Apokalipsi 7 - Portuguese Creole Bible, Guinea-Bissau

144.000 di pobu di Israel

1Dipus de kusa N oja kuatru anju sikidu na kuatru kantu di mundu; e tuji ku kuatru bentu pa ka nin un bentu supra na tera, nin na mar, nin na kualker arvuri.

2N oja utru anju subi di ladu ku sol ta nasi, ku tene karimbu di Deus bibu, i grita ku garandi vos pa ki kuatru anju ku dadu puder pa dana tera ku mar,

3i fala: “Ka bo dana tera nin mar, nin arvuris, tok no pui markaKap 9.4; 22.4; Ez 9.4; Ef 4.30 di karimbu na testa di servus di no Deus.”

4N obi numeruKap 14.1 di kilis ku markadu ku karimbu; i 144.000 di tudu jorson di fijus di Israel.

5Di jorson di Judá i tenba 12.000 ku markadu; di jorson di Ruben 12.000; di jorson di Gad 12.000;

6di jorson di Aser 12.000; di jorson di Naftali 12.000; di jorson di Manasés 12.000;

7di jorson di Simeon 12.000; di jorson di Levi 12.000; di jorson di Isakar 12.000;

8di jorson di Zebulon 12.000; di jorson di José 12.000; di jorson di Benjamin 12.000.

Pobu di Deus na gloria

9Dipus de kusas N jubi, N oja un garandi multidon di jinti ku ningin ka pudi konta, di tuduDan 4.1 nason, tudu rasa, tudu pobu ku tudu lingua, ku staba sikidu dianti di tronu na pursensa di Karnel. E bistiKap 3.4-5 ropa kumpridu branku, e pega ramu di palmera na mon.

10E na papiaba ku garandi vos, e na fala:

“SalbasonKap 19.1; Sal 3.8 bin di no Deus ku sta sintadu na tronu;

i bin tambi di Karnel.”

11Tudu anjus sikidu, e rodia tronu, ku ki garandis ku ki kriaturasKap 4.4,6; 11.16 bibu. Dipus e mborka ku rostu na con, e adora Deus,

12e fala:

“Amen! LovorKap 5.13 ku gloria ku jiresa ku gardisimentu

ku rispitu ku puder ku forsa

i sedu di no Deus pa tudu sempri! Amen!”

13Un di ki garandis puntan: “Esis ku bisti ropa kumpridu branku, elis i kin? Di nunde ke sai?”

14N ruspundil: “Siñor, abo ku sibi.” I falan: “Esis i kilis ku bin di ki garandiKap 6.9; 17.6 pirsigison. E laba se ropa, e bidantal brankuIs 1.18; Zak 3.3-5; Eb 9.14 na sangi di Karnel.

15E ku manda e firma dianti di tronu di Deus, e na sirbil di dia ku di noti na si templu. Kil ku sinta na tronu ta kubriIs 4.5-6 elis ku si sombra.

16Nunka mas e ka ta tene fomi nin sedi. Nin solSal 121.6 ka na yardi riba delis, nin kalur forti ka na kema elis,

17pabia Karnel ku sta na tronu i na seduSal 23.1-2; 36.8; Jon 10.11 se bakiadur; i na leba elis pa fontis di yagu ku ta da vida. Deus na limpa larmaKap 21.4; Is 25.8 tudu na se uju.”