka i fika incadu ku orgulyu, i bin kai na kondenason suma ku diabu kai.

7Tambi i pirsis pa i sedu un algin ku jinti di fora taAt 22.12; 1 Tes 4.12 rispita, pa i ka kai na disprezu, o na armadilia di diabu.

Diákunus (ku sedu judaduris)

8Di mesmu manera diákunusAt 6.3 dibi di sedu retu; pa ka e ten dus fála, pa ka e bibi biñu ciu, pa ka e faima pa diñeru.

9E dibi di pega bardadi fundu di fe ku konsiensiaKap 1.19 puru.

10E ten ku probadu purmeru; dipus, si i ka ten nada kontra elis, e ta pega tarbaju.

11Minjeris tambi e dibi di sedu retu, ku ka ta papiaTitu 2.3 mal di utru, seriu, fiel na tudu kusa.

12Diákunu dibi di sedu maridu di un minjer son, i dibi di sibi guberna si kasa ku si fijus diritu.

13Diákunus ku ta fasi se tarbaju diritu, e ta ngaña lugar di rispitu, e ta pudi papia ku fiansa aserka di se fe na Kristu Jesus.

Garandi sigridu

14N ka misti tarda pa bai jubiu, ma N na skirbi e karta.

15Si kontra N tarda pa bai, bu ta sibi kuma ku algin dibi di yanda na familia di Deus, ku sedu igreẑa di Deus bibu, kuluna ku firkija di bardadi.

16I ka ten duvida kuma sigridu di no fe i fundu:

“Kil ku parsi na kurpuJon 1.14; 1 Jon 1.2; 4.2-3 di omi,

na si spirituRom 1.4 i mostradu justu;

anjusMat 28.2; Luk 2.9-15 ojal;

tudu rasa kontadu aserka del;

jinti di tudu mundu fia nel;

i risibiduAt 1.9 na gloria na seu.”